Longe was herLX hueLX loked vp · and lord mercy criede

And by-highte to hym · þat ous alle made

Hue sholde vnsywe hure smok · and sette þer an heire

To afaiten hure flesch* · þat fers was to synne

Shal neuere myn herte me hente · bote holde me lowe

And suffre to be myssaide · and so dude ich neuere

Bote now wolle ich muke me · and mercy by-seche

Of alle þat ich haue · yhated in myn herte

repente þe quath repentaunce · as reson þe tauhte

And shryf þe sharpliche · and shak of alle pruyde

Confessio superbie . Confessio superbie . C

Ich pruyde pacientliche · penaunce ich aske

For ich formest and ferst · to fader and to moder

Haue ybe vnboxome · ich biseche god of mercy

And vnboxome ybe · nouht a-baissed to a-gulte

God and alle good men · so gret was myn herte

In-obedient to holychurche · and to hem þat þer seruen

Demed for hure yuel vices · and excited oþere

Þorw my word and al my wit · hure vuel workes to shewe

And scorned hem and oþere · yf a skyle founde

Lauhynge al aloude · for lewede men sholde

Wene þat ich were witty · and wyser þan a-noþere

Scorner and vnskilful to hem · þat skil shewede

In alle manere maners · my name to be yknowe

Semeng a souereyn on · wer-so me by-fulle

To telle eny tale · ich trowede me wiser

To carpen oþer to counsaile · þan eny lered oþer lewede

Prout of a-parail · in porte a-monge þe puple

Oþer-wise þan ich haue · with-ynne oþer with-oute

Me wilned þat men wende · ich were in aueyr

Riche and resonable · and ryghtful of lyuynge

Bostynge and Braggynge · wyt meny bolde oþes

Auauntyng vp on my veine-glorie · for eny vnder-nemynge

And ȝut so syngeler by my-self · as to sight of þe puple

Was non suche as my-self · ne non so pompholy ·

Som-tyme on {o}aN secte · som tyme on anoþer

In alle kynne couetyse · contreuede how ich myghte

Be holde for holy · an hondred sithe by þat encheison

Wilnede þat men wende · my werkes were þe beste

And konnyngest of my craft · clerkes oþer oþere

And strengest vp-on my stede · and styuest vnder gurdell

And louelokest to loken on · and lykynggest a-bedde

And lykynge of such* a lif · þat no lawe preyseþ

Prout of my faire fetours · and for ich songe shulle

And what ich gaf for godesloue · to god-sybbes ich tolde

Ther to wene þat ich were · wel holy and wel almesful

And non so bold beggere · to bydden an craue

Tales to telle in tauernes · and in stretes

Thyng þat neuere was þouhte · and ȝut ich swor ich sauh hit

And lyed on my lykame · and on my lyf boþe

Of werkes þat ich wel dude · wittnesse ich take

And syggen to suche · þat sytten me by-syde

Lo yf ȝe leyue me nouht · oþer þat ȝe wene ich lye

Aske of hym oþer of hure · and þei conne ȝow telle

What ich soffrede anLX seih · and som tyme hadde

And what ich knew and couthe · of wat kyn ich kam of

Al ich wolde þat men wuste · when hit to pruyde sonede

As to preised a-mong þe puple · þauh ich poure semede

Si hominibus placerem christi seruus non essem .

Nemo potest duobus dominis seruire .

Now god of hus goodnesse · geue þe grace to Amende

Quath repentaunce ryght with þat · And þenne roos enuye

Confessio inuidie confessio subidie . C

Enuye with heuy herte · asked after shrifte

And criede mea culpa corsynge alle hus enemys

Hus cloþes were of corsement · and of kene wordes

He wroth hus fust vp-on wratthe · hadde he wysshes at wille

Sholde no lyf lyuye · þat on hus londe passede

Chidynge and I-anglenge · þat was hus chef lyflode

And blame men by-hynde hure bak · and bidde hem meschaunce

Al þat he wiste by wylle · to watekyn he told hit

And þat he wiste by watekyn · tolde hit to wille after

And made foos of frendes · þorw fals and fykel tonge

Oþer þorw myghte of mouthe · oþer þorw meny sleyghthes

Venged me fele tyme · oþer brend my-self with-ynne

Lyke a shappesters sheres · and shrewede myn emcristyne

Aȝens þe consail of crist · as clerkes fynden in bokes

Cuius maledictione os plenum est &* amaritudine sub lingua eius . labor . & dolor .

Filij hominum dentes eorum arma &* sagitte &* lingua eorum gladius acutus .

Wenne ich ne may haue þe maistrie · suche malancolie ich take

Þat ich cacche þe crampe · þe cardiacle som tyme

Oþer an ague in suche an angre · and som tyme a feuere

Þat takeþ me al a twelfmounthe · til þat ich dispice

Leche craft of oure lorde · and leyue on a wicche

And sigge þat no clerk can · ne crist as ich leyue

To þe souter of south-werk · such is hus grace

For god ne godes wordes · ne grace neC halp neuere

Bote þorw a charme hadde ich a chaunce · and my chief hele

Ich myghte nat ete meny ȝer · as a man hauhte

For enuye and vuel wil · ys vuel to defye

May no suger ne swete þyng · a-swage my swellynges

Ne dereworthe drynke · dryuen hit fro myn herte

Neyþer shame ne shrift · bote ho-so shraped my mawe

Ȝus redilyche quath repentaunce · and þow be ryght sory

For þy synne soueraynliche · by-sechyng god of mercy

Ich am euere sory sayde enuye · ich am bote selde oþer

Þat makeþ me so megre · for ich ne may me Auenge

Ȝut am ich brocor of baggebytynge · and blame mennes ware

Among marchauns many tymes · nameliche in londoun

Wanne he solde and ich noght · þenne was ich a redy

To lye and to loury · and to lacke myn neghebores

Here werkes here wordes · wer so ich sete

Now hit a thynkeþ me in þouht · þat euere ich so wrouhte

Lord er ich lyf lete · for loue of þy-selue

Graunte me goodelorde / goode lorde · grace of amendeme{.}nt

Confessio ire confessio ire . T

Thenne awaked wratthe · whitLX to white eyen

WhitLX a nyuylynge nose · nyppyng hus lyppes

Ich am wratth quaþ þat wye · wol gladliche smyte

Boþe whitLX ston and whitLX staf · and stele vp-on myn enemy

For to slee hym slehliche · slehthes ich by-þenke

Thauh ich sytte þys seuen ȝer · ich sholde nat wel telle

The harme þat ich haue idon · witLX hand and whitLX tonge

Vnpacient in alle penaunces · and pleyned as hit were

On god wenne men greued ouht · and grucche of hus sonde

As som tyme in somer · and also in heruest

Bote ich hadde wedir at my wil · ich wited god þe cause

And alle manere angres · þat ich hadde oþer felede

Amonges alle manere men · my dwelling ys som tyme

WhitLX lered and witLX lewede · þat luf ben to hure

Harm of eny man · by-hynde oþer by-fore

Freres flowen my vore · fele tyme and ofte

And prouen vnparfit · prelates of holy churche

And prelates pleynen of hem · for þei here parshenes shryuen

Whit-outeLX lycence an{.}d leue · and herby lyueþ wratthe

Thus þei speke and dispute · þat eche dispiseþ oþer

Thus beggers and barouns · at debat aren ofte

Til ich wratth waxe an hyh · and walke wit hem bothe

Oþer til boþe be beggers · and by spiritualte lybben

O{þ}r alle riche þus ride · rest shal ich nauht wraithe

Þat ich ne mot folwy þis folk · my fortune ys non oþer

Ich haue an Aunte to anunne / a nunne · and to an abbodesse

Hem were leuere sounye oþer swelte · þan suffry eny peyne

Ich haue be cook in here kychene · and þe Couent serued

Meny monthes with hem · and with monkes boþe

Ich was þe prioresse potager · and oþer poure ladies

And made here ioutes of iangles · dame Iohane was a bastarde

And dame Clarice a knyghtes douhter · a cokewold was hure syre

Dame purnele a prestes file · prioresse worth he neuere

For hue hadde a childe in the chapon cote · hue worth chalenged at election

Thus þei sitte þo sustres · som tyme and disputen

Til þow luxt and þow luxt · be lady ouer hem alle

And þenne a-wake ich wratthe · and wold be auenged

Þanne ich crie and cracche · whitLX my kene nailes

Boþe byte and bete · and brynge forth suche þewes

Þat alle ladies me loþen · þat louen eny worschep

Among wyues and wodewes · ich am ywoned sitte

Yparroked in puwes · þe person hit knoweth

How lytel ic louye · letice at þe style

For hue hadde haly bred er ich · myn herte by-gan to chaunge

After-ward after mete · hue and ich chidde

And ich wratth was war · and wroth on hem boþ

Til aiþer cliped either oþere · and of with þe cloþes

Til boþe here heuedes were bar · and blody here chekes

Among monkes myght ich be · ac meny tyme ich spare

For þer beþ meny folle frekus · myne afferes to aspye

Þat ys þe priour and þe suppriour · and oure Pater abbas .

And yf ich telle eny tales · thei taken hem to-geders

And don me faste fridaies · to bred and to water

Ȝut am ich chalenged in chapitele hous as ich a childe were

And baleysed in þe bar ers · and no breche by-twyne

Ich haue no lust leyue me · to lenge a-mong monkes

For hij eteþ more fisch* þan flesh* · and feble ale drenken

Ac oþer-wile wanne wyn comeþ · and wenne ich drenke late

Ich haue a flux of a foul mouth · wel fyf dayes after

Al þat ich wiste wickede · by eny of oure couent

Ich cowede hit vp in oure cloistre · þat al þe Couent wot hit

Now repente þe quaþ repentaunce · and reherce neuere

What counsail þat þow knowest · by contenaunce ne by speche

And drynk nat ouer delicatliche · ne to dupe neiþer

Þat þy wil ne þy wit · to wratthe · myghte turne

Esto sobrius he seide · and a-soiled hym after

And bad hym bidde to god · be hus help to amende

Confessio luxurie  confessio luxurie .

Thenne seide lecherie alas · and to oure lady cryede

Lady to þy leue sone · lowte for me nouthe

That he haue pyte on me putour · hus pure grace and mercy

WhitLX þat ich shal quath þat shrewe · saterdayes for þy loue

Drynke bote with þe douke · and dyne bote ones

Ich gulty in gost · to god ich me shryue

As in lykynge of lecherie · my licames gultes

In wordes in wedes · in waitynge of eyen

To eche maide þat ich mette · ich made to hure a sygne

Semynge to synne-warde · and somme gan ich taste

A-boute þe mouthe · and by nythe · by-gan ich to grope

Til oure boþers wil was on · to werke we ȝeden

As wel fastyngdaies and frydaies · and eye feste euenes

As luf in lente as oute of lente · alle tymes liche

Suche werkus with ous · were neuere out of seson

Til we myghte no more · þanne hadde we murye tales

Of puterie and of paramours · and proueden þorw speches

Handlynge and halsynge · and also þorw cussynge

Excitynge oure aiþer oþer · til oure holdeLX synne

Sotilede songes · and sende out olde baudes

For to wynne to my wil · wommon whitLX gyle

By sorcerye som tyme · and som tyme by maistrye

Ich lay by þe louelokeste · and loued hem neuere after

Whenne ich was old anLX hor · and hadde lore þat kynde

Ich had lykynge to lauhe · of lecherye tales

Now lord for þy leaute · of lechours haue mercy

Confessio auaricie confessio auaricie . T

Thenne cam couetyse · ich can nat hym discryue

So hongerliche anLX so holwe · heruy hym-self lokede

He was bytelbrowede and baberlupped · whitLXt two blery eyen

And as aleþerenepors / a leþerene pors · lollid hus chekus

Al sydder þan ys chyn · ychiueled for elde

As bondemenne bacon · hus berd was yshaue

WhitLX hus hod on his heued · and hus hatte boþe

In a toren tabarde · of twelue wynter ageT

Iich haue be coueitous · quaþ þis caityf · Ich by-know hit here

For som tyme ich serued · symme at þe style

And was is prentys yplyght · hus profyt to waite

Furst ich lerned to lye · a lesyng oþer tweye

Wickedliche to weye · was my furst lesson

To wy and to winchestre · ich wente to þe faire

With many marchandises · as my maistres heghte

Ne hadde þe grace of gyle · gon among my ware

Hit hadde ben vnsold þys seuen ȝer · so me god helpe

Ich drow me among drapers · my donet to lerne

To drawe þe lisure a-longe · þe lenger it semed

Among þe riche rayes · ich rendred a lesson

To brochen hem with a batte-nelde · and bond hem to-gederes

Ich putte hem in pressours · and pynned hem þerynne

Tyl ten ȝordeLX oþer twl{.e?}ue / tw[e]lue · tilled out þrettyne

My wif was a webbe · and wollen cloþ made

Hue spak to þe sp{n}ynnesters · to spynnen hit oute

Þe pound þat hue paiede hem by · peysed a quarter

More þan myn Auncel · wenne ich weied treuthe

Ich boughte hure barliche · hue brew hit to selle

Peny-ale apodyng / a podyng-aleLX · hue pourede to-geders

For laborers and lowe folke · that laye by hem-selue

The beste laye in my bour · and in my bed chambre

And so bommede þer-of · he bouht yt þer-after

A galon for a grote · and ȝut no grayþ mesure

Wanne it cam in coppe-mel · þis craft my wif vsede

Rose þe regratour · was hure ryght name

Hue hath yholde hockerye · þes eleuene wynter

Repentest þow neuere quaþ repentaunce · ne restitucion madest

Ȝus ones quaþ hue ich was yherborwed · with an hep of chapmen

Ich a-ros and rifled here males · wenne þei a-reste were

Þat was a reufol restitucion · quaþ repentaunce for-soþe

Thow wolt hongy heye þerfore · her oþer in helle

Vsedest þow euere vserie in al þy lyf-tyme

Nay sothliche hue sayde · saf in my ȝouþe

Ich lerned among lumbardes · a lesson and of iewes

To weie pans with a peis · and pared þe heuyeste

And lente for loue of þe wed · þe whiche ich let betere

And more worth þan þe moneye · oþer men þat ich lonede

Ich lonede folk þat lese wolde · a lippe in eche noble

And with lombardes letters · ich lenede gold at rome

So what bern of me borwed · he bouhte þe tyme

Lonedest þow euere to eny lorde · for loue of menteynaunce

Ich haue ylent to lordes and to ladies · þat louede me neure after

Ich haue mad meny knyght · boþe mercer and draper

Payede neuere for here prentishode · nauht a payere gloues

Þat chaffared with my chyuesaunce · cheuede selde after

Now redelich quaþ repentaunce · and by þe rode ich leyue

Shal neuere executor wel by-sette · þe suluer þat þow hym leuest

Ne þyn ayeres as ich hope · haue ioye of þat þow wan

For þe pope and alle hus penetauncers · power hem faylleþ

To a-soyle þe of þy synnes · sine restitutione .

Nunquam dimittitur peccatum . nisi restituatur ablatum .

With false wordes and wittes · ich haue wonne my goodes

And with gyle and glosynge · gadered þat ich haue

Meddled my marchaundise · and mad a good moustre

The werst lay with-ynne · a gret wit ich let hit

And yf my neyhȝebore hadde an hyne · oþer eny best ellys

More profitable þan myn · ich made meny wentes

How ich myght haue hit · al my wit ich caste

And bote ich hadde hit by oþes a-way · atte laste ich stal hit

Oþer pryuyliche hus pors shok · vnpiked hus lokes

And yf ich ȝede to þe plouh · ich pynchede on hus half-acre

Þat a fot londe oþer a forwe · fecchen ich wolde

Of my neyhȝeboris next · nymen of hus erthe

And yf yrepe ouere-reche · oþer ȝaf hem red þat repen

To sese to me with here sykel þat ich sew neuere

In halydayes at holy churche · wenne ich hurde messe

Ich hadde neuere witerlich* · to by-seche mercy

For my mysdedes · þat ich ne mornede ofter

For lost of good leyue me · þen for lycames gultes

Þauh ich dedliche synne dude · ich dradde hit nat so sore

As wenne ich lenede and leyuede hit lost · oþer longe er hit were paied

And yf sente ouer see · my seruaunt to brugges

Oþer in-to prus my prentys · my profit to a-waite

To marchaunde with monye · and maken here eschaunge

Myghte neuere man comforty me · in þe meyn tyme

Neiþer matyns ne masse · ne oþere manere syghtes

And neuere penaunse performede · ne pater noster seyde

That my mynde ne was · more in my goodes

Þan in godes grace · and hus grete myghte

Ybi thesaurus tuus  ibi cor tuum .

Now redeliche quaþ repentaunce · ich haue reuthe of þy lyuynge

Were ich a frere in good faith · for al þe gold on erthe

Ich nolde cope me with þy catell · ne oure churche amende

Ne take a meles mete of þyne · andLX myn herte hit wiste

Þat þow were such as þow seist · ich sholde raþere sterue

Melius est mori  quam male uiuere .

Ich rede no faitthful frere · at þy feste sytte

Ȝut were me leuere by oure lord · lyue by welle carse

Þan haue my fode and my fyndyng{flourish}eP · of false menne wynnynges

Seruus es alterius cum fercucula pinguia queris .

Pane tuo potius uescere liber eris .

Thow ert an vnkynde creature · ich can þe nat assoyle

Tyl þow haue ymad by þy myght · to alle men restitucion

For alle þat hauen of þy good · haue god my treuthe

Beeþ holden at þe hye dome · to helpe the restitue

The preest þat þy tythe takeþ · trowe ich non oþer

Shal parte with þe in purgatorie · and help paye þy dette

Yf he wist þow were suche · wen he reseyuyde þyn offrynge

What lede leyueþ þat ich lye · loke in þe sauter glosed

On ecce enim ueritatem dilexisti .

Ther he shal wite witerliche · what vsure is to mene

And what penaunce þe prest shal haue · þat prout is of þe tethes

For an hore of hure ers-wynnynge · may hardiloker tythe

Þan an erraunt vsurer · haue god my treuthe

And erest shal come to heuene · by cryst þat me made

Then was þer a walishman · was wonderliche sory

He highte ȝyuan ȝeld aȝeyn · if ich so moche haue

Al þat ich wickeddelich wan · sytthen ich hit hadde

And þauh my liflode lacke · leten ich nelle

Þat ech man shal haue hus er ich hennes wende

For me ys leuere in this lif · as a lorel beggen

Þan in lysse to lyue · and lese lyf and soule

Roberd þe ryfeler on reddite lokede

And for þer was nat wher with · he wepte ful sore

And ȝut þat synful shrewe · seide to heuene

Crist þat on caluarye · on þe croys deidest*

Tho Dismas my broþer · by-souhte þe of grace

And haddest mercy on þat man · for memento sake

So rewe on me Roberd · þat reddere ne haue

Ne neuere wene to wynne wit craft · þat ich kowe / k[n]owe

For þy muchel mercy · mytigacion ich by-secheC

Dampne me nouht at domys-day · for þat ich dude so ille

What by-fel of þis felon · ich can nouht faire shewe

Wel ich wot he wepte faste · water wit hus eyen

And to crist knowlechede · hus coupe ȝut eft-sone

Þat penaunce hus pyk-staf · he wolde polische newe

For he hadde leye by latro lucifers aunte

By þe rode quaþ repentaunce · þow romest toward heuene

By so þat hit be in þyn herte · as ich hure þy tonge

Trist in his mochel mercy · anLX ȝut myght þow be saued

For al þe wrecchednesse of þis worlde · and wickede dedes

Fareþ as a fouk of fuyr · þat ful a myde temese

And deide for a drop of water · so doþ alle synnes

Of alle manere men þat whitLX good wille

Confessen hem and crien mercy · shullen neuere come in helle

Omnis iniquitas quo ad misericordiam dei est quasi sintilla in medio maris .

Repente þe anon quaþ repentaunce · ryȝt so to þe vsurer

And hus mercy in þy mynde haue · and marchaundise leue hit

For þow hast no good by good faith · to bygge þe with a wastell

The good þat þow hauest ygete · bygan alwith / al with falshede

As longe as þow lyuest þer-with · þow ȝeldest nat bote þow borwest

And yf þow wite neuere to wham · ne wereLX þow sholde restitue

Bere hit to þe bischop · and bide hym of hus grace

To by-setten hit hym-selue · as best be for þy soule

For he shal answere for þe · at þe hye dome

For þe and for meny mo · þat man shal ȝeue rekenynge

What he lerede ȝow to lyue with · and to lette ȝow fro þufye / þuf[þ]eT

Confessio gule . Confessio gule .

Now by-gynneþ gloton · for to go to shryfte

And kayres hym to churcheward · hus coupe to shewe

Fastyng on a fryday · forth gan he wende

By betene hous þe brewestere · þat bad hym good morwe

And wederwarde hue wolde · þe brew-wif hym asked

To holy churche quaþ he · for to hure masse

And sitthen sitte and be yshreuen · and synwe na more

Ich haue good ale godsyb · gloton wolt þow assaye

What hauest þow quaþ he · eny hote spices

Ich haue piper and pionys · and a pound of garlik

A fertheng-worth of fynkelsede · for fastinge daies

Thenne goþ gloton yn · anLX grete oþes after

Sesse þe sywestere · sat on þe benche

Watte þe warynere · and hus wif dronke

Thomme þe tynkere · and tweye of hus knaues

Hicke hakeneyman · and houwe þe neldere

Claryce of cokeslane · the clerk of þe churche

Syre peeres of prydie · and purnel of flaundres

An haywarde and an heremyte · þe hangeman of tyborne

Dauwe þe dykere · with a dosen harlotes

Of portours and of pykeporsses · and pylede toþ-drawers

Arybibour / A rybibour and a ratoner · a rakere and hus knaue

Arepere / A repere and a redyngkynge · and rose þe disshere

Godefray þe garlek mongere · and griffyn þe walish

And of vp-holdders an hep · herly by þe morwe

Geuen gloton with glad chire · goud ale to ansele

Clemment þe cobelere · cast of hus cloke

And to þe nywe fayre · nempned hit to selle

Hicke þe hakeneyman · hitte hus hod after

And bad bette bouchere · to be on hus syde

Ther were chapmen y-chose · þe chaffare to preise

Þat he þat hadde þe hod · sholde nat habbe þe cloke

Þe betere þyng by arbytours · sholde bote þe werse

Two rysen rapliche · and rounede to-geders

And preysed þe penyworthes · apart by hem-selue

And þer were oþes an hepe · for oþer sholde haue þe werse

Þei couthe nouht by {.}here conscience · a-corde for treuthe

Tyl Robyn þe ropere · aryse þei bysouhte

And nempned hym a nompeyr · þat no debate were

Hicke þe hakeneyman · hadde þe sloke / [c]lokeP

In couenaunt þat clemment · sholde þe coppe fylle

And haue þe hakeneysmannes hod · and hold hym yserued

And who repentyde raþest · sholde a-ryse after

And grete syre gloton · whitLX a galon of ale

Þer was lauhyng & lakeryng* · and let go þe coppe

Bargeynes and beuereges · by-gunne to a-ryse

And setyn so til euesong* rang · and songe vmbwyle

Til gloton adde yglobbed · a galon and a gylle

Hus guttes gonne godely · as to gredy sowes

He pissede a potell · in a pater noster while

And blew hus rounde rywett · atte þe rygbones ende

Þat alle þat herde þan horne · hulde here nose after

And wusched þat hit hadde be wexed · with a wips of breres

He myghte noþer stappe no stounde · tyl he a staf hadde

Thanne gan hue go · lyke a glemannes bycche

Som tyme a-syde · som tyme a-ryre

HasLX ho-so laith lynes · for to lacche foules

And wenne he drow to þe dore · þanne dymmed hus eyen

He stomblede at þe þreshefold · and þreu to {.}þe erthe

Tho Clement þe cobelere · cauhte hym by þe mydel

For to l{u?}yfte hym on-loft · he ledde hym on hus knees

Ac gloton was a gret cherl · and gronyd on þe liftynge

And couhed vp a caudel · in clementes lappe

Ys non so hongry hounde · in hertforde-shire

Þat þorst lape of þe leuynge · so vnloueliche hit smauhte

With al þe wo of þe worlde · hus wif and hus wenche

Bere hym to hus bedde · and brouhte hym þer-ynne

And after al þis excessus · he hadde an accidie

He slep saterday and sonday · tyl sonne ȝede to reste

Thenne awakyde he wel wan · and wolde haue ydronke

The ferst word þat he spak · was ho halt þe bolle

Hus wif and ys inwit · edwited hym of hus synne

He wax a-shamed þat shrewe · anLX shrof hym al-so swithe

To repentaunce ryȝt þus · haue reuthe on me he seyde

Þow lord þat on loft art · and alle lyues shope

To þe god ich gloton · gulty ich me ȝelde

Of my trespas with tunge · ich can nauht telle how ofte

Sworen þy saule and sydes · and so help me god al-myghty

Wen þat no nud was · meny tyme falsliche

And ouer sopede at my soper · and som tyme at nones

More þan my kynde · myghte wel defye

And as an hounde þat ete gras · so gan ich to brake

And spilde þat ich spelide myghte · ich can nouht speke for shame

The vylenye of my foule mouþe · and of my foule mawe

On fastingdais by-fore none · ich fedde me whitLX ale

Out of reson a-mong rybaudes · here rybaudrye to huyre

Her-of good god · graunte me forȝeuenesse

Of al my luþer lyuyng* in al my lyf-tyme

For ich a-vowe to verrey god · for honger oþer for þurste

Shal neuere fish* on fryday · de{.}fye in my wombe

Tyl abstinence myn aunte · haue ȝeue me leue

And ȝut haue ich hated hure · al my lyf-tyme