and purchas him a pardoun . a pena ⁊ / & a culpaC .

For him and his eyres . euer-more after  .

And bad him hodde ho[l]de him athome / at home . and eryen his layes

and þat ȝe shul helpe . to erie and to sowe 

or ony maner myster . þat myȝthe peres helpe

part in þat pardoun . þe pope haþ y-graunted .

Kinges and kniȝtes . þat kepeþ holy cherche

and ryȝthfully þe rewme . rewlyþ and þe peple 

haue pardoun þorw purgatorie . to passe ful sone

with patriarchis in paradis . to pleye þer-after .

Bysshopis þat blessen . and boþe lawes kunne

loke on þat o lawe . and lere men þat oþer 

and bere boþe on hereP bak . as her baner sheweth

and prechen hire parsonys . þe peril of synne .

How þat þe shabbede shep . shul here wolle saue

haue pardoun with þe aposteles . whenC þei passen hennys 

at þe day of dome . at here deys to sitten

marchaunt marchaunt[es]T in þat margyn . hadden manye ȝeres .

But none a pena ⁊ / & a culpaC . þe pope nolde graunte

for þei holde not her holydayes . as holy churche techys 

and for þei swere by here soule . ⁊̃ / & so god mot hem helpe

a-ȝens clene conciens . here catel to selle .

And vnder his secret sel .C truþe sente him a lettre

and bad him begge baldely . what him best lykede .'P

and swythe selle hit a-ȝen . and saue þe wynnyng

and make meysoun deu þer-with . mysese to helpe .

Wyckede weyes . wytly to a-mende

and þinke on brygges a-boute . þat to-broke were  

maryen maydenys al-so . or make hem nounnes

pore widues þat wiln . be wyues non ofter .

Fynden suche here fode . for oure lordes loue of heuene

sette scoleres to scole . or sum kennys craftes 

releyue religious . and renten hem betere

and I shal sende my-self . michael myn aungel .

That no deuel shal ȝou dere . deye when ȝe deye

þat I ne shal sende his [ȝour] soule . saf in-to heuene  

and by-fore þe face of my fader . for me ȝou sette

vsure . C auarice . and oþes I defende  .

That no gile go with ȝou . but þe grete truþe

þan were marchauntes merie . and some wepe .C for Ioye 

and ȝaf wille for his wrytyng . wollene choþes / c[l]oþesC

For he copede þus hire clause . hy konne him gret mede 

Men of lawe hadde leue . for lered þei ben alle

and so seyt þe sauter . and sapience boþe 

Super innocentem munera non accipies . a regibus ⁊ / & principibusC

Of prynces and of prelates . here pencioun shal a-rise // erit C

and of no pore peple . no peneworþ to take 

ac þat spendiþ his speche . to speke for þe pore

þat innocent is and nedy . and no man a-peyreT

Shal no deuel at his deþday . derie him a myte

þat he ne worþ saf sykerly . and so seyþ þe sauter

ac do [t]o bugge water ne wynd . and wit is þe thridde

wolde neuere holy writ . god wot þe soþe .

These þre for thralles . . beþ proued a-mong vs alle

to waxen and wanyen . þe while god lykeþ

his pardoun in purgatorye . wel petit is I trowe

þat ony mede of mene men . for motyng reseyuen .

Ȝe legisteres and lawyeres . ȝe wyte ȝif I lye

syn ȝe se hit is þus . sheweþ þe beste

alle lyuynge laboroures . þat lyuen by here handes

þat trulyche taken . and trulyche wynnen .

And lyue in loue and in lawe . for here lowe herte

hadde þe same absolucyoun . þat sent was to peres

Beggeres and bydderes . beþ not in the bulle

but þe suggestionys be soþ . þat him nede to begge

for he þat beggeþ or biddeþ . but ȝif he haue nede

he is fals with þe fend . and frawdeþ þe nedy

And eke gileþ þe gyuere . a-geyns his wille

þey lyue not in loue . ne no lawe holden

þey wedde no wymmen . þat þei with delyn

but as wilde bestes with whe-he . and worþ vp to-gederes .

And brynge forþ barnys . þat barnes ben y-holden

or his bak or his bon . þei brekyn in his ȝouthe

and gon and fayten with her fauntes . for euer more after

þer beþ mo mysshape a-monges hem . who-so take hede

Than of alle oþer maner man . þat on þis molde wandryn

þo þat haue þus here lyf . mow loþe þe tyme

þat euere he was man wrouȝth . when he shal hennys fare

and olde men and hore . þat are helples of strengþe

And wymmen with childe . þat wyrche ne mowe

blynde and blereyde . and broken here membres

þat takeþ here myschef mekely . as meselis and oþere

haue as pleyn pardoun . as plowmen hem-seluen .

Of here low herte . oure lord haþ hem y-graunted

here penaunce and here purgatorie . vp-on þis pleyn erthe

Peres quod a prest . þi pardoun most I rede

I shal construy euery clause . and telle hit þe on englys .

And peres at his prayer . his pardoun vn-foldeþ

and I by-hynde hem boþe . behelde al þe bulle

in to t[w]oT lynys hit layC . and not a lettere more

hit was wryten ryȝt þus . in witnesse of truþe  .

Et qui bona egerunt P ibunt in uitam eternam .

Qui uero mala P in ignem eternum .

Peter quod þe prest þo . I can no pardoun fynde

but do wel and haue wel . and god shal haue þi soule 

and do euyl and haue euyl . trust þou non oþer

þan after þi deþ-day . þou shalt wende to helle .

And peres þo for tene . pulled hit a-sunder and seydeT

Si ambulauero in medio umbre mortis  non timebo

I shal sece T of my sowyng quod peres . and swynke not so harde

ne a-boute my lyflode . so busy be no more

of prayeres of penaunce . my plow shal be here-after

and be-loure þat I by-lowe ere . þey liflode me fayle .

Þe prophete his pe{...}yne haþ C . in penauns and in wepyng

by þat þe sauter vs seyþ . and so dude many oþere

þat loueþ god lelly . his lyflode is þe more

Fuerunt mihi lacrime mee panes die ac nocte .

And but ȝif þe boke lye . he telleþ vs a-noþer

by foules þat are not buseyT . a-boute þe bely Ioye

Non soliciti scitis s[i]tis .

He seyt in his gospel . and sheweþ hit vs fayre T

by on exaumple oure-selue to wisseT

Whan þe frost freseþ . fode hem by-houeth

Þei haue no gerner . to go to . but god fynt hem alle

quod þe prest to perkyn . by crist as me thenkeþ

þou art lerned a lytel . who lered þe on boke

Abstinence myn aunte . myn . a . b . c . me tauȝthe

and conciens com after . and tauȝthe me moche more

were þou a prest peres . þou myȝt preche when þe lykede

Quoniam {li}C literaturam non cognoui . myȝthe be þi teme.

Lewed lorel quod peres . litel lokest þou on þy byble

on salomonys sawes . litel þou beholdest .

Ecce T derisores ⁊ / & uirga [iu]rg[i]aP cum eis ne crescant

The prest and perkyn . a-posed here eyþer oþer

and þorw here wordes I a-wok an wayted a-boute 

and saw þe sonne euere souþ . sytte þat tyme

mete-les and moneyles . vp-on maluerne hullys .

Mamelyng on þis metelys .T made me to studie

and for peres men þe plowman . wel pensyf in herte 

for þat I saw sleping . ȝif hit so be myȝthe

and catoun construit hit nay . and canonistres boþe .

And Iugyn hem-seluen . Sompnia ne cures . ⁊ / & cetera C .

and for þe bible bereþ . witnysse howT

dauid C demede þe dremys of a knyȝth .

þat nabagodonosor . i{i}nemnedC þis clerk

danyelC seyde sire king . þi sweue sweue[ne] is to mene .

That vn-kyd knyȝt shal come . þi kyngdoum cleyme

a-mong lowere lordes . þi kingdam shal be departed 

as daniel demed in dede . hit by-fel after

þe king les his lordschep . lasse men hit hadde .

And Iosep mette meruelyusly . hou þe mone and þe sunne

and þe xj / elleuene sterres . hayled hym alle 

bew sire quod his fader . for defaute we shulle

I my-self and my sones . sekyn þe for nede .

And hit befel as þe fader seyde . in pharao-ys tyme

þat Iosep was iustise . egypt to kepe 

al þis makeþ me . on metelys to thinke

many tymes at mydnyȝt . when men shulde slepe .

On peres plowman . whych a pardoun he haueþ

and hou þe prest enpugned hit . al by pure resoun 

and demed þat do-wel .P indulgence passyþ

byenales and trienales . and bisshopes lettres .

Do-wel at þe day of dome . is dignelyche vnderfonge

he passeþ al þe pardoun . of seynt petres cherche 

NowP haþ þe pope power . pardoun to graunte

þe peple with a penauns . to passe to Ioye .

þis a lef of oure by-leue . as lettred men vs teche

Quodcumque ligaueris super terram . ⁊ / & cetera

and so I leue lely . lord forbede ellys 

þat prayeres and pardoun . and penauns ben salue

to soules þat heue h[a]ue synned . seuene sythes dedly .

Ac to truste on þis tryenales . truly me þinkeþ

hit is not so syker for þe soule . certus as do wel 

for-þi I rede now þinkeþ . þei þat ben on erþe

vp-on trust of ȝour tresoure . trienales to haue .

Be þou neuere þe bolder . to breke þe . x . / ten hestes

and namly ȝe maystres . as meyres and Iuges 

þei haue þe welþe of þis word for who-so men be y-holde

to purchace pardoun . and þe popes bulles .T

At þe day of dome . whan dede C shul a-rise

and come alle by-fore crist . a-countes to ȝelde C

how þou ledest þi lyf here . and his lawe keptest

what þou dedust day by day . þe doum wil reherse

a poke ful of pardoun þere . ne prouinciales letteres

þouȝ þou be founde in þe fraternite . of alle þe . iiij . / foure orderes

and haue indulgence dublefold . but dowel ȝou helpe

I nolde ȝyue for þe patent of þi pardoun . o fleis hele 

for-þi I conceyle alle cristen . to crie god mercy

and marie his moder . to ben mene be-twynne .

That god ȝif vs grace her . er we gon hennys

suche werkes to worche . while we ben here 

þat after oure deþ-day . do-wel reherse

þat at þe day of dome . we dude as we auȝthe . Amen