Passus quintus de visione vbi prius
And litel y-lete by leueþ me forsotheC
Amonges lollers of Londoun & lewed men heremites
For y made of þo men as resoun me taughte
For as y cam by conscience with resoun y mette
yn an hoet heruest when y hadde myn hele
¶ and lymes to laboure wiþ and loued wel fare
and no dede to do but drinke & to slepe
yn hele and in inwit · oen me apposed
Romyng in remembraunce þus resoun me aratid
Can þow seruon he saide or syngon yn achurche / a churche
Or coke for my kokeres or to þe cart picche
Mouen or mowen · or make boend to sheues
Ripon or ben aripreue / a ripreue & arise erly
Or haue an horn & be an hayward & ligge þeroute on nyghtes
and kepe my corn in my croft · for pikers & þeues
Or shape shoen or cloth · or sheep & kyn kepe
heggen or harowen or swyn or gees driue
Or any oþer kynnes craft þat to þe comune nedith
þey y-bettered þe by / þ[er]e-by · þat bilyue þe fyndon
Sertes y saide & so me god helpe
y am to waik to worche · wiþ sikel or wiþ sithe
and to long leue me · lowe to stoupe
To worchon as a werkman any while to duren
þenne hast þow londes to lyue by quod resoun or linage riche
þat fynt þe þin fode · for an ydel man þou semest
a spendour þat spende mot · or a spille-tyme
Or beggest þi byleueC aboute at mennes hacches
Or fattest vpon fridaies · or feste daies in churche
þe whiche is lollarne lif þat litel ys preysed
þere rightfulnesse rewardeth right as men deseruon
CReddet vnicuique iuxta opera sua
Or þow art broke so may be yn body or in membre
Or ymaymed þorgh sum myshappe wher-by þou myght be excused
¶ when y ȝong was many ȝeer hennes
My fader & my frendes foundon me to scole
Til y wiste witturly what holy writ menede
and what is best for þe body as þe boek telleth
and sykerost for þe soule by so y wole contynue
Cand fond neuere yn faith sith my frendes dyede
lif þat me liked but in þes longe clothes
and yf y by laboure sholde lyuen & liflode deseruen
þat laboure þat y lerned best þerewith lyuen y sholde
CIn eadem vocacione qua vocati estis sitis
and so y lyue yn londoun & vppe lond boþe
þe lomes þat y laboure wiþ & liflode deserue
ys paternoster & my primer placebo & dirige
þis y say for her soules of such as me helpeþ
and þo þat fyndon me my fode vouchon saf y trowe
To be welcome when y come · oþer-while yn a moniþ
Now wiþ him now wiþ hire on þis wise y begge
wir-outon / wi[þ]-outon bagge or botelle but my wombe one
¶ and also morouere me þinkeþ sire resoun
Me sholde constrayne no clerk to no knaues werkes
For by þe lawe of leuytici þat oure lord ordeyned
Clerkes ycrowned of kynde vnderstondyng
sholde noþer swynke ne swete · ne swere at enquestes
Ne fighte yn no vawarde · ne his foes greue
CNon reddas malum pro malo
For hit ben heires of heuen alle þat ben ycrowned
and yn Queer & kirkesT cristes mynistres
CDominus pars hereditatis mee &cetera & alibi clemencia non distringitur
hit bicomeþ for clerkes crist forto serue
and knaues vncrowned to carte & to worche
of frankeleyns & fre men · & of folk yweddid
C¶ Bonde & bastardes & beggeres childron
Somme to synge masses or sitton & writon
Redon & resceyuon þat resoun aught to spende
¶ Ac sithe bonde men barns han be maed bisshopes
and barnes bastardes han ben archedekenes
and lordes sones her laborers and leid her rentes to wedde
For þe right of þis reume riden aȝen our enemyes
yn counfort of þe comune & þe kynges worshipe
and monkes & monyals þat mendinantz sholde Fynde
y-made her kyn knyghtes & knyghtes fees ypurchased
Popes & patrones pore gentil bloed refused
And taken symoundes sones seintuarie to kepe
lyf-holynesse & loue haþ be Longe hennes
and wol til hit be werid out or oþerwise ychaungid
For-þi rebuke me right nought resoun y ȝou preye
For in my conscience y knowe what crist wolde y wroughte
Preieres of a perfit man & penaunce discret
ys þe leuest labour þat our lord pleseth
Nec in pane nec in pabulo þe paternoster witnesseþ
¶ Quod conscience by crist y kan not see þis lieth
ac hit semeth not sad perfitnesse yn citees to bigge
But he be obediencer to priour or to mynistre
þat is soth y saide · & so y byknowe
þat y haue tynd tyme · & tyme myspendid
ac ȝut y hope as he þat ofte haþ ychaffared
and ay lost & lost & at þe laste happed
A boute such a bargayn he was þe bet euere
And sette al his los at leefT at þe last ende
such a wynnyng him warth þorgh wordes of grace
CSimile est regnum celorum thesauro abscondito in agro
Mulier que inuenit dragmam
So hope y to haue of him þat is almyghty
A gobet of his grace & bygynne a tyme
þat alle tymes of my tyme · to profit shal turne
¶ y rede þe quod resoun tho rape the to bygynne
þe lif þat is louable · & leel to þi soule
ȝe and continue quod conscience and to þe kirke y wente
and to þe kirke y gan go god to honoure
By-fore þe cros on my knees · knocked y my brest
sihing for my synnes saying my paternoster
wepyng & weyling til y was a-slepe
¶ and þenne mette me myche more þen y byfore tolde
of matere þat me mette first on maluerne hulles
y saw þe feld ful of folk from ende to oþer
and resoun y-reuestid right as a pope
and conscience his crocer byfore þe kyng stande
Resoun reuerentlich to-fore al þe reume
Cprechid & preued þat þis pestilences was puyre synne
and a south-west wynd on a saturday at euon
was pertlich for pruyde & for no poynt elles
Piries & plumtrees wern puffed to þe erthe
yn ensaumple segges · þat we sholde do þe bettere
Beches & Brod okes wern blowe to þe ground
and turned vpward here tail · yn tokenyng of drede
Of þis matere y myghte mamele ful longe
ac y shal seye as y say slepyng as hit were
how resoun radde al þe reume to heuene
he bad wastoures worche & wynnon here sustinaunceþorgh sum
þorgh sum trewe trauayle · & no tyme spille
he preyede purnel hire purfil to leue
and kepe hit in hire cofor · for catel at hir nedeC
Tomme stowe he taughte · to take two staues
and fette felice hoem from wyvene pyne
¶ he warned watte his wif was to blame
For hir heed was worth half marc · & his hoed not a grote
he bad butte to kutte a bough or tweyne
and bete betoun þerwith · but yf she wolde worche
he charged a chapman to chastise hise childron
and so wroet þe wise to wisson vs alle
Qui parcit virge odit filium
þat ȝe precheth to þe peple · preue hit ȝou selue
Lyue ȝe as ȝe lereth vs · we shal leue ȝou þe bettere
and sithe he radde religioun · here rule to holde
Last þe kyng & his counsel · ȝoure comunes apeyre
and be stywardes of ȝour stedes · til ȝe be stewed betture
C¶ Gregory þe grete clerk · gart write yn bokes
þe rule of religious · rightful and obedient
Right as fisshes yn the floed when hem faileth water
Dyen for drouthe when þey drie liggen
Right so religioun roteþ & sterueth
þat out of Couent & of cloyster · coueiteþ to dwelleC
For yf heuene be on þis erthe · or any ese to þe soule
hit is yn cloister or yn scole · by many skiles y fynde
For yn cloister comeþ no man to chide ne to fighte
yn scole ys loue & lowenesse · and likyng to lerneC
ac many day men telleth bothe monkes & chanoins
haen ridon out of a frayT · here reule euel y-holde
Leders of lawe daies · & londes ypurchased
and priked abowte on palfrays from places to maneres
an heep of houndes at his ers · as he a lord were
and but his knaue knele · þat shal his coppe holde
he lokeþ al louryng and lurdon him calleth
CLytel hadde lordes ado · to ȝiue lond from heires
To religious þat han rutheT · þough hit reyne on here auteres
yn many places þere þey persones ben · be hem-self at ese
Cof þe pore haue þei no pite · & þat ys here puyr chartere
and ȝe leton ȝou alle as lordes · ȝour lond lith so brode
and þere shal come a kyng · and confesse ȝou alle
and bete ȝou as þe bible telleth · for brekyng of ȝour rule
and amende ȝou monkes · bothe monyals & chanoins
and putte ȝou to ȝour penaunce · ad pristinum statum ire
And barounes & her barnes blame ȝou & repreue
CHii in curribus & hii in equis ipsi obligati sunt & ceciderunt
Freres yn her fraytour shal fynde þat tyme
and ConstancyT shal be here coek · & couerour of her churches
For þe abbot of yngelond · and þe abbesse hys nese
shal haue a knoc vpon here crounes · & incurable þe woundes
CContriuit dominus baculum impiorum virga / virga[m] dominancium plaga insanabili
andT ar þat kyng come · as cronikles me tolde
Clerkes & holy chircheT · shal be clothid newe
and sithe he counseled þe kyng · his comvne to louye
For þe comvn is þe kynges tresour · conscience woet wel
and also quod resoun · y rede ȝou riche
and comuneres to acorde · yn alle kynne truthe
Lat no kynne counsel · ne coueytise ȝou parte
þat oen wit & oen wil · alle ȝoure wardes kepe
Lo yn heuene an hy was an holy comvne
Til lucifer þe lyare · leued þat him-selue
were wittiore & worthiore · þen he þat was his maistur
holde ȝou in vnite and he þat othir wolde
ys cause of al combraunce to confoundon a rewme
and sithen he preyed þe pope haue pite on holichirche
and no grace ne graunte · til goed loue were
amonges alle kynne kynges ouer cristen peple
Comaunde þat alle confessoures · þat any kyng shryueth
Enioyne hem pees for here penaunce · & perpetuel forȝifnes
of alle manere acciouns and ich man loue oþer
and ȝe that seketh seynt Iames · and seyntes of Rome
seketh saint truthe · yn sauacion of ȝour soulesC
Qui cum patre & filio þat faire hem bifalle
þat sueth my sarmoun þus endid resoun
nota
nota
pastors should
be of knowlege
reputed and
Meeke ·
be of knowlege
reputed and
Meeke ·
nota
þe worlde
fained
hollynes
for pride
hollynes
for pride
x
nota
A prophecye . trulye
fulfilled by Kinge
Henrye . the . viij . th /
fulfilled by Kinge
Henrye . the . viij . th /
ad pristinum statum
nota
Pers dwelled in
cornewell with
his frind christofer
or his wyf Catte
in there bede
had a vision
cornewell with
his frind christofer
or his wyf Catte
in there bede
had a vision
Peres became a
Protestant and
loued his lyke ·
Protestant and
loued his lyke ·
lowlars regarded
not fridaies
fast
not fridaies
fast
brought vp
in a
Cloystere
in a
Cloystere
peres a
beginge
frier which
was an
easie lyfe
beginge
frier which
was an
easie lyfe
no
basterds
basterds
basterds fitt for slauerye
x
pure hippocracy
reproued .
reproued .
spare the rood
and spill þe child .
and spill þe child .
pastors muste
do as they techeC
do as they techeC
heaven & ease
on earth is in
cloyster . /
on earth is in
cloyster . /