Passus septimus de visione & . cetera .
y moste sitte to be shriue or elles shold y nappe
y may not wel stande ne stoupe ne with-outon a stoel knele
were y brought in my bed · but yf my tailende / tail ende hit made
sholde no ryngyng do me to rise · til y wer ripe to dyne
he by-gan benedicite with a bolk & his brest knocked
Roxlede & Romede · & rotte at þe laste
What a-wake renk quod repentaunce · and rape þe to shrifte
yf y sholde dye by this day · y drede me sore
y can not perfitlich my paternoster as þe prest hit syngeth
y can Rymes of Robyn hoed · and of Randolf erl of chestur
ac of oure lord ne of oure lady · þe leste þat euere was maked
y haue avowed vowes fourty · and forȝeton hem amorowen
y perfourmede neuere penaunces · þat þe prest me highte
Ne right sory for my synnes · y say neuere þe tymeand yf y biddeC
and yf y bidde any bedes but yf it be in wrathe
þat y telle with my tonge · ys ten myle from myn herte
y am occupied vch a day halyday & othir
with ydel tales at þe ale · & othir-while yn churches
Godes payne & his passioun ys puyr selde yn myn þought
y visited neuere febel man · ne fetured man in prisoun
y hadde leuere here an harlotrie or a lesing to laughon of
or to lacke men & likene hem · in vnliking manere
vigiles & fastingdaies · y can forȝeton hem alle
and ligge a-bedde yn lentoun · & my lemman yn myn armes
Til matynes & masse be don þenne haue y memory at þe freres
y am not shriue sumtyme but yf siknesse hit make
Not twyes yn ten ȝeer · and þenne telle y not þe haluendel
ȝut can y nothir solfe ne synge · ne a seyntes lif rede
butT y can fynde yn a feld & yn a forlong an hare
And holde aknyhtes / a knyhtes court · & a-counte wiþ þe reue
butT y can not construe catoun ne clergiallich rede
yf y begge & borow hit but yf hit be ytailed
Sixe sithe othir seuen · y forsake hit with othes
and þus haue y tened treue men · ten hundred tymes
and my seruauntes sumtyme · her salarie ys byhinde
Ruthe is to here rykenyng when we shal rede acountes
So with wicked wille my werkmen ypaye / y paye
y am vnkynde aȝen his curtesie · & can not vnderstande hit
For y haue & haue had · sumdel haukes maneres
þe kyndenesse þat myn euencristene kidde me fernȝere
Syxty sithes y sleuthe haue forȝeton hit sithe
yn speche & yn sparing of speche · y-spilled many atyme / a tyme
Boþe bred & ale butter mylk & chese
Forsleuthid in my seruice · and y-sette ones afuyre / a fuyre
and ȝede aboute yn my ȝouthe · & ȝaf me to no þedom
and sithe a beggere haue y be · for my foule slewthe
Cheu michi quod sterilem duxi vitam iuuenilem
Repentest þe not quod repentaunce · & right wiþ þat he swouned
Til vigilate þe veile fette water at his yes
and platT hit on his face · & faste on him cried
y am sory for my synnes · sey to thin seluen
and bete þi-selue vpon þin brest & bidde him of grace
For ys no gult so gret · þat his goednes ys more
¶ þenne sat sleuthe vp · and seyned him ofte
And made avow to-fore god · for his foul sleuthe
shal no sunday be þis seuenȝer / seuen ȝer · but yf siknes hit make
þat y ne shal do me ar day · to þe dere chirche
and here matynes & masse as y amonk / a monk were
Shal noen ale after mete holde me thennes
Til y haue euesong yherd · y bihote to þe rode
CBut whiche be þe braunches þat bringeþ men to sleuthe
ys when men mourneth not · for his mysdedes
þe penaunses þat þe prest enioyneth perfourmeth euel
doþ noen almes-dede drat him not of synne
lyueth aȝen þe bileue · & no lawe kepeth
and hath no lyking to lerne ne of oure lord to here
But to harlotrie & hordom · or elles of sum wynnyng
when men carpeth of crist · or of clennes of soule
and wexeth wroth & wol not here but wordes of myrthe
Penaunce & pore men · & þe passioun of seyntes
he hatiþ to here þerof · & alle þat þerof carpeth
¶ Ȝe lordes · & ladies & legates of holichurche
Cþat feden foel sages · flatereres & liares
and han likyngC to liþen hem yn hope to do ȝou laughe
CVe vobis qui ridetis & cetera ·
and ȝiueth such mede & mete · & pore men refuse
yn ȝour deth-dying · I drede me sore
lest þo manere men · to myche sorowe ȝou bringe
CConsencientes & agentes pari pena punientur
Patriarkes & prophetes · prechoures of godes wordes
Sauen þorgh her sermon · mannes soule from helle
Rightso / Right so flaterers & foles · arn þe fendes procuratoures
To entise men þorgh her tales · to synne & to harlotrie
¶ Clerkes þat knoweþ þis sholde kenne lordes
What dauid saith of such men as þe sauter telleth
CNon habitabit in medio domus mee qui facit
superbiam qui loquitur iniqua & cetera
sholde noen harlot haue audiense · yn halle ne yn chaumbre
þere þat wise men were witnesseth godes wordes
Ne noen mysproud man · amonges lordes be aloued
and for loue of here lord · liþeth hem at festes
Miche me thinketh riche men oughte
haue beggeres byfore hem þe which ben godes mynstrales
as he saith him-self · seint Iohan bereth witnes
Qui vos spernit me spernit
Forto solace ȝour soules such mynstrals to haue
wiþ a lered man to lere þe · what oure lord soffred
Forto saue þin soule from sathan þin enemy
and fithele þe with-oute flaturyng of gode friday þe feste
and a blyndman / blynd man for a bordour · or a bedrede womman
To crie a largesse byfore our lord · ȝour goed loes to shewe
þise þre manere mynstrals maketh a man to laughe
and yn his deth-diying · þey don him gret counfort
þat by his lyue relenedT hem · & loued hem to here
þise solasen þe soule · til him-selue be yfalle52C
yn a welhope for he wroughte so amonges worthi sayntes
þere flatereres & foles wiþ here foule wordes
Leden þo þat lithed hem to luciferes feste
wiþ turpiloquio a · lay of sorowe & luciferes fithele
To perpetuel payne or purgatory as wicke
For he lithed & loued þat godes lawe dispiseth
CDare histrionibus & . cetera .
þo was repentaunce al redy · & rad hem alle to knele
y shal byseke for alle synful our saueour of grace
To amende vs of oure mysdedes · do mercy to vs alle
God þat of þin goedenesse gonne þe world make
and madest of nought ought & man lich to þi-selue
and for oure beste as y byleue what so þe boek telle
CO felix culpa o necessarium peccatum Ade
¶ For þorgh þat synne þi sone ysent was til erthe
and bi-cam man of a maide mankinde to amende
and madest þi-selue with þi sone · oure soule & body ylich
CEgo in patre & pater in me et qui me videt videt patrem meum & cetera .
and sithe in oure secte as hit semed dyedest
On a friday in forme of man · feledest oure sorowe
CCaptiuam duxit captiuitatem
þe sonne for sorowe þerof · les light for a tyme
aboute mydday when most light is & meltyme of saintes
Feddest þo wiþ þin flesh & bloed · oure forfadres yn helle
CPopulus qui ambulabat in tenebris vidit lucem magnam
¶ þe light þat leep out of þe lucifer hit blente
and broughte þine yblessid fro þennes yn-to þe blisse of heuen
þe þridde day þerafter · þow ȝedest yn oure seckte
and also to solace synfole · þou soffredest hit so were
CNon veni vocare iustos set peccatores & cetera .
and al þat mark haþ ymaed Mathew Iohan & lucas
Of thine doughtiest dedes · was doen yn oure sekte
CVerbum caro factum est & cetera .
and by so myche hit semeþ þe sikorloker we mowe
Bidde & biseche þe yf hit be þi wille
and sithon oure saueour · and seidest hit wiþ þi tonge
þat what tyme we synful men · wolden be sory for dedes
þat we han don ille dampned sholde we be neuere
yf we knowleched & cried crist þerof mercy
CQuandocumque ingemuerit peccator omnes iniquitates
eius non recordabor amplius
haue ruthe of alle þise ribaudes þat repenten hem sore
þat euere þey agult aȝen þe god yn gost or yn dede
þenne hente hope an horn of deus tu conuersus viuificabis nos
And blew hit with beati quorum · remisse sunt iniquitates
& quorum tecta sunt peccata
þat alle seyntes for synfole songe with dauid
homines & iumenta saluabis quemadmodum
multiplicasti misericordiam tuam deus
a thousande of men þo þrongon to-gederes
To haue grace to go to truthe god leue þat þei mote
But blustred forth as bestes ouer baches and hulles
Til late was & longe · þat þey a lede mette
apparailed as a paynym yn pilgrimes wise
he baer a bordoun ybounde with a broed liste
yn a weþewynd wise ywrithe al aboute
a bolle & a bagge he baer by his side
an hundred of aunpollesLX on his hat sette
signes of sisel · and shelles of gales
and many a crouche on his cloke kayes of Rome
and þe vernicle bifore for men sholde yknowe
and se by þe signeT whom he sought hadde
þise folk frayned him first fro whennes he come
¶ Fro synay he saide & fro þe sepulcre of oure lord
Ȝe may se by þe sygnes þat sitten on my cappe
and y-walked fulwide / ful wide yn wete and yn drie
¶ Knowest þow ought a corsseynt quod he þat men calleþ truþe
Coudest þou wissen vs to-day whoderout truthe woneþ
Nay so me god helpe saide þe goem thenne
But now yn þis place
¶ Petur quod a ploughman & putte forth his heed
y knowe him as kyndely as Clerk doth his bokes
Conscience & kynde wyt kenned me to this place
and made me sekeron sithen to seruen him for euere
and to sowen his seed suwen his bestes
wiþ-ynnen & wiþ-owton to wayton his profit
ych haue ybe his folowere al this fourty wyntur
and yserued truthe sothly · somdel to paye
yn alle kynne craftes · þat he coude deuyse
Cprofitable as for þe plough · he potte me to lerne
ych haue myn huyre · of him wel & oþerwhiles more
he ys þe presteste payer þat any pore man knoweth
he wiþ-halt noen hewe his huyre ouer euen
he is as low as a lomb · & leel of his tonge
and who-so wilneþ to wite where þat trowþe woneþ
y wole wissen ȝou wel right to his place
¶ Ȝe leue pers quod þis pilgrimes & profred pers mede
Nay by þe perel of my soule pers gan to swere
I ne wole fonge a ferthing for seint Thomas shrine
were hit y-told truthe þat y toek mede
he wolde loue me þe lasse along / a long tyme aftir
ȝe mote go þorgh mekenes alle menne & wymmen
Til ȝe come yn to conscience y-knowe god sulueT
þat ȝe loue him lord lelly a-loneT alle
þat ys to say sothly ȝe shold rathir dye
þenne any dedly synne do for drede or for preyere
and þenne ȝoure neyghbores next · yn none wise apeyre
othir-wise þen ȝe woldon · þey wroughte ȝou alle tymes
and so goth forth by þe boekT · a brugge as hit were
Fortil / For til ȝe findon a forde · ȝour fader honoureth
wadeth yn þat watur & washeth ȝow wel þere
and ȝe shal lepe þe lightloker al ȝour liftyme
Chonora patrem & matrem & cetera .
and thenne shalt þou see swere not · but yf hit be for nede
and namelich ynT ydel þe name of god almyghty
þenne shalt þou come by a croft · but come þou þerynne
þe croft hette coueyte not menne catel ne her wyues
Ne none of here seruauntes þat nvye hem myghte
loke þow bere not þere away · but yf hit be þin owne
Two stockes þere stondeth · but stynte þou not þere
þey hatte stele not & sle not · strike forth by bothe
and leueth hem on þe lefte hond · and loke þere-after
and holde wel þe haliday hie til euen
Thenne shalt þou blenche at a berw · bere no fals witnes
ys frithed yn with floreynes & othir fees manye
Loke þow plucke no plante þere for perel of þin soule
þenne shalt þou see say soth · so hit be to done
yn none manere elles not for noen mannes preyer
and so shalt þou come to a court as cleer as þe sonne
¶ þe mote ys of mercy þe manere yn the myddes
and al þe wallyng ys of wit · for wil ne sholde hit wynne
þe carnels arn of cristendoem þat kynde to saue
vmbetrasedT with byleue so or þow best not ysaued
and alle þe houses ben yheled · halles & chaumbres54C
with no lede but with loue & with leel speche
þe barres arn of buxumnes as brethren of oen wombe
þe brigge hatte bide wel · þe bettere may þow spede
þe hokes arn almesdedes · þat þe ȝates hangon on
his man hatte amende ȝou many man him knoweth
Telle him þis ilke tokene truthe woet þe sothe
y am sory of my synnes and so y shal euere
¶ Biddeth amende ȝow to meke ȝou to his maistur grace
To opene & vndo · þe hie gate of heuene
þat adam & eue aȝenes vs alle shitte
CPer Euam cuntis / cun[c]tis clausa est et per mariam virginem
iterum patefacta est & . ceteraC
a ful leel lady vnleek hit of grace
and she hath þe keye & þe cleket · þough þe king slepe
and may lede yn þat she loueth as hire leef liketh
and yf grace graunte þe to go yn þis wise
þow shalt see truthe sitte · yn þi self herte
and solace þi soule & saue þe from peyneC
and charge charite a churche to make
yn þin hole herte to herborowe alle trewe
and fynde alle manere folk · fode to here soules
yf loue & leute & oure lawe trewe
CQuodcumque pecieritis in nomine meo dabitur enim vobis
¶ Ac be war þenne of wrathe not þat wicked shrewe
For he hath enuye to him þat yn þin herte sitteth
and poketh forth pruyde to preyse thin selue
þe boldnes of þin beenfetes maketh þe blind þenne
ykeyed & y-cliketid to close þe with-owton
happilich an hundred wyntur ar eft entreT
þus myght þow leson his loue to lete wel by þi-selue
a-geton hit agayn þorgh grace ac þorgh no gifte elles
and arn porteres ouer þe posternes · þat to þat place bylongon
Cþat oen hette abstinence an humilite anothir
charite & chastite ben his chef maydones
pacience & pees myche pepel þei helpon
largenesse þat lady lat yn fulmany / ful many
Noen of hem alle helpe may in bettere
and who is sib to þis seuene so me god helpe
ys wonderlich welcome & fair vnderfonge
who is not sib to þis seuene soþly to telle
hit ys fulhard / ful hard by myn heued any of ȝou alle
To geton yngang at eny gate · but grace be þe more
Ne y quod an apeward by aug[[ht]] þat y knowe
wite god quod a wafrer wiste y this forsoþe
wolde y neuere forþere no fote · for no frere preching
Mercy is amaydon / a maydon þere · hath myght ouer hem alle
and she is sib to alle synful · and hire sone bothe
and þorgh þe helpes of hem two hope þow noen oþer
¶ Ȝe villam emi quod oen & now y moste thidore
CTo loke how me liketh hit & toek his leue at pers
anothir anoen right · nede he saide he hadde
To falowe wiþ fyue ȝokes · for-þi me byhoueth
To go with a goed wil & graithlich hem driue
For-þi y pray ȝou pers · perauntur yf ȝe mete truthe
Telleth him þis þat y be excusedC
¶ þenne was oen þat hetteT actif · an hosebonde he semed
y haue weddid a wif · wel wantoun of maneres
were y seuen nyght from hire sight sighonT she wolde
and loure on me & lithtly / li[g]htly chide · and saye y louede anoþer
For-þi pers þe ploughman · y preye þe telle hit truthe
y may not come for kitte · so she cleueth on me
CVxorem duxi & ideo non possum venire
Quod contemplacioun by crist þogh y care soffre
Famyne & defaut folowen y wole pers
ac þe way is fulwicked / ful wicked · but who-so hadde a gyde
þat myghte folowe vs vch a fote for drede of mys-turnyng
Slewthe . /
nota
+
wanhope
haith
deceaued
many A
foullyhe / foullyshe
youth .
haith
deceaued
many A
foullyhe / foullyshe
youth .
the branches
of Slewth ·
is to liue with-
oute gods fere
of Slewth ·
is to liue with-
oute gods fere
nota
against
bawdy
Jesters
bawdy
Jesters
nota
Adams
fall .
fall .
Nota
þe nature
of truth
of truth
þe error of
þat time
þat time
marke ·
nota
nota
Slewthe the badge
of the clergie
of the clergie
A forsworne
lyer .
lyer .
ingratful
bribery
wast gods
good creature
good creature
vsury .
the good poore
to be releued
before Minstrils
to be releued
before Minstrils
dicit Christus
feastes · banckits
foullbage · or
bagpype ·
bagpype ·
blyshedLX
Mary
Mary
a secret of þe trinnitie
þe corruption of þat time
þe people were blindfoldid
by superstission
by superstission
in Bethlem Iuda
The waye to truthe .
Priaer to Saintes not
þe way to truth
þe way to truth
nay rather per Christum
vij systers that
serve Truthe
serve Truthe
a Cutpurshe and
a · Beareward haue
no truth at all ·
a · Beareward haue
no truth at all ·
þe Author ·
commends truth
with mercye
commends truth
with mercye
duringe this pilgramace
þe parrable of þe bidd to þe marriag