Incipit passus septimus .C
WIth þat ran repetaunce / repe[n]taunce / and rehersed his teme
And made wille to wepe / watur with his eyen .
Purnelle proud hert / platte heore to þe erthe
Longe was or he loked opt / op / and lord mercy cryde
And by-hytte to him / þat vs alle made
Heo scholde vnsewen hure serk / and set þe / þe[r] an heyre
To affaiten heore fleisch / þat fers was to synne
Schal neuere hy heorte me hente / bot hold me lowe
And soffre to beo myssaied / and so dud y neuere
Bot now wol y meke me / and mercy by-seche .
Of alle þat y haue / hated in my herte
¶ Repent þe quaþ repentaunce / as reson þe tauhte
and schrif þe scharpeliche / and schak of alle pruyde
Y pruyde paciensliche / pacien[t]liche / penaunce y aske
For y formest and furst / to fader and modur
Haue beo vn-boxom / y by-seche god of mercy .
And vn-boxom y beo / not a-bayschede to a-gult
God and alle godemen / so gret was myn herte
Inobedient to holychurche / and to hem þat þer seruen
Demed for here vuele vices / and excited oþur
Trow / T[h]row my word and my wit / here euele werkes to schewe
¶ And scorned hem and oþur / ȝif y a skyle founde
Lauhyng al a-lohoud / for lewede men scholde
Wene þat y were witty / and wyser þan a-noþur
¶ Scornere and vnskylfol / to hem þat skyle schowede
In alle manere maners / my name to by-knowe / b[e] knowe
¶ Semyng a soueryen on / wer-so me by-fulle
To telle eny tale / y trowede me wiser
To carpon or to consaille / þan eny lered or lewed
Proud of a-parail / in port among þe poeple
Oþer-wyse þan y haue / with-ynne oþur wiþ-oute
¶ Me wilned þat men wende / y were in a neyre
Riche and resonable / and rithful of lyuynge
¶ Bostynge and braggyng / with mony bolde oþes
Auauntyng vpon myn veyne glorie / for eny vndur-nymyng
And ȝut so syngulere by my-self / as to fyht op people
Was non suche as my-self / ne non so pop-holy
Somme tyme in one secte / som tyme in a-nother
In alle kynne Couetyse / contreouede how y myhte
Beo holde for holy / and hondred syþe by that encheson
Wilnede þat men wende / my werkes were þe best
And Connyngest of my craft / clerkes or other .
¶ And strengest vpon stede / and styuost vndur gurdel
And loueloken to locon on / a lyngyngest / ly[k]yngest a-bed
And likyng of suche a lyfe / þat no lawe preyseþ
¶ Proud of my feire fetures / and for y song schulle
And wat y gaf for godes loue / to gossipes y tolde
Thei to wene þat y were / wel holy and almesfol .
And non so bold beggere / to bydden and craue
¶ Tales to telle / in tauerners / tauernes and in stretes
Thyng þat neuere was þouht / and ȝut y swor y sauh hit
And lied on my licame / and on my lif bothe .
¶ Of werkes þat y wel dude / witnesse take
And seggen to suche / þat seten me by-syde .
Lo ȝif ȝe leue me n{o}at / or þat ȝe wene y lye
Ask at him or at heore / and þei conne ȝow telle
What y soffrede and seih / and somme tyme hadde
And what y knew and couthe / of what kyn y com of .
¶ Al y wolde þat men wuste / wen hit to pruyde soned
As to preysed a-mong þe people / þauh y pore semed
Si hominibus placerem christi seruus non essem . Nemo potest duobus dominis seruire
¶ Now god of his godenesse / gyue þe grace to amende
Quath repetaunce / repe[n]taunce rith wiþ þat / and þen ros Enuye
¶ Enuye with heuy herte / asket aftur schrifte
And cried mea culpa corsyng al his Enymis
His clothes were of corsement / and of kene wordes
He wroþ his fust vpon wrathe / had he wussches at wille
Schold no lyf lyuye / þat on his lond passed
¶ Chidyng and Iangelyng / that was his chief lieflode
¶ And blame men by-hynde here bac / and bidde hem meschaunce
Al that y / [a] wyst by wille / to wattekyn he told hit
And that he wist by watkyn / tolde hit wille aftur
¶ And mad foos of frendes / throw falce and ficul tonge
Or throw myht of mouthe / or throw mony scleythes
Venged me fele tyme / o / o[r] vred my-self with-ynne
Lyke a schuppesters scheres / and screwede myn emcristone
¶ A-ȝeyns þe conseil of crist / as clerkes fynde in bokes /
Cuius malediccione os plenum est & amaratudine sub lingua eius labor & dolor .
Filij hominum dentes eorum arma & sagitte & lingua eorum gladius acutus .
¶ Wen y ne may haue þe maystrie / suche malencolye y take
Þat y chache / cache þe craumpe / þe cardiacle som tyme
Or an ague in suche an angre / and som tyme a feuere
Þat takeþ me al a twel-month / til þat y dispice
Lechecraft of oure lord / and leoue on a wicche .
And segge þat no clerk can / ne crist as y leoue
To þe soutere of sothewerk / suche is his grace
¶ For god ne godes werkes / ne grace halp neuere
But throw a charme had y chaunce / and my chief hele
¶ Y myht not ete mony ȝer / as a man auhte
¶ For enuy and euul wil / is vuel to defye .
¶ May no sugre ne swete þyng / a-swage my swellynges .
Ne dereworth drynkes / dryue hit fro myn herte
Neyþor schame ne schrift / but ho-so schraped my mawe
¶ Ȝus redely quaþ repentaunce / and thou beo riht sory
¶ For þi synnes soueraynly / by-seching god of merci
{¶} Y am euere sory seide enuy / y am but seld oþur
Þat makeþ me so megre / for y ne may me a-venge
¶ Ȝut am y brokour of bakbityng / and blame menne ware
A-mong marchaunz mony tymes / nameliche in Londoun .
Whan he solde & y not / þan was y a-redy
To lye and to lowre / and to lakke my neyhbours .
Here werkes here wordes / wer-so y sette
Lord er y lyf lete / for loue of þi-selue
Graunte me gode lord / grace of amendement
Þenne a-waket wrath / with to whyte yen
And with a nyuylyngeN nose / nyppyng his lippes .
¶ Y am wrath quaþ þat wye / wol gladliche smyte
bothe with ston and with staf / and stele vpon myn enymy
For to sle him slyliche / scleyhes / scley[t]hes y by-þeynke
¶ Thaw y sete þis seue ȝer / y schold not wel telle
Þe harm þat y haue don / with hand and with tonge
¶ Inpacient in alle penaunces / and pleyned as hit were
On god wen me greued ouȝt / and gruched of his sonde
¶ As som tyme in somere / and al-so in heruest .
But y had wedur atte my wille / y wited god þe cause
In alle manere angres / þat y had or feled .
¶ Amonges alle manere men / my dwellyng is som tyme
Whiþ lered and wiþ lewed / þat leof beon to hure
Harm of eny man / by-hynde or by-fore .
¶ Freres folwon my fore / fele tyme and oft
And preouen inparfite / prelates of holy churche
And prelates pleynen on hem / for thei here parschynes schryuen
With-out licence and leue / and herby lyueþ wrathe
¶ Thus thei speke and dispute / and eche spiseþ other
Thus beggeres and barones / atte de-bat aren ofte
Til y wrath wax an hyh / and walke with hem bothe
Or til bothe beo beggares / an by spiritualte libben
¶ Or alle riche thus ride / reste schal y nat wrathe
Þat y ne mot folow þis folk / my fortune is no noþur
¶ Y haue an Aunte to nonne / and to an abbesse
Hem / he[re] were leuere swowene or swelte / þanne suffren eny peyne
¶ Y haue be cok in here kechene / and þe couent serued
Mony monthes with hem / and with monkes bothe
Y was þe prioresse potager / and oþer pore ladies
And mad here ioutes of ianngles / dame [I]one was a bastardT
¶ Dame purnelle a preostes file / pryoresse worth he neuere
For heo had child in þe Capon cote / heo worth chalenget at eleccion
¶ Thus þei sitte two susteres / som tyme and disputen
Til thow lixt and þow lixt / beo lady ouer hem alle .
¶ And þenne a-wake y wrathe / and wold beo A-Venget
And y crie and cracche / with my kene nayles
Bote bite and bete / and brynge forthe suche þewes
Þat alle ladies me loþen / þat louen eny worschip
¶ A-mong wyues and wydewes / am y wonet sitte .
I-parroked in puwes / þe person hit knoweþ
Hou litul y louie / letice atte stile
For heo had haly bred or y / myn hert can chaunge
¶ Aftur-wart aftur mete / heo an y chyde
And y wrath was war / an worth on hem bothe
Til ayther cleped oþer {?}howr / and of wythe þe clothes
Til bothe heore hedes beo bar / and blody here chekes
¶ A-mong monkes myht y beo / ac meny tyme y spare
For ther aren mony feole frekes / myne afferes to aspie
¶ Þat is þe Priour and suppriour and oure pater abbas .
And ȝif y telle eny tales / thei taken hem to-gederes
And don me fast fridais / to bred and to watur
¶ Ȝut am y chalenget in chapitul hous / as y a child were
And baleysed in þe bare ers / and no breche by-twene
¶ Y haue no loust leoue me / to lenge a-mong monkes
For y hete more fichse þan fleisch / and feble ale drynke
¶ Ac oþer-while wan wyn comeþ / and wen y drynke late
Y haue a flux of a foule mouht / wel fyue dayes aftur
Þat al þat y wist wiket / by eny of oure couent
I cowhede hit vp in oure cloistre / þat al þe couent wot hit
¶ Now repente þe quaþ repentaunce / and reherse neuere
What consail that thow knowest / by countenaunce ne by speche
And drynk nat ouur delicatly / ne to deope neyþer
Þat þi wille ne þi wit / to wrath myht turne
Esto sobrius he seyde / and assoilled him aftur
And bad him to bydde to god / beo his help to amende
¶ Þenne seyde lechery a-las / and to oure lady criede
Lady to þi leue sone / loute for me nowþe
Þat he haue pite on me putour / of his pure mercy
With þat y schal quaþ þat screwe / saturdaies for þi loue
Drynge but wiþ þe douke / and dyne but ones .
¶ I gulty in gost / to god y me schryue
As in likynge of lecherie / my licames gultus
In wordes in wedes / in waytynge of eyen .
To eche mayde þat y mette / y made here a signe
Semynde to synne-ward / and somme can y taste
A-boute þe mouth and by nekke / by-gan y to grope
Til oure boþen wil was on / to werke we ȝeodoun .
¶ As wel fastyngdaie / fastyng daie and fridaies / and hi fest an euenes
As leof in lente as out of lente / alle tymes liche .
¶ Suche werkes with vs / were neuere ouȝt of sesoun
Til we myhte no more / þan had we mury tales
Of putery and of paramours / and preouedon þrow speches
Handelyng and halsynge / and al-so þrow cussyng
Exityng our a{ȝ}yther other / til oure olde synne
Sotilede songes / and send ouȝt olde baudes
For to wynne to my wil / wommon wiþ gile .
¶ by sorcery som tyme / and som tyme mid maistrie
Y lay by the louelokest / and louede hem neuere aftur
¶ Wen y was old and hor / and had lore þat kynde
Y hadde likyng to lithe of lechery tales .
Now lord for thi leaute / of lechours haue mercy .
¶ Þenne cam couetise / y can nouȝt him discreue
So hongerly and holwe / heruy him-self lokede
¶ He was bitulbrowed / and baburlippot / wiþ to blere eyen
And as a leþerene pors / lollede his checus
Wel syddur þan his chyn / y-chyueled for elde .
¶ As bondemen bacon / his berd was y-schaue
Wiþ his hod on his hed / and his hat boþe
In a toron tabard / of twel wyntur age
But ȝif a lous couthe lepe / y leue hit as y trowe
He schold nat wandre on þat welch / so was hit þred-bare .
Y haue beo couetous quaþ þis caytif / y by-know hit here
For som tyme y serued Symme atte þe stile C
And was his prentys y-pliht / his profit to wayte
¶ Furst y lerned to lye / a lesyng or twey .
Wykkedliche to weye / was my furst lessoun
To wy and to wynchestre / y wente to þe faire .
With mony maner marchaundyse / as my maystre hiht
Ne hadde þe grace of gyle / gon a-mong my ware
Hit hadde beo vnsold þis sene ȝeer / so me god helpe
¶ Y drow me a-mong drapers / my donet to lerne
To drawe þe lysure a-long / þe lengur hit semed
¶ A-mong þe riche rayes / y rendred a lesson
To brochen hem wiþ a pac-nelde / an bond hem to-gederes
Putte hem in pressours / and pynned hem ther-Inne
Til ten ȝerd or twelue / tilled out þrettene
¶ My wyf was a webbe / and wollon cloþ made
Heo spac to þe spynnesters / to spynne hit oute
Þe pond þat heo payed hem by / peysed a quarter
More þenne myn auncer / wen y weide trewþe
¶ Y bowte heore barly / heo brew hit to selle /
peny ale and podyngale / heo powrede to-gederes
For laborers and lowhfolc / that lay by him-selue
¶ Þe best lay in my boure / and in my bed chaumbre
And ho-so bommode þer-of / he bowht hit þer-aftur
A Galon for a grote / and þat no good messure
Wen hit comme copmel / þis craft my wif vsede
¶ Rose þe regratour / was hure riht name
Heo hath y-holde hokkerye / thes elleue wyntur
Repentest þow neuere quath repentaunce / ne restitucioun madest
¶ Ȝus ones quod he was y-herberwod / with an hep of chapmen .
I ros and riffled here males / when thei a-rest were
¶ Þat was a rihtful restitucion / quod repentaunce for sothe
Thow wolt honge hye þer-fore / here oþer in helle .
¶ Vsedest thow euere vsurie / in al thi lif tyme
¶ Nay sothly he seyde / saue in my ȝouhþe .
I lernede a-mong lombardes / a lesson and of Iuwes
To weie pans with a peys / and pared þe heuegest
And lent for loue of þe wed / þe wuche y let betere
And more worth þan þe money / or men þat y lened
Y lenede folc þat lese wolde / a lip in eche noble
And with lombardes lettres / lened gold atte Rome .
So what bern of me borwed / he bouht þe tinne / ti[m]e
Lenesdest / Lenedest twow / t[h]ow euere to eny lord / For loue of meyntenaunce
¶ Y haue lent to lordes and ladies / þat louede me neuere aftur
And y hi haue mad meny knyht / bothe mercer and draper
Payde neuere for her prenteshod / nat a paire gloues
Þat chaffarede with my chyuysaunce / cheuede selde aftur
Now redely quatþ repentaunce / and by þe y leoue
Schal neuere executour by-sette wel / þe seluur þat þow him lenest
Ne þyn heires as y hope / haue ioye þat þow wan /
For þe pope and alle his penitauncers / power hem failleth
To assoille the of þi synnes / sine restitucione /
Numquam dimittitur peccatum nisi restituatur oblatum .
¶ And fals wordes and wittes / y haue wonne my godes .
And with gyle and glosyng / gadered þat y haue .
Medled my marchaundyse / and mad go{d}od mounstre
Þe worst lay with-ynne / a gret wit y let hit .
¶ And ȝif my neyhbore had an hyne / or eny best elles
More profitable þanne myne / y made mony wentes
How y myht haue hit / al my witte y caste
And but y hit hadde by other wey / atte last y stal hit
Or pryualiche his pors schok / vn-pykede his lokes
¶ And if y ȝeode to þe plow / y pynchede on his half acre
Þat a fot lond or a forow / fecchen y wolde
Of my neyhebores next / nymen of his eorthe
¶ And ȝif y repe ouer-reche / or ȝaf hem red þat repen
To sese to me with here sykel / þat y sewe neuere
¶ In halidaies atte holy churche / when y herd messe
Y had neuere wil witurliche / to by-seche mercy
For my misdedes / þat y ne mornet ofter
For lost of good leof me / þenne for licames gultes
¶ Þauh y dedly sinne dude / y drad hit nat so sore
As wen y lenede & leoued hit lost / or longe er hit were paied
¶ And ȝif y sente ouur see / my seruaunt to bruges
Or in-to sprus my prentys / my profit to a-wayte
To marchaunde wiþ money / and maken heore eschaunge
Mihte neuere mon conforte me / in þe mene tyme
Nothur matyns ne masse / ne oþer maner schytes
And neuere penaunce parformede / ne pater noster . seyde
Þat my mynde ne was / more on my goodes
Þanne in godes grace / and in his grete myhte
vbi thesaurus tuus ibi cor tuumC
¶ Now redely quod repentaunce / y haue reuthe of þi lyuynge
Were y Frere in good faith / for al þe gold on eorthe
Y nolde cope me wiþ þi catel / ne oure kirke amende
Ne take a meles mete of thyne / and my herte hit wiste .
Þat þow were suche as thow seist / y scholde rathere sterue .
Melius est mori quam male viuere
Y rede no faithful frere / atte þi fest sitte .
Ȝut were me leuere by oure lord / lyue by welle carses
Þanne haue my fode and my fyndyng / of falce mennes wynnynges .
FSeruus / Seruus es alterius cum fercula {q}pinguia queris
Pane tuo pocius / vescere liber eris .
Thow art vncunde creature / y can nat teLG assoille
Til thow haue made by þi myht / to alle men restitucioun
For alle þat hauen of þi good / haue god my trewþe
Beoþ holden atte þe hye dom / to helpe þe restitue
¶ Þe prest þat þi tyþe takeþ / trowe y non noþer
Schal parte with þe in purgatorie / and help paye þi dette
Ȝif he wyste þow were suche / wen he receyde / recey[ue]de þi offrynge
¶ What lede leoueþ þat y lie / loke in sauter glosed
On Ecce enim veritatem dilexisti
¶ Ther he schal wite witturly / what vsure is to mene
And what penaunce þe preost schal haue / þat proud is of his tyþes .
For an hore of here ers wynnyng / may hardiloker tyþe
Þan an erraunt vsurer / haue god my trewþe /
And erst schal come to heuene / by crist þat me made
Þan was þer a walisman / was wondurliche sory
Hihte ȝeuan ȝeelde a-ȝayn / ȝif y so muche haue
Al þat y wikkedly wan / sythen y wit hadde
¶ And þauh my liflode lakke / leten y nelle
Þat eche man schal haue his / ar y hennes wende
¶ For me is leuur in this lyf / as a lorel beggen .
Þanne in lisse to lyue / and lese lyf and soule .
Robert þe riflere / on Reddite lokede
¶ Ac ȝut þat synful schrewe / seyde to heuene
Crist þat on Caluary / on þe crois dyedest
Þo Bys{on}mas my brother / by-souhte þe of grace
And haddest mercy on þat man / for Memento sake
So rewe on me Robart / þat reddere ne haue
Ne neuere wene to wynne / with craft þat y knowe
For-þi muchel mercy / mytigacioun y by-seche /
dampne me nat at domesday / for þat y dud so ille .
¶ What bi-felle of þis felon / y can nat faire schewe
Wel y wot he wepte sore / watur with his eyen
And to crist knewleched / his coupe ȝut eft-sones
Þat penaunce his pikestaft / he wolde polische newe
For he had leye by latro / / lucifers aunte .
¶ By þe rode quaþ repetaunce / thow romest toward heuene
By so hit beo in þin herte / as y here þi tonge
Trist in his muchel mercy / and ȝut myht þow by / b[e] saued
¶ For alle þe wrechednesse of þis worlde / and wikked dedes
Fareþ as a fonke of fuyr / þat ful amyd temese
And dyede for on drope of watur / so doþ alle synnes .
Of alle manere men / þat with good wille .
Confesson hem and crien mercy / schullen neuere come in helle .
C Omnis iniquitas que ad [misericordiam] dei est quasi sintilla in medio mari
¶ Repente þe a-non quaþ [repentaunce] riht so to þe vsurer
And haue his mercy [in þy mynde] / and marchaundyse lef hit
For þow hast no good [by good faith] to bygge þe wiþ a wastel
Þe good þat þow hauest [y-goten /] by-gan al wiþ falshede
As longe as þow lyuest þer-w[ith /] thow ȝeldest nat but borowest
¶ And ȝif þow wite neuere to wham / ne were do restitue /
Ber hit to þi byschop / and bid him of his grace
To by-setten hit him-self / as best beo for þi soule
¶ For he schal vnswere for þe / atte þe hye dome
For þe and for mony mo / þat man schal ȝeue rekenynge
What he lered ȝow to lyue with / and to let ȝow fro þefte
Now by-gynneþ Gloton / for to goo to schrifte
And kayres him toward kyrkeward / his gylt to scwewe
Fastyng on a fryday / forþe can he wende
By betons hous þe brewesters / þat bad him good morwe /
And hoderward he wolde / þat brew-wyf hym asked
¶ To holykirke quod he / for to here masse
And sythen sitte and beo schryuen / and synnwe no more /
¶ I haue good ale godsib / glotoun wol þow assaie
What hauest þow quath he eny hote spices
¶ Y haue pepor and pyonys / and a pound of garlik
A ferþyngworth of fynkelsed / for fastyng dayes
¶ Þenne goþ gloton In / and gret oþus aftur
¶ Cesse þe sowestere / sat on þe benche
¶ Watte þe warener / and his wyf dronke
¶ Clarice of Cokkes lane / þe clerk of þe churche
Sir peris of prydie / and purnele of flaundres
An hayward and an Ermite / þe hangeman of Tyborne
¶ Dawe þe dykare / with a doseyne harlotes
Of portours and of pykeporses / and pilede toþ-draweres
¶ A Ribibour a Ratoner / a rakare and his knaue
¶ A Ropere a Redyngking / and Rose þe dischare
¶ Godfray þe garlykmonger / and Griffith þe Walische
And vpholderes an hep / erly by þe moruwe /
Geuen glotom / gloto[n] myd glad chere / good ale to honsele .
¶ Clement þe cobelere / cast of his cloke
And to þe newe faire / nempnede hit to selle
Hykke þe haykeyney man / hitte his hod aftur
And badde bette boucher / to beo on his syde /
Þer were chapmen y-chose / þe chaffare to preyse
Þat he þat hadde þe hod / scholde nat haue þe cloke /
Þe betere þyng by arbitrours / scholde bote þe worse
Two risen Rapliche / and romed to-gederes
And preysede þe peny-worþes / a-part by him-selue
¶ And ther were oþes an hep / for or scholde haue þe worse
Thei cowþe nat by here concien{c}se / a-corde for trewþe
Til Robyn þe Ropere / a-ryse þei by-souhte
An nempned him an nounpere / þat no debat were
¶ Hikke þe hakeyneye-man / hadde þe cloke
In couenaunt þat Clement / scholde þe cop fulle
And haue þe hakeneysman hes hod / an holde him y-serued
¶ And who repended rathest / scholde a-ryse aftur
And grete sire glotoun / with a galon ale
¶ Ther was lauhinge and lhikering / and lette go þe coppe
Bargaynes and beuerages / by-gonne to a-Ryse
And seten so til euesong rang / an songon him by-while
Til glotoun had y-globbed / a galon and a gille
¶ His gottes gonne godele / as to gredy sowes
He pissed a potelle / in a pater-noster while
And blew his round rewet / at þe Ruggebones ende
Þat alle þat herde þe horne / held here nose aftur .
And whusched hit had be vexed / with a wysp breres .
He myht noþur step ne stande / til he staf hadde .
Þen gan he go like / a gleemannes byche /
Som tyme a-syde / som tyme a-rere
As ho-so leith lynes / for to kacche foules /
¶ And when he drouwe to þe dore / þan dymmed his yen
He þrompeled atte þe thresfolde / and þrew to þe erthe .
¶ Þo clement þe cobelere / cauht him by þe myddul .
Fort to lift him on loft / he ledde him on his knewes
¶ Ac gloton was a gret cherl / and groned on þe liftynge
And cowed vp a cawdel / in clementes lappe
¶ Is non so hongry hound / in hertforde schire
durst lape of þat leuyng / so vn-louely hit smauhte
¶ With al þe wo of þe worlde / his wyf and his wenche
Beren him to his bedde / and brouht him þer-ynne
¶ And aftur al þis exces / he hadde an accidie /
He slep saterday and soneday / til sonne ȝeode to reste
¶ Þan a-waked he wel wan / and wolde haue y-dronke
Þe furst word þat he spac // was / ho halt þe bolle
¶ His wif and his Inwit / edwited him of his synne
He waxed a-schamed that screwe / and schrof him al-so swithe
¶ To Repentaunce rith þus / haue rewþe on me he seyde
Thow lord þat on loft art / and alle lyues schop
¶ To þe god y gloton / gulty y me ȝeelde
Of my trespas with tonge / y can nat telle how oft
Sworon thi soule and sydes / and so help me god al-myhty
When þat non need was / mony tyme falsly
¶ And ouer souped at my sopper / and som tyme atte nones
More þenne my kunde / myht wel defye .
And as a hound þat ete graas / so gan y to brake
And spilled þat y a-speled myht / y can nat speke for schame
Þe vylanie of my foule mouth / and of my foule mawe /
¶ On fastingdaie[s] / fasting daie[s] by-fore noen / y fedde me with ale
Ouȝt of reson among Ribaudes / here Ribaudrie to hure
¶ Heere-of good god / graunt me for-ȝeuenesse
Of alle my luther lyuynge / in alle my lif-tyme
¶ For y a-vowe to verray god / for honger of / o[r] for furst
Schal neuere fi{c}sch on fryday / defye in my wombe
Til abstinence my aunte / haue ȝiue me leue .
And ȝut haue y hated heore / al my lif-tyme
Explicit passus septimus
Confessio
Superbie
Superbie
Confessio
Inuidie
Inuidie
Confessio
Ire .
Ire .
Confessio
luxurie
luxurie
Confessio
auariceC
auariceC
//
confessio
gule .
gule .
[drawing of a face]
raþyr þanC