Passus · vijus · de dowel & explicit C
There is no such y sayde / þat som-tyme ne borweth
Or beggeth or biddeth / be he ryche or pore
And ȝut oþer-while wroeth / with-outen eny synne
Ho is wroeth and wolde be a-wreke / holy writ preueth quod he
A LX passeth cheef charite / yf holy churche be trewe
¶ Caritas omnia soffert / s[u]ffert
Holy writ witnesseth þer were suche eremytes
Solitarie by hem-sulue / in here selles lyuede
With-oute borwynge or beggynge / bote of god one
Excepte þat Egide / a hynde oþer-while
To his selle selde cam / and soffred be mylked
Elles foules fedde hem / in frythes þer they wonede
Bothe Antony and arseny / and oþer fol monye
Paul primus heremita / hadde y-parrokede hym-sulue
That no man myhte se hym / for moes and for leues
Foules hym fedde / yf frere Austynes be trewe
For he ordeyned þat ordre / or elles þey gabben
Paul aftur his prechyng / paniars he made
And wan with his handes / al þat hym nedede
¶ Peter fischede for his fode / And his fere {..}Androwe
Som they sode and som they solde / and so they lyuede bothe
Marie Maudeleyne / by mores lyuede and dewes
Loue and lele byleue / held lyf and soule to-gyderes
Marie Egipciaca / eet in thritty wynter
Bote thre litle loues / and loue was here soule
Y can nat rykene hem riȝt now / ne reherse here names
That lyueden thus for oure lordes loue monye longe ȝeres
With-oute borwynge or beggynge / or þe boek lyeth
And woneden in wildernesses amonges wilde bestes
Ac durste no beste byte hem / by day ne by nyhte
Bote myldelyche when þey metten / maden lowe there / chere
And faire byfore tho men / faunede with þe tayles
Ac bestes brouhte hem no mete / bute onliche þe foules
In tokenynge þat trewe man / alle tymes sholde
Fynde honest men and holy men / and oþer rihtfole peple
For wolde neuere faythfull god / þat freres and monkes
Toke lyflode of luyther wynnynges / in all here lyf-tyme
As wittnesseth holy writ / what tobie saide to his wyf
When he was blynde he herde a laimbe / la[m]be blete
Wyf be y-war quod he / what haue we her-ynne
Lord leue quod þat lede / no stole thynge be her-ynne
¶ Videte ne furtum sit & alibi meliuus / meli[us] est mori quam male viuere & cetera
This is no more to mene / bote menof / men of holy churche
Sholde reseue riht nauht / but þat riht wolde
Thenne wolde lordes and ladyes / be loth for to agulte
And to take of here tenauntes / more then treuthe wolde
And marchauntz merciable wolde be / and men of lawe bothe
And thenne grace sholde growe ȝut and grene loue wexe
And charite þat chield is now / sholde chaufen of hym-sulue
And conforte alle cristene / wolde holy churche amende
Iop þe parfite patriarke / this prouerbe wroet and tauhte
To make men louye mesure / þatmonkes / þat monkes ben and freres
¶ Nunquam dicit Iop rugiet onager cum habuerit herbam
Aut mugiet bos · cum ante plenum presepe steterit
Brutorum Animalium natura te condempnat
Quia cum pabulum comune sufficiat
Ex adipe prodiit iniquitas tua
Yf lewede men knewe this latyn alitel / a litel they wolden auysen hem
Ar they amorteysed eny more / for monkes or for Chanoun
Allas lordes and ladyes / lewede consayle h{o}aue ȝe
To feffe suche and fede / þat founded ben to þe fulle
With þat ȝoure bernes and ȝoure b{b}loed by goed lawe may clayme
For god bad his blessed as þe boek techeth
¶ Honora patrem & matrem & cetera
To helpe thy fader formost byfore freres or monkes
Or ar prestes or pardoners / or eny peple elles
Helpe thy kyn Crist bid C / for þer bigynneth charite
And afturward a-wayte / ho hath moest nede
And þer helpe yf thow haste / and þat halde y charite
Lo laurence for his largenesse / as holy lore telleth
That his mede and his manhede / for euere-more shal laste
¶ Iusticia eius manet ineternumin eternum
He gaf goddes men goddes goodes / and nat grete lordes
Y dar nat carpe of clerkes now þat cristes tresor kepe
That pore peple by puyre riht / here part myhte aske
Of þat þat holychurche / holy churche / of þe olde lawe claymeth
¶ Prestes on aparayl / and on purnele now spene
¶ Me may now likene lettred men to a loscheborw oþer worse
And to abadde / a badde peny / with agode / a gode printe
And parfitliche y-graue / and so hit fareth by false cristene
Here follynge / is trewe cristen-doem of holy kyrke
The kynges marke of heuene
¶ Ac þe metal þat is mannes soule of this techares
Is a-layed with leccherye and oþer lustes of synne
That god coueyteth nat þe coyne þat crist hym-sulue printede
And for þe synne of þe soule / forsaketh his oune coyne
Thus ar ȝe luyþer y-likned / to lossheborwes sterlynges
That fayre byfore folk prechen and techen
And worcheth nat as ȝe fyndeth y-wryte and wisseth þe peple
For what thorw werre and wrake / and wikkede hefdes
May no preyere pees make / in no place hit semeth
Lewed men han no byleue and lettred men erren
Noþer see ne send / s[o]nd / ne þe seed ȝeldeth
As they y-woned were / in wham is defaute
Nat in god þat he ne is goed / and þe grounde bothe
And þe se and the seed / þe sonne and þe mone
Doen her deuer day and nyhte / dede we so alse
Ther sholde be plente and pees perpetuel euere
¶ Wedur-wyse shipmen now / and oþer witty peple
Haen no by-leue to þe lyft / ne to þe lode sterres
Astronomiens alday in here arte faylen
That whilum warnede men byfore / what sholde byfalle aftur
Shipmen and sheep-herdes by þe seuene sterres
Wisten wel and tolde / when hit sholde ryne
tilyares þat tilede þe erthe / tolden here maystres
By the seed þat they sewe / what þey sulle myhte
And what lyue by and leue / the londe was so trewe
¶ Now failleth this folk / bothe follwares and shipmen
Noþer they ne knoweth ne conneth a cours by anoþer
Astronamyens also / aren at here wittes ende
Of þat was kalculed of þe clymat / the contrarie þey fynde
Gramer þe grounde of al / bigileth nouthe childrene
Or formallych endite / ne construe kyndelyche þat poetes made
¶ Go we now to eny degre /and bote gyle be holde amaister / a maister
And flaterrere for his vscher / and ferly me thynketh
doctours of decre / and of diuinite maistres
That sholde þe seuene ars conne / and assoile a quodlibet
Bothe they fayle in philosophie / and philosoferes lyuede
Lord lete þat this prestes / lelly seien here masse
That they ouerhippe nat for hastite / as y hope they do nat
Thogh hit suffice for oure sauacioun soeth-faste byleue
As Clerkes in corpus cristi feste syngen and reden
That sola fides sufficit / to saue with lewede peple
¶ Ac ȝif prestes doen here deuer wel / we shal do þe bettre
For sarrasynes may be saued so / yf they so byleued
In þe letynge of here lyf / to leue on holy churche
What is holy churche chere frende quod y / Charite he saide
Lief and loue and leutee / in o byleue alawe / a lawe
A loue-knotte of leutee / and of lele byleue
Alle kyne cristene / cleuynge C on o will
With-oute gyle and gabbyng / gyue and sulle and lene
Loue lawe with-oute leutee / allouable was hit neuere
God lereth no lyf to louye / with-outen lele cause
¶ Iewes and gentel sarresines / iugen hem-sulue
That lelyche they byleue / and ȝut here lawe diuerseth
And o god þat al bygan · with gode herte they honoureth
And ayther loueth and byleueth / in o · god almyhty
Ac oure lord aloueth no loue / but lawe be þe cause
For lechours louyen aȝen þe lawe / and at þe laste ben dampned
And theues louyen and leute hatien / and at þelaste / þe laste ben hanged
And lele men lyue as lawe techeth / and loue þer-of aryseth
The whiche is þe heued of charite / and hele of mannes soule
¶ dilige deum propter deum Id est propter veritatem & inimicum tuum propter mandatum Id est propter legem & Amicum propter Amorem id est propter caritatem
Loue god for he is goed / and grounde of alle treuthe
Loue thyn enemye entierely / goddes heste to fulfille
Loue thy frende þat folleweth thy wille that is thy fayre soule
For when alle frendes faylen / and fleen a-way in deynge
Thenne seweth the soule to sorwe or to ioye
And ay hopeth eft to be / with here body at þe laste
In murthe or in mournynge and neuere eft to departe
And þat is charite leue chield / to be cher ouer thy soule
¶ Contrarie her nat as in Consience / yf thow wold come to heuene
Where sarresynes y saide / y-se nat what is charite
Hit may be so þat sarresynes / haen such amanere / a manere charite
Louen as by lawe of kynde / oure lord god almyhty
Hit is kyndly thyng creature / his creatour to honoure
For þer is no man þat mynde hath / þat ne meketh and bysecheth
To þat lord þat hym lyf lente / lyflode hym sende
Ac many manere men þer ben / as sarresynes and iewes
Louyeth nat þat lord aryht as by þe legende sanctorum
And lyuen oute of lele byleue / for they loue on amene / a mene
Aman / A man þat hihte Makameth for messie they hym holdeth
And aftur his leryng they lyue and by lawe of kynde
And when kynde hath his cours / and no contrarie fyndeth
Thenne is lawe y-lefte and leute vnknowe
¶ Beaute sanz bounte / blessed was neuere
Ne kynde sanz cortesie / in no contreye is preysed
Me fynde wel þat Macometh / was aman / a man y-cristened
And a cardinal of Court a gret clerk with-alle
And pursuede to haue be pope prince of holychirche / holy chirche
Ac for he was lyk a lossheborw / y leue oure lord hym lette
For-thy souhte in-to surie and sotiled how he myhte
¶ He endaunted a douue / and day and nyhte here fedde
In ayþer of his eres priueliche he / hadde
Corn coluere eet when he come in places
And in what place he prechede / and the peple tauhte
Thenne sholde þe coluere come to þe clerkes ere
Menyng as aftur mete / thus macumeth here enchauntede
¶ And when þe coluer can this then knelede þe peple
For Macometh to men swaer hi{s}t was amessager / a messager of heuene
And sothliche þat god sulue / in suche a coluere lyknesse
Tolde hym and tauhte / how to teche þe peple
Thus macumeth in misbileue / man & womman brouhte
And on his lore thei lyuen ȝut / as wel lered as lewed
¶ And seth oure saueour / soffrede such a fals cristene
disceue so the sarrasyns sothlyche me thynketh
Holy men as y hope / thorw helpe of the holy {chi} goste
Sholden conuerte hem to Crist / and cristendoem to take
Allas þat men so longe / on Macometh bileueth
So manye prelates to preche / as þe pope maketh
Of nasareth of vyneue / [n]yneue / of neptalym of damaske
T That they ne wente as holy writ byd Ite in vniuersum mundum
Sethe ȝe wilne þe name to be prelates and preche
The passioun of ihesus and as hym-sulue saide
So to lyue and deye Bonus Pastor animam suam ponit pro ouibus suis & cetera
¶ Hit is reuthe to rede how riht holy men lyuede
How they deffoulen here flesche / forsoke here owne wille
Fer fro couthe and fro kyn / euele y-clothed ȝeden
Baddeliche y-bedded / no boek but here Consience
Ne no rychesse but þe rode to reioysen hem ynne
¶ Absit nobis gloriari nisi in cruce domini nostri & cetera
And tho was pees and plente amonges pore and ryche
And now is reuthe to rede / how þe rede noble
Is reuerenced byfore the rode / and resceyued for the worthiore
To amende and to make / as with men of holy churche
Thenne cristes cros þat ouercome / deth and dedly synne
¶ And now is werre and wo / and who-so why asketh
For couetyse aftur a cros / the corone stand in golde
Bothe riche and religioues T / þat rode they honouren
That in grotes is graue / and in golde nobles
For couetyse of the croes / clerkes of holichurche / holi churche
Sholle {e}ouerturne as þe templers dede þe tyme approcheth faste
Minne ȝe lettred men · / how tho men honourede
More tresor then treuthe / y dar nat telle þe sothe
How tho corsede cristene / catel and richesse worschipede
Resoun and rihtfol doem / tho religious dampnede
¶ riht so ȝe clerkes / ȝoure coueytise ar come auht longe
Shal dampne dos ecclesie / and depose ȝow for ȝoure pruyde
deposuit potentes de sede & cetera
Ȝif knyhthoed and kynde wit / and þe comune and consience
The lordschipe of londes lese ȝe shal for euer
And lyuen as leuitici dede / and as oure lord ȝow techeth
¶ Per primicias P & decimas & cetera
Whan Constantyn of his cortesye / holy kirke dowede
With londes and ledes / lordschipes and rentes
An angel men herde / an P hye at rome crye
¶ dos ecclesie this day / hath y-dronke venym
And þat haen petres power / aren apousened alle
A medecyne moste þerto / þat myhte amende þe prelates
That sholde preye for þe pees / and possession hem letteth
Taketh here londe ȝe lordes / and lat hem lyue by dymes
Yf the kynges coueyte / in cristes pees to lyuene
For if possession be poysen / and inparfit hem make
The heuedes of holychurche / holy churche / and tho that ben vnder hem
Hit were charite to deschargen hem / for holychurche / holy churche sake
And purge hem of þe olde poysen / Ar more perel falle
For were prest-hode more parfyte / that is þe pope formost
that with moneye maynteyneth men do werre vppon cristene
Aȝen þe lore of oure lord / as seynt luk witnesseth
Alle londes in-to loue / And þat in lytel tyme
The pope with alle prestes pax vobis sholde make
And take hede on Macometh / thorw amylde / a mylde dowue
Hadde al surie as hym-sulue wolde / and sarrasines in equitee
Naught thorw manslaght / and mannes strenghe T
Macometh hadde þe maistrie
Bote thorw pacience and priue gyle he was prince ouer hem all
In such manere me thynketh moste þe pope
Prelates and prestis preeye / p[re]ye and biseche
deuouteliche day and nyhte / and with-drawe hem fro synne
And crie to Crist a LX wolde his coluer sende
The whiche is þe hy holy gost / þat out of heuene descendet T
To make a perpetuel pees / bitwene þe prince of heuene
And alle maner men / þat on this molde libbeth
Yf preste-hode were parfyt and preyede thus the peple sholde amende
That contrayen / contra[r]yen now cristes lawes / and cristendoem dispisen
For sethe þat this sarrasines / scribz and this iewes
Haen alyppe / a lyppe of oure bileue / the lihtlokour me thynketh
They sholde ho-so trauayle wolde / and of þe trinite teche hem
For alle paynyme preyeth / and parfitliche bileueth
And maken here mone to Macometh / here message to shewe
Thus in a fayth lyueth þat folk / and in afals / a fals mene
And þat is reuthe for tho rihtfole men / þat in þat reume wonyeth
And aperel / a perel for prelates / þat þe pope maketh
That bereth name of Neptalym of Niniue of damaske
For when þe hye kyng of heuene / sente his soule til erthe
¶ Mony myracles a LX wrouhte men for to torne
In ensaumple þat men sholde · se by sad resoen
That men myhte nat be saued / but thorw mercy and grace
And thorw penaunce and passioun / and parfyt bileue
And bicam man of a mayde / and metropolanus / metropol[it]anus
Alle þat wilnede and wolde / with inwit bileue hit
Mony seynte sethe soffrede deth also
For to enferme þe fayth / ful wyde-whare deyede
In ynde in alisandre / in Armonye in spayne
And fro mysbileue mony men turnede
In sauacioun of mannes soule / seynte Thomas of Canterbury
Amonges vkynde / v[n]kynde cristene in holy churche was slawe
And alle holy kirke honoured / thorw that deyng
He is a forbisene to alle bisshopis / and abriht / a briht myrrour
And souereynliche of suche þat of surie bereth þe name
And nat in Ingelond to huppe aboute / and halewe men auters
And crepe in amonges curatours / and confessen aȝeyn þe lawe
¶ Nolite mittere falcem in messem alienam & cetera
Many man for cristes loue / was martired amonges Romaynes
Or cristendoem were knowe þere / or eny croos honoured
Euery bisshope bi þe lawe / sholde buxumliche walke
And pacientliche thorw his prouynce / And to his peple hym shewe
Feden hem and follen hem / and fere hemfro / hem fro synne
¶ In baculi forma / sit presul hec tibi norma
Fer trahe punge gregem seruando per omnia legem
And enchaunten hem to charite / on holy churche to bileue
For as þe kynde is of a knyhte / or for akynge / a kynge to be take
And amonges here enemyes / in mortel batayles
To be culd and ouercome the comune to defende
So is þe kynde of a curatour for criste loue to preche
And deye for his dere childrene / to defende dedly synne
¶ Ac we cristene conneth þe lawe / and haen of oure tonge
Bischope and bokes / the bileue to teche
Iewes lyuen in þe lawe / þat oure lord tauhte
Moises to be maister þer-of / til messie come
And on þat lawe they leue / and leten hit for þe beste
And ȝut knewe they crist þat cristendoem tauhte
And for a parfit profete / that moche peple sauede
{¶} C And of selcouthe sores / saued men fol ofte
By þe myracles þat he made / messie he semede
Tho he luft vp lasar / þat layde was in graue
Iewes sayde þat hit seye / with soercerye he wrouhte
And studeden how to struye hym / and struyden hem-sulue
And her power thorw his pacience / to puyr nauht brouhte
And ȝut they seyen sothly / and so doen þe sarrasynes
That ihesus was bote a iogelour / a iapare amonges þe comune
And a sofistre of soercerie / and a seudo-propheta
And that his lore was lesynges / and lakken {k}hit alle
And hopen þat he be to come / þat shal hem releue
Moises oþer Macometh / here maystres deuyneth
And haen a suspectioun to be saef / bothe sarresynes & iewes
Thorw Moises and Macometh / and myhte of god þat made al
And sethe þat this sarresynes / and also þe iewes
Conne þe furste clause of oure bileue credo in deum patrem
Prelates and prestes / sholde proue yf they myhte
Lere hem littelum and littelum / and in ihesum christum filium
Til they couthe speke and spele / et in spiritum sanctum
Recorden hit and reden hit / with remissionem peccatorum
Carnis resurectoem / resurect[i]onem & vitam eternam amen
passus
corrigitur
notate relegiosi
Thobi
Iop contra relegiosi
de
passus
de
passus
notate de Macometh
// be-hold se lo
what prelates scholde do
what prelates scholde do
de
passus
// id est C Credo in deum
patrem
patrem
de
passus