Passus tercius de visione vt prius
Now C is mede þe mayde / and namo of hem alle
Thorw Bedeles and Baylifs / y-brouhte byfor þe kyng
The kyng callede a clerke · y can nat his name
To take mede þe mayde / and maken here at ese
Y shal asaye at here my-sulue / and sothliche appose
What man of this world / þat here leuest hadde
And yf she worche wysely / and by wys men consayl
Y wol forgyue here alle gultes / so me god helpe
¶ Cortesliche þe Clerk thenne / as þe kyng hyhte
Took mede by þe myddel / and myldeliche here brouhte
In-to Boure with blisse / and by here gan sitte
Ac there was myrthe and mynstracie / mede to plese
That wendeth to westmynstre · worschipede here monye
Genteliche with ioye / the Iustices somme
Boskede hem to þe bour / ther this buyrde dwelte
And confortede here as they couthe / by the clerkes leue
And sayden mourne nat mede / ne make thow no sorwe
For we wel wisse the kyng / and thy way shape
For to wedde at thy wille / where the leef licketh
For al Consiences cast / and craft as y trowe
Of here grete goodnesse / and gaf hem vchone
Coupes of clene gold / coppes of syluer
Rynges with rubees / and othere riche ȝeftes
The leste man of here mayne / a motoun of gold
Thenne they hadde lauhte here leue / at this lady mede
¶ Thenne come clerkes / to conforte here the same
And beden here be blythe / for we beth thyn owene
For to worche thy wille / the while þou myhte dure
C And Mede hendeliche / behyhte hem þe same
To louye hem leeliche / and lordes to make
And purchace ȝow prouendres / while ȝoure panes lasteth
And bygge ȝow benefices / pluralite to haue
And in þe constorie at court / do calle ȝoure names
Shal no lewedenesse lette / þe clerk þat y louye
That he ne worth furste vaunsed / for y am byknowe
There connynge clerkes shal clokke byhynde
¶ Thenne come þer a confessour / y-coped as afrere / a frere
To mede þe mayde / myldeliche he sayde
Thow lewed men and lered men haued layn by the bothe
Falshede yfonde the / al this fourty wyntur
Y shal assoyle the my-s{l}ulue / for a seem whete
And ȝut be thy bedman / and brynge adoun Consience
Amonge kynges and knyhtes / and clerkes and the lyke
¶ Thenne mede for here mysdedes / to this man knelede
Shrefe here of here synne / shameles y leue
Tolde hym atale / a tale / and toke hym anoble / a noble
For to ben here bedman / and to bere wel here ernde
Among knyhtes and clerkes / consience to turne
And he assoilede here sone / and sethen a LX sayde
¶ We han a wyndowe a-wurchynge wol stande vs fulheye / ful heye
Wolde ȝe glase þat gable / and graue ther ȝoure name
In masse and in mataynes · for mede we shal synge
Solempneliche and softlyche / as for a suster of oure ordre
Loueliche þat lady / laghynge sayde
Y shal be ȝoure frende frere / and fayle ȝow neuere
The whiles ȝe louyen this lordes that lecherye haunteth
And lacketh nat this ladyes / þat louyeth þe same
Hit is but frelete of fleysche / ȝe fyndeth wel by bokes
And cours of kynde · wher-of we comen alle
Ho may a-skape þe sclaundre þe {k}skathe myhte sone be mended
Hit is synne as of seuene noon s{o}annour relesed
Haueth mercy quod mede / on men þat hit haunteth
Bothe wyndowes and wowes / y wol amende and glase
And peynten and purtrayen / ho payede for þe makyng
That euery seg shal se / y am a sustre of ȝoure ordre
Ac god to alle good folk · suche grauynge defendeth
To writen on wyndowes / of eny wel dedes {..}
An Auntur pruyde be paynted there / and pomp of the world
For god knoweth thi consience / and ho þe catel ouhte T
For-thy l{o}eue lordes · leueth suche writynges
God in þe gospel / suche grauynge nouȝt alloueth
¶ Nesciat dextra quid faciat sinistra
Lat nat thy lyft hand / oure lord techeth
Y wyte what thow delest / with thi ryhte syde
Bothe schyreues and seriauntes / and suche as kepeth lawes
To punischen vppon pilories / and vppon pynyng stoles
As Bakeres ac Breweres / Bocheres and cokes
For thyse men don most harm / to þe mene peple
Rychen thorw regraterye / and rentes hem beggeth
With that þe pore peple / sholde potte in here wombe
For tok thei {i}on trewely / they tymbred nat so heye
Ne bouhte none burgages / be ȝe ful certayn
Ne thei han no pite on the peple / þat parselmele mot begge
And thow thei take hem vntidy thyng / no tresoun þei ne halden hit
And {ȝ}how P thei fillen nat ful / þat for lawe is seled
Many sondry sorwes / in Citees falleth ofte
Bothe thorw fuyr and thorw flood / al thorw fals peple
That bygyleth goode men / and greueth hem wrongly
The whiche þat crien on here knees / þat crist hem auenge
Here on this erthe / or elles in helle
That so bigileth hem / of here goed / þat god on hem sende
Feuer or fouler euel / other fuyr on here houses
Morreyne or other meschaunces / and mony tymes hit falleth
That Innocence is herde / in heuene amonge seyntes
That louten for hem to oure lord / and to oure lady bothe
Graunte gylours on erthe grace to amende
And haue here penaunce on puyre erthe / and nat þe peyne of helle
And thenne falleth ther fuyr / on fals men houses
And goode mennes for here gultes / gloweth on fuyr aftur
Al this haue we seyn · þat som-tyme thorw abreware / a breware
Many burgages ybrent / and bodies þer-ynne
And thorw C a candle clemynge / in cursed place
Ful a-doun and forbrent / forth alle þe rewe
¶ For-thy mayres þat maketh fre men / me thynketh þat ȝe ouhten
For to spyre and to aspye / for eny speche of suluer
What maner muster / oþer marchandise he vsed
Ar he were vnderfonge fre / and felawe in ȝoure rolles
Hit is nat seemely for-sothe / in Citee or in borw toun
That vsurers oþer regraters / for eny skynes ȝeftes
Be y-franchised for a fre man / and haue afals / a fals name
¶ Ac Mede þe mayde þe mayre / a LX bisowte
Of alle suche sullers seluer to take
Or presentes without pans / and oþer priue ȝeftes
Haue reuthe on this regraters / þat han riche handes
¶ In quorum manibus iniquitates sunt
Loue hem for my loue · quod this lady mede
And soffre hem som-tyme / to selle aȝeyne þe lawe
Salamon þe sage / a sarmon he made
In amendement of mayres / and oþer stywardes
And wittenesseth what worth of hem / þat wolleth take mede
¶ Ignis deuorabit tabernacula eorum / qui libenter accipiunt munera
Amonge thise lettred lordes / this latyn is to mene
That fuyr shal falle and forbrenne / al to blew aysches
The houses and þe homes / of hem þat taketh ȝeftes
¶ The kyng fram conseyl come / calde aftur mede
And sente to se here / y myhte nat se þat ladde here
Fol corteisliche þe kynge / as his kynde wolde
Lacked here a litel whith / for þat she louede gyle
And wilned to be wedded / with-outen his leue
And til treuthe hadde y-tolde here / atokene / a tokene fram hym-sulue
And saide vnwittiliche womman / wrost / wro[uh]t hastow ofte
And monye a gulte y haue the forgyue / & my grace graunted
Bothe to the and to thyne / in hope thow shost amende
And ay the lengur y late the go / the lasse treuthe is with the
For wors wrouhtestou neuere / then now tho thow fals toke
Ȝut y for-gyue the þis gult / godesforbede / godes forbede eny more
Thow tene me and treuthe / and thow mowe be atake
In the Castel of Corf / y shal do close the as an anere T
That alle wantowen women / shal be war be þe one
And bitterliche banne the / and alle þat bereth thy name
And teche the to louye treuthe / and take consail of resoun
Y haue a knyght Consience / cam late fro be-ȝende
Yf he wilneth the to wyue / wolt thow hym haue
Ȝe lord quod that lady / lord hit me forbede
But y be holly at thyn heste / lat hange me elles
¶ Thenne was Consience y-kald / to come and apere
Byfore þe kyng and his consayl / as clerkes and oþere
Knelyng consience to þe kyng loutede
What his wille were and what he do sholde
Woltow wedde this mede / yf y wol assente
For she is fayn of thy felawschipe / and for to be thy make ·
¶ Quod Consience to the kyng / Crist hit me forbede
Ar y wedde suche awyf / a wyf / wo me by-tyde
And maketh men mys-do / manye score tymes
In trist of here tresor / he LX teneth fol monye
Wyues and wedewes / wantounesse he techeth
And lereth hem to lecherye / þat louyeth here ȝeftes
Ȝoure fader she afelde / fals and she to-gederes
He hath apoisend popes / he appeyreth holy churche
Bytwene heuene and helle / and erthe thogh men soughte
For she is tikel of here tayl / tale-wys of tonge
As comyn as þe cartway / to knaues and to alle
To Monekes to alle men / ȝe musels in hegge
Lyggeth by here when hem lust / lered and lewed
Sysores and somnours / suche men he LX preiseth
Shyreues of shyres · were shent yf he nere
For he doth men lesen here lond / and here lyf bothe
He lat passe prisones / paieth for hem ofte
And gyueth the gaylers gold / and grotes to-gederes
To vnfetere the fals / and fle wher hym liketh
For a LX copeth þe commissarie / and coteth his clerkes
He is assoiled thus sone / as here-sulue lyketh
He may ny as muche do / in amonthe / a monthe ones
As ȝoure secrete seel / in sixe score dayes
He is priue with þe pope / prouysours it knoweth
For symonye and here-sulue / seleth here bulles
He blesseth this bischopes / thow thei ben ny lewede
He prouendreth parsones / and prestes he maynteneth
To holde lemmanes and lotebyes / al here lyf-dayes
¶ Sunt infelices / quia matres sunt meretrices
Ther she is wel with eny kyng / wo is þat rewme
For she is fauerable to þe fals / the whiche defouleth treuthe
By ihesu with here ieweles / the Iustices she shendeth
He lyth aȝeyn þe lawe / and leith hym þe gate
That fayth may nat haue his forth / here floreynes goth so thykke
And leet þe lawe as here luste / and louedayes maketh
Thorw which loueday is loste / þat leute myhte wynne
¶ The mase for amene / a mene man / thow he mote euere
Lawe is so lordliche / and loth to make eny ende
With-oute presentes oþer pans / he pleseth ful fewe
Trewe Burgeys and bonde / he bryngeth to nauhte ofte
And al þe comune in care / and in coueytise
¶ Religioun he al to-reueth / and oute of reule to lybbe
Ther ne is Cite vnder sonne ne noon so ryche reume
Ther he is alowed and ylet by þat laste shal eny while
With-outen werre oþer wo / oþer wickede lawe
And custumes of coueytise / þe comune to destruye
Vnsittyng soffraunce / here suster and here-sulue
Han al-mest mad / but marye the helpe
That no lond ne loueth the / and ȝut leeste thyn owene
That al þe witt of the world / is woxe in-to Gyle
Thus lereth this lady thi lond / now lord ȝeue here sorwe
For pore men dar nat pleyne / ne no pleynt shewe
Such amaister / a maister is mede / among men of gode
¶ Thenne mournede mede / and menede here to þe kyng
The kyng grauntede here grace / with agoode / a goode wille
Excuce the yf thow kanst / y can nomore segge
For Consience acuseth the / to congeye the for euere
¶ Nay lord quod þat lady / leueth hym þe worse
When ȝe wyteþ witterly / in whom þe wrong liggeth
Ther þat meschief is greet / mede may helpe
And þat knowestou Consience / y cam nat to chyde
Ne to depraue thy persone / with a proed herte
Wel thow wost weye / but yf thow wille gabbe
Thow hast hanged on my half / enleuene tymes
And also gryp my gold and gyue hit where þe liked
Why thow wrathest þe now / wonder me thynketh
Ȝut y may as y myhte / menske þe with ȝeftes
And maynteyne thi manhede / more then thow knowest
Ac thow hast famed me foule / byfore þe kyng here
For kulde y neuere no kyng / ne conseilede so to done
Ac y haue saued my-selue / sixty thousend lyues
Bothe here and elles-where / in alle kyne londes
Ac thow thy-sulue sothly / ho hit segge durste
Hast arwed many hardy man / þat hadde wille to fyhte
To berne and to bruttene / to bete adoun strenghtes
In contrees there the kyng cam / consience hym lette
That he ne felde nat his foes / tho fortune hit wolde
And as his wyrdus were ordeyned / at þe wille of oure lorde
Caytifliche thow Consience / conseiledest þe kyng to T leten
In his enemyes handes / his heritage of Fraunce
Vnconnynge is þat Consience / a kyndom to sulle
For þat conquereth thorw a comune helpe a kyndom or ducherie
Hit may nat be sold sothliche / so many part asketh
Of folk þat fauht þerfore / and folwede þe kynges wille
The leste ladde þat longeth with hym / be þe londe ywonne
Loketh aftur lordschipe / or oþer large mede
Wherby he may as aman / a man / for eueremore lyue aftur
And þat is þe kynde of a kyng / þat conquereth on his enemys
To helpe heyliche alle his ofte / or elles graunte
Al þat his men may wynne / do ther-with here beste
For-thy y consayl no kynge / eny conseyl aske
For sholde neuere Consience / be my constable were y akyng / a kyng quod mede
Ne be Marschal ouer my men / there y moste fyhte
Ac hadde y mede ben his marchel / ouer his men in Fraunce
Y durste haue y-leyd my lyf / and no lasse wedde
And also kyng of þat kuth / his kyn for to helpe
The leeste brolle of his blod / a Barones pere
Vnconnyngliche Consience / conseiledest hym thenne
To lete so his lordschipe / for a litel mone
Hit bycometh for akyng / a kyng þat shal kepe a reume
To ȝeue men mede / þat meekliche hym serueth
To aliens and to alle men / to honoure hem with ȝeftes
Mede maketh hym be by-loued / and for aman / a man y-holde
Emperours and Erles / and alle manere lordes
Thorw ȝeftes haen ȝemen / to ȝerne and to ryde
The pope and alle prelates / presentes vnderfongen
And ȝeuen mede to men / to meyntene here lawes
Seruantes for here seruyse mede they asken
And taken mede of here maistres / as þei mowen acorde
Bothe Begeres and bedemen / crauen mede for here preyeres
Munstrals for here minstracie / amede / a mede thei asken
Maistres þat kenneth clerkes / craueth therfore mede
Prestes þat prechen / and þe peple techen
Asken mede and maspans / mas pans / and here mete bothe
Alle kyn crafty men / crauen mede for here prentises
Marchaundise and mede / mot nede to-gederes
Is no lede þat leueth / þat he ne loueth mede
And glad for to grype here / gret lord oþer pore
¶ Quod þe kyng to Consience / by crist as me thynketh
Mede is worthy me thynketh / þe maistrye to haue
Nay quod Consience to þe kyng / clerkes witeth þe sothe
That mede is euermore / amayntenour / a mayntenour of Gyle
As þe sauhter sayth by such þat ȝeueth mede
That vnlaufulliche lyuen / hauen large handes
To ȝeue men mede / more oþer lasse
Ac ther is mede and mercede / and bothe men demen
A desert for som doynge {more oþer lasse} derne oþer elles
Mede many tymes / men ȝeueth bifore þe doynge
That eny man Mede toke / but he hihte / hi[t] myhte deserue
And for to vndertake / þe trauaile for another
And wot neuere witterly / where he lyue so longe
Ne haue hap to his hele / mede to deserue
Y halde hym ouer hardy / or elles nat trewe
¶ That pre manibus is paied / or his pay asketh
Harlotes and hoores / and also fals leches
They asken here huyre / ar thei hit haue deserued
And Gylours gyuen byfore / and goode men at þe ende
When þe dede is y-do / and þe day endit
And þat is no mede / but amercede / a mercede amanere / a manere dewe dette
And but hit prestly be y-payed / þe payere is to blame
As by the book þat byt / no-body with-holde
The huyre of his hewe / ouer eue til amorwe / a morwe
¶ Non morabit / morabit[ur] opus mersenarii & cetera
And ther is resoun as a reue / rewardynge treuthe
That bothe the lord and the laborer / be leely yserued
The mede þat many prest taken / for masses þat thei syngen
¶ Amen Amen Matheu seyth / Mercedem suam recipiunt
In Marchandise is no mede / y may hit wel a-vowe
And thow the kyng of his cortesye / Cayser or pope
Ȝeue lond or lordschipe / oþer large ȝeftes
To here and to lege / loue the cause
And yf tho lele and lege / be luyther men aftur
Bothe kyng and Cayser / and þe crouned pope
And by-nyme hit hem anone / and neuere-more aftur
Noyther eny of here ayres / hardy to claymen
That kyng oþer kayser hem gaf / Catel oþer rente
For god gaf salomon / grace vpon erthe
Richesse and resoun / the while he ryhte lyuede
And as sone as god seyh / a LX sewed nat his wille
And ryhte so sothly may kyng and pope
Bothe gyue and graunte / there his grace lyketh
And efte haue hit aȝeyne / of hem þat don ylle
Rect and indirect / reninde bothe
On a sad and a siker / semblable to hem-suluen
Ac adiectif and sustantif / vnite asken
And acordaunce in kynde / in case and in nombre
And ayther is otheres helpe / of hem cometh retribucioun
And that þe gyft þat god gyueth / to alle lele lyuynge
Grace of good ende / and {..}gret ioye aftur
¶ Retribuere dignare domine deus & cetera
Quod the kyng to Consience / knowen y wolde
What is relacion rect / and indirect aftur
Relacioun rect quod Consience / is arecord / a record of treuthe
¶ Quia ante-late rei recordatiuum est
Folowynge and fyndynge / out þe fundement of a strenghe
And styfliche stande forth / to strenghe þe fundement
In kynde and in case / and in þe cours of nombre
As aleel / a leel laborer byleueth þat his maister
In his pay and in his pite / and in his puyr treuthe
To pay hym yf he parforme / and haue pite yf he faileth
And take hym for his trauaile / al þat treuthe wolde
So of holy herte cometh hope / and hardy relacoun
Seketh and seweth / his sustantif sauacioun
That is god the ground of al / agraciouse / a graciouse antecedent
And man is relatif rect · / yf he be rihte trewe
Verbum caro factum est / in case
Credere in ecclesia / in holy kyrke to bileue
In nombre Rotye and aryse / and remissioun to haue
Of oure sory synnes / to be assoiled and y-clansed
And lyue as oure crede vs kenneth / with crist withoutenende / withouten ende
This is relacion rect / ryht adiectyf and sustantyf
Acordeth in alle kyndes / with his antecedent
Indirect thyng is / as ho-so coueytede
Alle kyn kynde to knowe and to folowe
And with-oute cause to cache / and come to bothe nombres
And þat is nat resonable ne rect / to refuse my syre name
Sethe y am his sone and his seruant / sewe for his ryhte
For ho-so wolde to wyue haue / my worliche douhter
I · wolde feffe hym with alle here fayre / and here foule taylende
So indirect i{n}s in-lyche to coueyte
To a-corde in alle kynde / and in alle kyn nombre
With-outen coest and care / and alle kyn trauayle
As T relacoun rect is / a ryhtful custume
As a kyng to clayme / the comune at his wille
To folowe and to fynde hym / and seche at hem his consayl
That here loue to his lawe Thorw al þe lond a-corde
So comune claymeth of a kyng / thre kyne thynges
Lawe l{.}oue and lewete / and hym lord antecedent
Bothe heued and here kyng / haldyng with no parteyȝe
Bote standynge as a stake þat stikede in a mere
Bytwene two lordes / for a trewe marke
Ac þe moste partie of peple / now puyr indirect semeth
For they wilnen and wolden / as beste were for hem-sulue
Thow the kyng and þe comune / al the coest hadde
Such inparfit peple / repreueth alle resoun
And halt hem vnstedefast for hem lakketh case
As relacoynes / relac[yo]nes indirect / rercheth / re[c]cheth thei neuere
Of the cours of case / so thei cache suluer
Be the peccunie y-paied / thow parties chyde
He þat mede may lacche / maketh lytel tale
Nyme he anoumbre / a noumbre / of nobles or of shillynges
How þat cliauntes a-corde / a-counteth mede litel
Ac adiectyf and sustantyf / is as y her tolde
That is vnite a-cordaunde / in case in gendre and in noumbre
And is to nempne in oure mouth / more no mynne P
But þat alle maner men / wymmen and childrene
Sholde confourme hem to o kynde / on holy kyrke to bileue
And coueyte þe case / when thei couthe vnderstande
To syke for here synnes / and soffre harde penaunces
For þat lordes loue / that for oure loue deyede
And coueytede oure kynde / and be kald in oure name
¶ deus homo and nyme hym in-to oure noumbre now and euere-more
Qui in caritate manet / in deo manet {.}et deus in eo
Thus is man and mankynde / in maner of sustantyf
Of thre trewe termisonus / trinitas vnus deus
Ac ho-so rat of regum / rede me may of mede
How he absoloun / to hangynge brouhte
And seche / se[t]he for / sauel / saued akyng / a kyng for mede
Agaynes godes comandement / god tok such a vengeaunce
That saul for þat synne / and his sone deyede
And ȝaf the kyndom / to his knaue / þat kept shep and lambren
As me ret in regum / aftur Ruth of kynges
How god sente to sauel / be samuel þe prophete
That a-gag of Amalek / and alle his leege peple
Sholde deye dersly / der[f]ly / for dedes of here eldres
Sauel quod samuel / god hym-sulue hoteth
To be buxum at my byddyng / his loue to fulfille
Haste the with al thyn oste / to þe lond of Amalek
And alle þat leueth on þat lond / oure lord wol þat thow sle hit
Man & womman and wyf / childe wedewe and bestes
That dwelleth in amalek / mebles and vn-mebles T
Man and alle bern hit bere hit nat a-wey be hit neuer so riche
For eny mede of money / al that thow myhte
And for a LX coueytede here catel / and the kyng sparede
For bar hym and his beste bestes / as þe byble wittenesseth
Other-wyse then god wolde / and warnede hym by þe prophete
God sayde to Samuel / þat Sauel sholde deye
And al is for þat synne / shentfolyche ende
Thus was kyng sauel ouercome / thorw coueytise of mede
That god for euere and alle eyres aftur
The culorum of this kaes / kepe y nat to shewe
An Auntur hit nuyede me / noen ende wol y make
For so is the world went / with hem þat han þe power
That he þat sayth men sothest / is sonnest yblamed
In Consience knowe this / for kynde wit me tauhte
That resoun shal regne / and reumes gouerne
And riht as agag hadde / happe shal somme
Samuel shal sle hym / and sauel shal be y-blamed
And dauid shal be ydyademed / and a-daunte alle oure enemyes
And o cristene kyng / kepe vs echone
Shal no mede be maister / neuere-more aftur
Ac loue and lownesse and lewete to-gyderes
Tho shal be maistres on molde / trewe men to helpe
And ho-so taketh aȝeyn treuthe / or transuerseth aȝeyns resoun
Lewete shal do hym lawe / and no lyf elles
Shal no seruaunt for seruicie · / werie {no} a selk houe
Ne no pelure in his paueloun T / for pledyng at þe barre
Muchel is thorw mede / mony tymes y-soffred
And letteth the lawe / thorw here large ȝeftes
As kynde loue shal come ȝut / and Consience to-gyderes
And maky of lawe laborer / suche loue shal aryse
And such pees among þe peple / and aparfit / a parfit trewthe
That iewes shal wene in here wit / & wexen so glade
That here kyng be ycome / fro þe Court of heuene
The which moises or messie / þat men ben so trewe
For alle þat bereth baslard / briht swerd oþer launce
Ax oþer hachet / or eny kyne wypne
Shal be demed to þe deth / but yf he do hit smythye
In-to sykel or in-to sythe / to shar oþer to coltur
¶ Conflabunt gladios suos in vomeres & lancias in falces
Vche man to pley with aplogh / a plogh / apikois / a pikois oþer a spade
Spynne oþer speke of god / and spille no tyme
Prestes and parsones placebo / and dirige
Here sauter and here seuene phalmes / p[s]almes for alle synful preyen
Haukyng or huntyng / yf eny of hem hit vse
Shal lese þerfore his lyflode / and his lyf par-auntur
Shal nother kyng ne knyght / Constable ne Mayre
Ouerkarke þe comune / ne to þe Court sompne
Ne potte men in panele / ne do men plihte here treuthe
But aftur þe dede þat is y-do / the doom shal recorde
Mercy or no mercy / as most trewe acorden
And þat worth trewe tonge / atydy / a tydy man þat tened me neuere
Batailes sholle neuere eft be / ne man bere eg-toel
And yf eny smyth smethen hit / be smyte þer-with to dethe
¶ Non leuabit gens contra gentem gladium nec excercebuntur / ex[er]cebuntur T vltra ad prelium
Ac ar this fortune falle / fynde me shal the worste
Be sixe {s}gonnes P in a ship / and half a shef of Arwes
And saresines for þat syhte / shal syng Credo in spiritum sanctum
For Machameth and mede / and mishap þat tyme
¶ Quia melius est bonum nomen / quam diuicie multe
As wroth as wynd / wax mede þer-aftur
Loo what salamon sayth quod she / in sapiense in þe bible
That ȝeueth ȝeftes taketh ȝeme / the victorie a LX wynneth
And muche worschipe ther-with / as holy writ telleth
¶ Honorem adquiret / qui dat munera
I · leue the lady quod Consience / for þat latyn is trewe
Thow art lyk alady / a lady þat alessoun / a lessoun radde
Was omnia probate / þat plesede here herte
That lef was no lengur / and at þe leues ende
Ac hadde she loked in þe luft half / and þe lef turned
A LX sholde haue yfonde folwynge fele wordes aftur
So ho-so techeth sapience / fynde he shal foloweth
A ful teneful tyxst / to hem þat taketh mede
The whiche þat hatte as y haue rad / an oþer þat can rede
Animam aufert Accipiencium
Worschipe a LX wynneth þat wol ȝeue mede
Ac he þat resceyueth here or recheth here is rescetour of Gyle
de
{..}
passus
// Hyer prayde mede
for veteyleres &
oþere mo to þe mair
for veteyleres &
oþere mo to þe mair
de
passus
de
passus
de
passus
de
/ C
passus
de
passus
Regum
// He þat sayth trewþe
schal be schent
schal be schent
corrigitur C
de
passus
// Hyer was mede
conforted
conforted
visione
// notate ȝe lewed
auanced
auanced
3us
visione
· Nota ·
corrigitur
· 3us ·
// Hyer was concience
cald to haue weddid
mede
cald to haue weddid
mede
visione
// notate prestes gurles
· 3us ·
// Hyer muornede mede
for concience acusede here
for concience acusede here
visione
· 3us ·
// Hyere holdeth þe
kyng wyt mede
kyng wyt mede
visione
notate presbiteri
3us
visione
3us
And ho-so taketh aȝeyn treuthe
visione
// lo how iewe sc{.}hull
conuerte for ioye
conuerte for ioye
¶ C prophecia petri
4us
3 C
3