fol. 110r (cont.)
What þe mounteyn bymeneth & eke þeo deope dale
And eke þe feild ful of folk y schal ȝow faire schewe
Alouely / A louely lady of leer in lynnen yclothed
Com doun from þat clyf & called me faire
And saide sone slepestow seo þou þis people
how bisy þey beon alle aboute þe mase
þeo moste partye of þis people þat passeth here in eorþe
han þey worsciped in þis world þey kepe non bettre
Of oþir heouene þen her hold þey no tale
y was aferd of here face þagh heo faire weore
And saide mercy ma-dame what is þis to mene
þe tour on þe tofte quod heo trouthe is þer-ynne
And wolde þat ȝe wroghte as his word techeth
For he is fadir of feith & formed ȝou alle
Bothe wiþ fel & with face & ȝaf ow fyue wittes
For to worschipe him þer-with whiles ȝe beon here
And þerfore he byhyghte þe eorþe to helpe ȝou vchone
Of wollen of lynnen to liflode at nede
In mesurable maner tomake / to make ȝou atese / at ese
And comaunded of his curtesye in comune threo thynges
Arn non nedful bote þo & nempnen heom ythenke / y thenke
And rykene by reson reherce þeT heom after
þe furste is clothyngT þat from colde ȝou kepeth
þat oþir is mete at meel for meseise of þy-seoluen
And drynk when þe thyrstes & do not oute of reson
þat ȝe þe worse worthenT when ȝe worche scholde
For Loth in his lif dayes for likyng of drynke
Deode by his doghtres þat þeo deouel liked
Delited him in drynken as þe deouel wolde
And lecherie hym laghte & lay by heom bothe
And al he wited hit wyn þeo worchyng of þe dede
Drede delitable drynke & þou schalt do þe bettre
Mesure is medecyne þagh þou muchel ȝerne
Al is not good to þe gotte þat þe gost axeth
Neo lif fode to þe likam þat leof is to þe soule
Leue not þy likam for aliere / a liere hym techeth
þat is ::::::echede world þe to by-traye
For :::::: & þy flesch foleweth to-gedre
And þa::::::tT þy soule & sent hit in þyn heorte
And f::: scholdest beo war y wisse þe þe beste / þe besteT
Amadame / A madame mercy quod I me liketh wel oure wordes
Bote þe money of þys molde þat men so faste holdeth
fol. 110v
Tel me to whom þat tresour apendeth
Go to þe gospel quod heo þat god him-seolf saide
þo þeo people him apposed with apeny / a peny in þe temple
ȝef þey scholde worscipe þerwith {kayser}cesar þe kynge
And god asked of heom of wham spak þe lettre
And vnto whomT þe ymage is lykeT þat þer-ynne stondeth
Cesar þey saiden we seon hit wel vchone
Reddite Cesari quod god þat to cesar falleth
Et que sunt dei deo ・ or elles don ȝe eole / eo[uel]
For rightfulliche reson schulde reule ȝou alle
And kynde wit beo warden oure weolþe to wayte
And tutour of ȝoure tresour to take hit ȝou in tyme
For hosbondry & he holdeth boþe to-gedre
þan yfrayned / y frayned hire faire for him þat hire formed
þeo dongoun in þe dale þat dredful is of sight
what hit myghte mene þat ȝe me wolde telle
heo saide segge sikerly þeo soþe for to sayT
þat is þe castel of kare for whoso cometh þer-ynne
May banne þat he bore was to body or to soule
þer-yn woneþ awyȝe / a wyȝe þat wrong is yhoten
fader of falsede he fond hit his-seoluen
Adam & Eue he egged heom to to ille
And conseilede kaym to kullen his owne broþer
Iudas he Iaped with Iewen seoluer
And hasted him on an elrne to hongen him aftre
he is letter of loue laccheth heom alle
þat trusteth on his tresour by-trayed arn sannest
þan had y wondur in my wit what wommon hit weore
þat suche wise wordes of holy wryt schewed
And coniured hire on cristes name to telle me hire name
And what heo witerly was þat wised me so faire
Owgh segg heo saide þou aghtest me to knowe T
For ycham / ych am holy chirche & cheosed þe ones
And vndurfong þe furst & þy feith taghte
þou broghtest me borewes my biddyng to worche
And to loue lelly meT whil þy lif dureth
þan y kneoled on my kneoes & cryed hire of grace
Praied hire pitousely to pray for my synnes
{A} and eke kenne me knowlech on crist to byleue
þat y myght worchen his wille þat to mon me made
Teche me no tresour bot tel me þat ilke
how Imyghte / I myght my soule saue fro synnes in þis eorþe
þan þat louely lady wiþ laghynge chereT
Saide when alle tresours arn tryed treuthe is þe beste
ydo / y do hit on deus caritas to deme þe sothe
hit is als dereworth adrywery / a drywery as deore god him-seoluen
For whos is treowe of his tonge & teleth non oþer
Doþ þe werkes þer-with wilneþ no mon eouel
he is agod / a god by þe gospel on ground & on lofte
And eke like to oure lord by seynt lukes wordes
þe clerkes þat knowen hit schulde kenne hit abowte
fol. 111r
For cristene & vncristene cleymeth hit vchone
kynges & knyȝtis schulde kepe hit by resoun
And riden & rapendoun / rapen doun in realmes aboute
Alle toillors and trespasours & eke tye heom faste
Til treuthe had termyned heore trespas to þe eynde
For {d} dauid in his dayes dubbed mony knyghtis
DeodeT heom swere on heore sweord trouþe euer to serue
þat is þe profession propurlich þat to aknyȝt / a knyȝt apenteth
And not to faste on friday in foure skore wynter
No neuer leue heom for loue no lacchyng of ȝiftes T
Bote holde wiþ hire & wiþ him þat asketh þe trouthe
And whos passeth þat poynt is apostata in his order
For crist creatour cried and kraftely madeT
Of aungles and archangles ordres nyne
And ȝef heom myght in his maieste þe murier hem þouȝ::::T
Taghte heom þorgh þe trinite þe trouþe to knowe
To beo buxsum to his byddyng he bad heom not elles
And þe lyght lucifer illumyned ouer heom alleT
Til he brak buxsumnes þoruȝ bost of him-seoluen
þen feol he wiþ his felaus & feondes bycomen
Out of heouen in-to helle hobleden þey faste
Summe in eyr somme in eorþe somme in helle deepe
Bote lucifer lowest lyth of heom alle
For his pompe & his pruyde his pyne haþ non eynde
And alle þat worchen with wronge wenden þey schulen
After heore deth day & dwelle with þat schrewe
And þey þat worchen þe word þat holy chirche techeth
And eynden as y er saide in parfite werkes
Mown beo siker þat heore soules schule wende to heouen
þer treuthe is in trynite to treonen heom alle
For y say as I er saide by sight of þeose tixtes
when alle tresours arn tryed treuthe is þe beste
Lerith hit þus lewedemen / lewede men for lered hit knoweth
þat treuthe is þe tresour triedest on eorþe
ȝet haue I no kynde knowyng quod I bote kenne me bet...
By what kraft in my cors Imay / I may hit ay {fynde} knowe
þou dotest daffe quod heo dulle arn thy wittes
hit is akynde / a kynde knowyng þe kennes in þyn heorte
For to loue þy lord leouer þan þy-seolue
No dedly synne to do dye raþer þou schuldest
þis Itrowe / I trowe beo treuthe who-so treuly hit techeth
Loke þou soffre him to sayn & sethen lere hit after
For þus witnesseth his word wryten in þe bible
þat loue is þe leouest thyng þat oure lord askith
And is plante of pes proche / preche hit in þy harpe
þer þou art mury at mete ȝef men bidde þe ȝedde
For kynde knowyng in heorte keneth þe þeo sothe
And ful to þe fadir þat formed vs alle
Loked on vs wiþ loue & let his sone dye
Meokelich for oure mysdedis to amenden vs alle
And wolde he heom no woo þat wroght him þat pyne
Bote meokelich wiþ mouthe mercy he by-souȝte
fol. 111v
To haue pite of þat people þat pyned him to dethe
Here mightow seo ensaumples of himself al-one
þat he þat was myghtful & meke mercy gan graunte
To heom þat honged him on cros & his heorte þurled
For-þy yrede / y rede þe riche haue reuthe on þe pore
þagh ȝe beon myghty to mote beþ meke of oure werkis
For þe same mesure þat ȝe meten amys oþir elles
ȝe schule beo weyed þer-wiþ when ȝe wenden hennes
For þagh ȝe beon treowe of oure {wordus} tongus & trewely wynnenC
And eke as chast as achild / a childþat in cradel crieth
Bote ȝef ȝe louen lelly & releue þe meseise & þe pore
wiþ suche good as god ȝou sent godliche parte
ȝe haueþ no more merite in messes no in houres
þan malkyn of hire maydenhod þat nomon / no mon desirith
For Iames þe gentil IuggethT in his pistle
þat feith wiþ-oute feet is febler þen a fache
And as ded as adore-naill / a dore-naill bote ȝef þe dede folewe
Chastite wiþ-oute charite schal schryned beonN in helle
For hit is lewedore þen alaumpe / a laumpe þat no light is ynne
Mony chapeleyns beon chast bote charite is awey charred
Arn non hardur holders þen þey when þey beon auaunsed
vnkynde to heore kyn and eke to alle oþir
Chewen heore charite & chiden after more
Suche chastite wiþ-oute charite cheue schal ille
ȝe creatours þat arn contynent & clene of oure bodies
ȝe beon combred wiþ couetise creopen out ȝe ne konne
So harde haþ auarice happed ȝou to-gedre
þat is no trouthe of þe trinite bote atrichery / a trichery of helle
Aleornyng / A leornyng to lewed men þeo latter to dele
For þeose arn wordis wryten in þe gospel
Date & dabitur vobis : for y dele ȝou alle
þat is þe lesson of loue þat leteth out my grace
To comforte þe karful þat arn combred in synne
Loue is þe leouest thyng þat oure lord asketh
And eke þe greithe gate þat goth vp in-to heouen
For-þy y say as I er saide by sight of þe tixtes
when alle tresours arn tried treuthe is þe beste
Now hauy / hau / haue y tolde þe what treuthe is þat no tresour is bettre
Imay / I may no lengor lenge now oure lord þe mote loke
cc
cc
cc
cc
∴
cc
cc
cc
cc