ȝet kneoled y on my kneoes & cried hire of grace
And saide mercy madame for mary loue of heouen
That bar þat blifful / blisful barn þat boghte vs on rode
ken me by sum kraft to kenne þeo false
Loke on þy lifte half loT wher ho stondeth
Bothe fals & fauuel & his feres manye
yloked / y loked on my lifte half als þat lady me taghte
And was war of awommon / a wommon wondurly clothed
ypurfiled wiþ peolour þe puyrest apon eorthe
Crouned wiþ acoroune / a coroune þe kyng hath non bettre
Alle hire fyue fyngres were fetred wiþ rynges
Of riche rubies wel rede and oþir feole stonesT
In red scarlet robed and wiþ gold rebended
þer is no quoyntre qwene þat quyk is on lyue
what is þis wommon quod I so wortheliche atired
þat is mede þe maiden hath {{Inored}} noyed fol ofte
And lakked lodlich my lore to lordes aboute
heo is more pryue wiþ þe pope þan y am my-seolue
And so schulde heo not beon for wrong was hire fadir
Oute of wrong heo wax to wrotherhele manye
I oght to beo herre þan heo I com of abettre / a bettre
To-morw woth / wo[r]th mariage mad of mede & of false
Fawuel wiþ fair speche hath forged heom to-gedre
Gyle hath by-gon here so heo graunteth al his wille
To-morwe worþ þe mariage mad as I er of tolde
þer may þou witen ȝef þou wolt wich þey beon alle
þat longon to þe lordschipe þe lasse & þe more
knowe heom þer ȝef þou kanst & kep þe from heom euere
ȝef þou wilnest to wone wiþ treuthe in his blisse
Imay / I may no lengor lette bote lord y þe by-kenne
And for any couetise bycom agoode / a goode mon yrede / y rede
Al þe ryche retynaunce þat regneth with false
weore boden to þis bridale on bo twoþe / two þe sydes
Sir Symony was sone sent to sele þeo chartres
To ȝeue al his lorschipes with londes & leodesT
And feoffe mede þer-myd in mariage for euer
þer nas halle no hous to {:::}herberw::: þeo people
þat iche feild no was ful of folk al aboute
In myddes amounteyn / a mounteyn at mydmorw tyme
was pight vp apaueloun / a paueloun proud for þe nones
And ten thousand of tentes teilded by þer sides
For sisors for sompnors for seollers & buyers
For lewed for lerid for laborers of kraftes
Alle to witnesse wel what þe writ wolde
In what maner þat mede in mariage was feoffed
To beo fastned with false þe fyn is arered
þan fauuel fette forth & to false taketh
In forward þat falsede schal fynde hire for euer
And beo boun at his bode his byddyng to fulfulle
At bedde & at borde buxum and hende
And as sir symony wol segge to schewen his wille
Symony & Cyuyle stondeth forth bothe
And vnfolden þe Feoffement þat fals hath yformed
And þus bygynnen þeose gomes & greden wel hyȝe
witen & witnessen þat wonen apon eorthe
þat I fauuel Feffe falsenesse to mede
To beo present in pryde for pore or for riche
wiþ þe erldam of enuye euer-more to laste
With al þe lordschipe of lecherie in leynthe & in brede
wiþ þe kyndam of couetise y coroune heom to-gedre
And al þe yle of vsurie and auarice alse
Glotony & grete othes y graunte heom to-gedre
wiþ alle delites of lustes þe deouel forto / for to serue
In al þeo seignourry of slouthe y sese heom yfere
wiþal / wiþ al þe apurtinaunce of penaunce into þe pyne of helle
ȝeildyng for þeose thyngis at on ȝeres eynde
heore soules to satanas to sogerne in sorwe
þer to wone wiþ þat wyght whil god is in heouen
In witnes of wich thyng wrong was þe furste
And piers apardoner / a pardoner paulynes doctor
Bette þe beodil of Bokynham-schire
Randulf þe reue of Roteland fokene / sokene
Maclum þe meoleward & mony mo othir
In þe date of þe {::::} deouel þe dede was a-seelid
By sight of sir symonye vndur signes of noteryes
þen teoned him teologie when he þis tale herde
And saide to cyuyle now sorw on þy bokes
Suche weddyng to worche to wrathe with treuthe
And er þis beo wroght wo þe by-tide
For mede is moillour of mendes engendred
God graunteth to ȝeue mede menskelich to treuthe
And þou hast ȝeuen hire to agylour / a gylour now god ȝef þe sorwe
þe tixte tellith not so treuthe wot{...}þe sothe
Dignus est operarius mercede sua &cetera
worthy is þe werkman his mede for to haue
And þou hast fastened hire wiþ fals fy on þy lawe
For al by lesynges þou lyuest & lechores werkis
Simony & þy-seolf schenden holy chirche
hit is noted ȝe & þe notories neyȝen þeo people
ȝe schulen abugge bothe by god þat me made
For wel ȝe witen weornardes bote ȝef ow wit wante
þat fals is afaitour / a faitour & feynteles of werkis
And abastard / a bastard y-born of bealsabubbes kynde
And mede is amaiden / a maiden amoiller / a moiller of goode
heo might kusse þe kyng for cosyn y trowe
worche ȝe by wisdam & wayfe a-way wronge
Ledith hire to london þer þe lawe is handled
Lokith ȝef lealte wol like þey lengen to-gedre
And þagh Iustises iuggen hire to þat fals ioyne
ȝet beo war of þat weddyng for witty is treuthe
For conciense is of his coynseil & knoweth ow vchone
And ȝef he fynde ȝou in defaute & with fals holde
hit schal sitte ȝoure soules ful soure at þe laste
herto asentith cyuyle bote symony no wolde
Til he had seoluer for his seles & signes of notoriesT
þan fet forth fauuel florens ful feole
And bad gile go gyfe gold to vche gome aboute
And namelich to notories þat þer non failed
And feoffe false witnes wiþ floreyns feole ypraye / y praye
For he may mede amaistrien & maken at his wille
Bote þo þis gold was ygyue graunt mercy þey gradden
To fals & to fawuel for heore faire ȝeftes
And þenne fals from kare konne þey faste comforteT
And saide certes insame / in same sese schal we neuer
Til mede beo þy wedded wif þorgh wit of vs alle
For we han mede amaistred þorgh oure meory speche
þat heo graunteth with vs to gon with agoode / a goode wille
To london to loken ȝef þe lawe wolde
Iugge ȝou ioyntly in ioye for euer
þan was fals fayn & fauuel wel blithe
And lette sompne alle segges in schires aboute
þat vche beorne beo boun begger & othir
To wende with heom to westmunster to witnesse þis dede
þan karkeden heo for caples to karien heom þydre
And fauuel fet forth foles of þe beste
Sette mede on a schirref schoȝed al neowe
And fals on a sysour þat softely trotted
And fauuel apon feyr speche fetosly atired
þo hadde notories none annuyed sore þey weoren
And eke þat symony & cyuyle schulen on heore foet gang...
þen swor cyuyle & said by þe rode
þat sompnors schule beo sadeled & serue heom vchone
And let apparaylen þis prouysours in palfreyen wise
Sire symony him-seolf schal sitte on heore bakkes
And alle denes & sudenes as destreris heom dighte
For þey schule bere þe bischopes & brynge heom to reste
Paulyns people for pleyntis in þe constorie
Schule serue my-seolf þat cyuyle am cleped
& let cartsadlen þe commyssary oure kart schal he drawe
And fet al oure vitayles of fornycatoures
And makith of lyer along / a long carte to leden alle oþer
As Freres & faitours þat on heore feet renneth
Fals & fauuel faren forth on foles yfere
And mede in þe myddis & al þis meyne after
Ihaue / I haue ne tyme to telle of þe tayl þat heom foleweth
Of mony maner of men þat on þis molde libbeth
Bote gile was for-goer & gyed heom alle
Sothnes say wel and bote litel
Bote prikith forth on his palfray & passeth heom alle
And com to þe kyngis court & concience tolde
And consience to þe kyng carped hit aftur
Or fauuel þat flaterer or any of his feres
y wolde beo wroken of þo wrecches þat worchen so ille
Schal neuer mon of þis molde meyntene þe leste
Bot right as þe lawe lokith let falle on heom alle
And comaundith aconstable / a constable þat com atte furste
To atache þe tirraundes as tid as he myghte
Fetreth falnes faste he saith for any kyns ȝeft...
And gurdeth of gyles hed let him no forthir
And bryngeth mede to me maugrey heom alle
Symoy / Symo[n]y & cyuyleysende / cyuyle y sende heom to warne
þat holy chirche for heom worth harmed for euer
and ȝef þouT lacche lyere let him not askape
Er he beo put on þe pillary for praier or for poundes
Dred at þe dore stod & þat deone herde
And wightly went on his wayT to warne þe false
And bad him fleo for fere & his feres alle
þanne falsnes for fere {f} to þeo freres fledde
And gile doth him to go agast lest he dye
Bote marchaunis / marchaun[t]is metten him with & maden him to abide
Apparailden him as a prentise þe people to deseyue
Lyer launced lightly & leop awey þennes
Lorkyng þorgh lanes lodly tologged of mouthe
he was nowher welcome for his mony tales
Bote ouer-al foule yhunted & hote to tresse
Til Pardoners haden pite & pulleden him to house
wosschen him & wypen him & wryen wiþ clothes
And senden him on asonday / a sonday wiþ seeles to chirche
And gaf pardon for penyes penymel aboute
þen lowreden leches & lettres þey senden
þat he woldeT wone wiþ heom watres to loke
spicers speken with him to aspyen heore ware
For he couthe on heore kraft & kneow mony gommes
Bote mynstrals & messangers metten wiþ him ones
And when he had dwelled wiþ heom on half ȝere
Freres wiþ heore fair speche fetten him þennes
For knowyng of corners þay coped him as abrother / a brother
Bote he has leue to lepen out as ofte as him likith
And is welcome when he cometh & is wiþ heom ofte
with fees of flatery þat faile wol heom neuerT
For kyng no for knyght corouned vndur heouenT
Alle fledden for fere & flowen in-to huyrnes
Saue mede þe maiden no mo durste abyden
Bote treowely to telle heo trembled for fere
And eke wept & wrong hire hondes when heo was atached
//
cc
cc
cc
cc
cc //
cc
cc
:::::pes
cc
cc