Passus secundus de visione vbi prius
and saide mercy ma-dame for maries loue of heuene
that bar þat blessid barn þat boughte vs on þe Rode
kenne me by sum craft to knowe þe false
Loke vpon thi lifte half & lo wher he stondeth
Fals & Fauel & Fykel tunge lyare
and many mo of her maners of men and of wymmen
y loked vpon my lifte half as þe lady me taught
and say a womman as hit were wonder richely clothid
she was purfiled in pelure noen purer in erthe
On alle her fyue Fyngres ful richely ringed
and þere-onne rode rubies & othir riche stones
her robyng was ricchere þen y rede couthe
for to telle of hire atir no tome haue y nouthe
her aray wiþ her richesse rauyshed myn herte
whos wyf she were & what was hir name
Leue lady quod y tho layne not yf ȝe knowen
þat is medeT þat haþ noyed me ful ofte
and ylowe on my lemman þat leaute is hoton
and lackeþ him to lordes þat lawes haue to kepe
yn kynges court in comyn court contrarieth my teching
yn þe popes paleys she is priue as my-selue
ac sothnes wolde not so for she is a bastard
Oen fauel was hir fader þat hath a fikel tonge
and selde soth saith but if sheT souche gyle
and mede is manered after him as men of kynde karpeth
CTalis pater talis filia & cetera .
For shal neuere brere bere · berye as a vyne
Ne on a croked kene þorn kynde fige wexeC
CBona arbor bonum fructum facit & cetera .
I oughte be herroreLX þen she y come of a bettere
þe fader þat me forth broughte filius dei he hotith
þat neuere lyed ne laughed al his lif tyme
and y am his dere doughtur duches of heuene
þat what manP me louyeþ & my wille foloweþ
Shal haue grace to god ynowe & a goed ende
And what mede louethT my lif dar y wedde
sheT shal lese for hire loue a lippe of trewe charite
þat helpeth man most to heuene mede most letteþ
y do hit vpon dauith þe doumb wil not lye
CDomine quis habitabit in tabernaculo tuo & cetera
and dauiþ vndoth him-self as þe dom sheweþ
CEt super innocentem munera non accepit
To-morowe worth mede y-maried to a mased wrecche
To on fals faithles of þe fendes kynne
Fauel þorgh his flateryng speche hath mede foule enchauntid
and al is lyares ledyng þis lady is thus yweddid
Soffre & þow shalt see suche as be apayde
þat mede is þus y-maried to-morowe þow shalt aspie
knowe hem wel if þow canst & kepe þe from hem alle
þat loueth wel her lordshipe lasse othir more
Lacke hem not bot late hem worthe to lewte be Iustice
and haue power to punyshe hem þen put forth þi resoun
For y bikenne þe crist quod she & his clene moder
and acombre þow neuere þi concience for coueitise of mede
¶ Thus lefte me þat lady liggyng as a-slepe
and say how mede was maried metyng as hitP were
al þe riche retenaunce þat roteth hem on fals leuyng
wern bedon to þe bridale · on bothe half þe contree
Of many manere of men þat of med kyn wern
Of knyghtes of clerkes · of othir comune pepleC
as sisoures sompnoures shirreues & her clerkes
Bedels & baylyues & brokoures of chaffares
Forgoeres & vitaileres & voketes of þe arches
y kan not rekene þe route þat ran abowte mede
Ac symonye & syuile & sisoures of courtesC
wern most priue with mede of any men me þoughte
ac Fauel was þe firste þat fet hir out of hir chaumbreTand a broker
and a broker brought hire forth to be ioyned wiþ fals
Whan symonye & syuile y-say þair aither wille
þen assentid þatT hit were so at sulueres prayeres
þenne leep lyare forth & saide lo here a chartere
þat gyle hath gyue to falsnesse & grauntid also mede
and prayeth syuile to see hit & symonye to rede hit
þenne symonye & syuile · stondeþ forth bothe
and vnfoldeth þat feffement þat fals haþ y-maked
þenne saide symonie þat siuyle hit herde
Al þat loueth & bileueth vpon lykyng of mede
Leueþ hit lelly this worldC her laste mede
þat foloweth falsnesse Fauuel & lyare
Mede & suche men þat after mede wayton
CSciant presentes & futuri & cetera
Weton & wissonT þat wonyon on erthe
þat mede is maried more for her richesse
þen for holynesse or hendenesse oþer for hye kynne
Falsnesse is fayn of hire for he woet hir riche
and fauel þat haþ a fals speche feffe yT hem by þis lettre
To be princes yn pruyde & pouerte to dispise
To bakbite & to boste & bere fals witnesse
To scorne & to scolde & sclaunder to make
Vnboxum & bolde to breke þe ten hestes
þe Erldom of enuye & ire he hem graunteþ
wiþ chastel of chest & chatering out of resoun
þe counte of coueytise & consentiþ to hem boþe
with vsurie & auarice & oþer fals sleygthes
yn bargaynes & brocages wiþ þe borow of thefte
wiþ al þe lordship of leccherie yn lengthe & in brede
as yn werkes & wordes & in waytyng of þese
yn woldes & in wisshinges & wiþ idel þoughtes
þere þat wille wolde & were manshipeT faileth
Glotonye a gyueth hem & gret othis to-giders
Al day to drinke at diuers tauernes
And fastingdaies to frete bi-fore none & drinke
with spiserie speke ydelnesse in vayn speche & spende
and shewe forth such felawship til þei ben falle in slewþe
and awake with wanhope & no wille to amende
For he leueth be lost when he his lif letith
þis lif to folowe falsnesse & folk þat on him leueth
after her deþ þei dwellon ay with-outon ende
yn lordshipe with lucifer as þis lettre sheweth
with alle þe appurtenaunces of purgatorie & þe peyn of helle
yn witnes of þis þing wrong was þe firste
But þe bedel of bannebury sokene
Raynold þe Reue · & Redyngges manye
Munde þe Mullere & many mo oþere
In þe date of þe deuel · þis dede is asseled
By sight of sir symonye & syuiles leue
¶ þenne tenyd him teologie when he þes tales herde
and saide to symonye now sorow mot ȝeT haue
Such a wedding to worche þat truthe myght wrathe
and ar þis weddyng be wrought wo to alle ȝour consail
For mede is moilere Amendes was her dame
Alle-þough fals wer hir fader & fikeltonge hir belsire
Amendes was hire moder by trewe mennes lokyng
And with-oute her moder amendes · mede may not be weddid
For truthe plight her truthe to wedde on of her doughtres
and god grauntid hit were so so no gyle were
and þow hast gyue as gile taughte now god ȝiue þe sorowe
For syuyle & þi-selue selde fulfilleth
þat god wolde were ydo with som deseit
y teologie þe tixt knowe · yf trewe dom witnesseth
þat laurence þe leuyte þat lay on þe gredyre
Loked vp to oure Lord and alowd saide
God of þi grace heuen gates opene
For y man of þi mercy mede haue deserued
and sithe man may on heye mede of god deserue
hit semeth soþly right so on erthe
þat mede may be weddid to no man but to truthe
and þow hast feffid hire with fals fy on such lawe
byT lesinges ȝe lacchon largelich mede
þat ȝe nymeth & þe notaries to nought gynneþ bringe
¶C holy churche & charite ȝe cheweth & deuowreth
ȝe sholn abiggon hit boþe but ȝe amende þe sonnere
For wel ȝe wite wernardes · as holy writ telleth
þat fals is faithles þe feend is his sire
and as a bastard ybore byȝete was he neuere
and mede is moylere & mayden of gode
she myghte kisse þe kyng as for his kynnes-womman
For-þi worcheþ by wisdom & by wit also
and ledeth hire to Londone þere lawe may declare
whethir matrimoyne may be of mede & of falshede
and þough iustices enyoyne hem þorgh iuroures oþes
ȝut beth ywar of þe weddyng for witty is truthe
and conscience is of his councel · & knoweth hem alle
and yf he fynde ȝou in defaut & wiþ þe fals holde
hit shal bisitteT ȝour soules ful sore at þe laste
¶ here-to assentith syuyle ac symonye ne wolde
Til he hadde siluer for þe seel & signes of notaries
Tho fette fauel forth floreynes ynowe
and bad gyle to gyue gold al aboute
and manlich þe notories þat none of hem faile
and feffe fals witnes with floreyns ynowe
For he may mede amaistrie with his mery speche
Tho þis gold was y-gyue gret was þe thonkyng
þat fauel & fals hadde for her faire ȝiftes
and comen forth curteisly to counforte þe false
and sayde softly sesse shal we neuere
Til mede be þi weddid wif wol we not stinte
For we han mede amaystred þorgh our mery tonge
þat she grauntiþ to goo wiþ a goed wille
To Londoun & loke yf lawe wol iugge
To be maried for mone mede haþ assentid
¶ þenne was fauel fayn & falsnesse blithe
and leton somun · C alle his segges in vch syde aboute
and bad hem alle be bowen beggeres & othir
To wende wiþ him to westmynster his wedding to honoure
Ac hakeneyes hadde þei none but hakeneyes to huyre
þenne gan gyle to borown · hors of many grete maistres
and shop þat a shirreue sholde bere mede
Softlich in saunbure from syse to syse
and fals & fauel fecche forth sysoures
and ride on hem & on reues right faste by mede
¶ Symonye & syuile seidon & sworon
þat prestes & prouysoures sholdon prelates serue
and y my-self syuile & symonye my felawe
wol ride vpon rectours & riche men deuoutoures
and notaries on persounes · þat permuton ofte
and on pore prouisoures & appeles in þe arches
Somnoures & sodenes supersedeas takeþ
On hem þat loueth leccherie lippeþ vp & rideþ
On secutoures & such men comeþ softly after
and lat cope þe comissarie our cart shal he drawe
and fecchon oure vitailes & fornycatoures
and maketh of lyare a lang cart to lede alle þes oþere
as Fobbes & faytoures þat on here feet rennen
Cþenne fals & fauel Ride forth to-gideres
and mede yn the myddes & alle þes men after
y haue no tome to telle þe tayl þat hem folowed
Of many manere men for mede sake is send after
ac gyle was forgoere to gyon al this peple
Forto wisse hem þe way & with mede abyde
¶ Soþnesse say hem alle & seyde but litel
and priked forth on pacience & passed hem alle
and cam to þe kynges Court & Conscience tolde
and conscience · to þe kyng carped hit after
Now by crist quod þe kyng & y cacche myghte
Fals or fauel or her felawe lyare
y wolde be awreke on tho wrecches & on her werkes alle
and do hem hange by the hals · & alle þat hem maynteneþ
shal neuere man on þis molde maynprise þe leste
But Right as þe lawe loketh lat falle on hem alle
and comaundid a Constable þat cam at þe firste
Go attache þo tyrauntes For any tresour y hote
Lat fetere falsnesse faste for any kynne ȝiftes
and bringeth mede to me maugre hem alle
and yf ȝe lacchon lyare lat him not askape
ar he be put on þe pylory for any preyer ych hote
drede stoed at þe dore · and þe dene herde
what was þe kynges wille & wyghtlich he wente
and bad falsnesse to fle & his feres alle
CFalsnesse for feer þo fley to þe freres
and gyle doþ him to gone agast forto deye
ac marchauntes mette wiþ him & made him a-byde
and by-shitton him in her shoppes to shewon her ware
lightlich lyare leep awey þenne
Lurkyng þorgh lanes to-loggid of manye
he was nowgh-wher welcome for his many tales
Oueral yhoutid & yhote trusse
¶ Til pardoneres haddon pite on him & puldon him yn-to house
þey wosshon him & wipton him · & woundon him yn cloutes
and senton him on sonendayes with seles to chirche
and ȝaf pardown for pens pound-mele aboute
þenne loured leches & lettres þey senton
þat lyare sholde wonye wiþ him watres to loke
Spiseres spekon to him to aspie her ware
For he can on her craft & knoweth many gommes
ac Mynstrals & Messangeres mette with lyare ones
and wythheldon him half-ȝeer & elleuen dayes
ac Freres þorgh Fair speche fetton him þennes
and for knowyng of comeres þey copedon him as a frere
ac he hath leue to lepe out as ofte as him liketh
and ys welcome when he comeþ & woneth wiþ hem ofte
Symonye & syuile senton to Rome
and putte hem þorgh appeles in þe popes grace
ac conscience to þe kyng accused hem boþe
and saide sire kyng by crist but clerkes amende
þi kyngdom þorgh coueytise wol out of kynde wende
and holy chirche þorgh hem worth harmed for euereT
alle Fledden for feer and flowon into hurnes
Saue mede þe mayde no mo durste abyde
ac trulich to telle she trembled for feer
and boþe wepte & wrong whan she was attached
Meede shalbe / shal be
maryed to
falsehod . /
maryed to
falsehod . /
Theyr Names þat
wer bydden to þe
Mariage . /
wer bydden to þe
Mariage . /
nota
the Kynred of
Meede . /
Meede . /
Meede rydeth to
London to be
advised by law
if she shall
marry fashod / fa[l]shod
London to be
advised by law
if she shall
marry fashod / fa[l]shod
lyar is pulde into
pardoners house
pardoners house
{ false & favell
fyckell tonge &
Lyar
fyckell tonge &
Lyar
þe Purpill whore
of Rome
Meede & Fauill
Antichrist
of Rome
Meede & Fauill
Antichrist
Meede or Reward
enemye to truth .
enemye to truth .
Meede a Basterd is
doughter to favell
doughter to favell
christs parable
in Mathewe
in Mathewe
maritagium prauum
cum feoffemento in
malo feodo de
peruersa tenuraN
cum feoffemento in
malo feodo de
peruersa tenuraN
trewth maketh
hast to þe kyngN
hast to þe kyngN
dreyde maketh þe
gyltye fleN
gyltye fleN
falshod flyeth to the freres
gyle is shut vppe in merchantes
shops.
shops.
dwelleth with
physycions
potycaryes
mystrelles / my[n]strelles
messengers
& is fetched into
the Freares .
physycions
potycaryes
mystrelles / my[n]strelles
messengers
& is fetched into
the Freares .
Turne