Passus tercius de Dobet
and ȝede forth ylik a lorel al my lif-tyme
til y wax weri of þe world & wilnede eft slepe
and lened me til lente & long tyme y slepte
Of gurles & of gloria laus gretlich me dremede
and how osanna by organ old folk songe
Oen semblable to þe samaritan & somdel to pers þe ploughman
Barfot on an asse bak boteles cam priking
with-owten spores othir spere · sharply he lokid
as ys þe kynde of a knyght þat cometh to be dobbed
To geton here gult spores · & galoches ycowped
¶ And thenne was faith in a fenestre & cried a fili dauid
as doth an heraud of armes when auntresLX comeþ to ioustes
Olde iewes of ierusalem · for ioye þei songon
Benedictus qui venit in nomine domini
þenne y frayned at faith what al fareT by-mente
and who sholde iouste in ierusalem Iesu he saide
and fecche þat þe feend claymeþ pers fruyt þe ploughman
ys pers in þis place quod y · & he preynte on me
Liberum dei arbitrium for loue hath vndertakeC
þat this Iesu of his gentirise shal iouste in pers armes
yn his helm & yn his haberioun humana natura
þat crist be not yknowe fromT consummatus deus
yn pers plates þe ploughman þis prikiar shal ride
for no dynt shal him dere as yn deitate patris
who shal iouste with Iesu quod y iewes or scribes
Nay quod faith bot þe feend · & fals doem to deye
deth saith he wol fordo & adown bringe
al þat liueth or loketh on lond or on watur
lif saith þat he lieth · & hath leid his lif to wedde
þat for al þat deth can do with-inne thre daies to walke
and fecche fro þe fend pers fruyt þe ploughman
And legge hit þere him liketh & lucifer bynde
and forbite adown & bringe · bale dethT for euere
O mors · mors tua ero morsus
þenne cam pilatus wiþ mich peple sedens pro tribunali
and al þe court cried crucifige loude
¶ Thenne potte him forth a pelour bifore pilatus & seide
þis Iesus of oure iewene temple · iaped & despised
To fordon hit on aday / a day & in thre daies after
Edifien hit newe · here he stand þat saide hit
and ȝut maken hit as mich in alle manere poyntes
Bothe as long & as large a-lofte & a-grounde
And as wyd as hit euere was this witnesson alle
Crucifige quod a cachepol he can of wicch-crafte
And bigan of grene thorn a garlond to make
and sette hit sore on his heued & sithe saide enuyeT
and nayled him with þre nayles naked vpon arode / a rode
and with a pole puysoun potton vp to his lippes
and bedon him drinke his deth to lette & his dayes lengþe
and saidon yf he sotil be him self now wil helpe
and yf þow be crist & crist godes sone
Come adown of this rode and þenne shal we leue
Þat lif þe loueth & wol not late þe dye
Pitouslich & pale as a prisoun þat deyeth
þe lord of lif & of light tho leyde his eyes to-giders
þe day for drede þerof with-drough · & derk bicam þe sonne
þe wal of þe temple to-clef euene in-to peses
þe hard roche alto roef / al to-roef & right derk nyght hit semed
þe erthe to-quasshed & quoek as hit quyk were
and tolde whi þe tempest so longe tyme duyrede
For a bitur bataile þe dede body saide
lif & deth in þis derknes · her oen fordoth anothir
ac shal no wight wete weturlich who shal haue þe maistry
ar a sonday aboute þe sonne rising & sank wiþ þat til erthe
somme saide he was godes sone þat so faire diede
CVere filius dei erat iste
and somme saide he can of sorcerie goed is þat we assaie
wher he be deed or not deed down ar he be taken
Two þeues þo tholedon deth þat tyme
vpon cros biside crist so was þe comune lawe
acachepolle / a cachepolle cam & craked ato her legges
and her armes aftir of euerych of þo two þeues
ac was no boye so bold godes body to touche
For he was knyght & kynges sone kynde forȝaf þat time
þat hadde no boy hardinesse him to touche in deying
¶ Ac þere cam forth ablind / a blind knyght with a kene spere grounde
highte longius as þe lettere tellith · & longe had lore sightT
By-fore pilatus & othir peple in þe place he houed
Maugrey his mony teth he was maed þat tyme
iouste with Iesus þe blinde iew longius
Bot þis blinde bacheler · þat baer him þorgh þe herte
Tho fel þe knyght vpon knees & cried Iesu mercy
aȝen my wille hit was quod he þat y ȝou wounde made
and sighed & saide sore hit me forthinketh
Of þe dede þat y haue do · y do me in ȝour grace
Bothe my land & my licam at ȝour likyng taketh hit
and haue mercy on me rightfol Iesus & right with þat he wepte
Calde hem caytyues acorsed for euere
For this a vil vylanye vengeaunce ȝou bifalle
þat made þe blinde bete þe dede þis was aboyes / a boyes dede
Corsede kaitiues knyghthoed was hit neuere
To bete abody / a body ybounde with eny bright wepene
The gree ȝut hath he geten for al his grete woundes
For ȝoure champioun Cheualler chef knyght of ȝou alle
For be þis derknes y-do · deth worth yvenkused
and ȝe lordeyns han lost for lif shal haue maistrieC
and ȝour fraunchise þat free was yfallon ys in-to þraldom
and alle ȝoure childron cherles cheue shal neuere
Ne haue lordship in londe ne londT tulye
and as barayne be & by vsure libbe
þe which is þe lif þat oure lord in alle lawe defendith
Now ben ȝour good dayes ydon as daniel of ȝou tellith
When crist þorgh cros ouercam ȝour kyngdom sholde to-cleue
Cum veniat sanctus sanctorum & cetera
What for feer of þis ferly & of þe fals iewes
y with-drow in þat derknesse to descendit ad inferna
and þere y say sothly secundum scripturas
out of þe west as hit were a wenche as me þoughte
cam walking in the way to helle-ward she loked
Mercy highte þat maide a milde thing with-alle
and a ful benyngne buyrde & buxom of speche
her sustur as hit semed cam · softly walkyng
Euene out of þe est & westward she þoughte
a comly creature & a clene truthe she highte
For þe virtue þat hir folowede a-feerd was she neuere
whenne þes maidones mette · mercy & truthe
aythir asked othir of þis grete wonder
of þe dyne & of þe derknes & how þe day rouedLX
and which a light & a leem · lay bifore helle
y haue ferly of this fare in faith saide truthe
and am wendinge to wite what þis wonder menith
haue no mervyle þerof quod mercy myrthe hit bitokeneth
a maide þat hotith marie & moder with-oute felyng
of any kynde creature conceyued þorgh speche
and grace of þe holi gost wax gret with childe
with-oute wommanne wem in-to þis world brought him
and þat my tale ys trewe take god to wynesse / wy[t]nesse
sithon þis barn was ybore ben thretty wyntur passed
died & deth þolede þis day aboute mydday
and þat is þe cause of þis eclyps · þat ouercloseþ now þe sone
yn menyng þat man shal fro mekenesT be drawe
þe while þis light & þis lowe shal lucifer ablende
Cþat was tynt þorgh tree tree shal hit wynne
and þat deth down broughte deth shal releue
þat þou tellest quod truthe ys bot atale / a tale of walterot
For adam & Eue · & abraham with othere
Patriarkes & prophetes þat in peyne liggon
leue hit neuere · þat ȝone light hem a-loft bringe
Ne haue hem out of helle hold þi tonge mercy
þat thing þat ones is in helle out cometh hit neuere
Iob þe perfit patriark repreueth þi sawes
CQuia in inferno nulla est redempcio
þenne mercy ful mildely mouthid this wordes
þorgh experiense quod he · y hope þei shal be saued
for venym fordoth venym þere fecche y · euidence
þat adam & Eue haue shollon bote
For of alle freting venymes þe vilest is þe scorpiounC
May no medicine amende þe place þere he styngeth
al þat deth & þe deuel dide formest to Eue
and right as þe gilour þorgh gile bigileþ man formest
So shal grace þat bigan al makon agoed / a goed ende
and bigile þe gilour · and þat is agoed / a goed sleithe
Cars vt artem falleret ·
Now soffre we saide truthe ysee / y see as me thinketh
out of þe nype of þe north not ful fer hennes
Right-wisnes come rennyng reste we þe while
For he woet more þan we · he was ar we bothe
þat is soth saide mercy & y see here bisouthe / bi southe
where cometh pees pleyinge in pacience clothid
loue hath coueitid hir longe leue y noen othir
Bot loue haue sent hir som lettere · what þis light bymeneth
þat ouerhoueth helle þus he vs shal telle
when pees in pacience yclothid aprochid hir aithir othir
Rightwisnes reuerensed pees in her riche clothing
and preyde pees to tellon hire to what place she sholde
and hire gaye garnementzT whom she glade þoughte
My wille ys to wende quod pees & welcome hem alle
þat many day myght y not see for merknes of synne
adam & Eue & othir mo in helle
Moyses & many mo · mercy shal synge
and y shal daunce þerto . do þow so sustur
For Iesus iousted wel ioye biginneth dawe
CAd vesperum demorabitur fletus & ad matutinum leticia
loue þat is my leman succh letteres he me sente
þat mercy my suster & y man-kynde shal saue
and þat god hath forgyue & grauntid to almankynde / al mankynde
Mercy my suster & me to maynprison hem alle
and þat crist hath conuertid þe kynde of rightwysnesse
yn-to pees & pite of his puyre grace
Loo here þe patent quod pees In pace inidipsum / in idipsum
and þat þis dede shal duyre dormiam & requiescam
Rauest þow quod rightwisnesse or þou art right dronke
leuest þow þat ȝone light vnloke myght helle
and saue mannes soule sustur wene hit neuere
þat Adam & Eue & al his issue
Sholdon deye down-right & dwellon in peine euere
yf þat þei touched þat tree & of þe fruyt eton
Adam aftirward aȝen his defense
Freet of þe fruyt · and forsoek as hit were
The loue of oure lord & his lore bothe
and folowede þat þe feend taughte & his flessh wille
aȝenes resoun y rightwisnes recorde hit with truthe
þat her peyne ys perpetuel no preyer may hem helpe
For hitT boteles bale · þei bite þat þei eton
and y shal preye quod pees · here peyne mote haue ende
and þat her wo in-to wele mot wende at þe laste
CFor hadde þei wist of no wo wele hadde þei not knowe
For no wight woet what wele is · þat neuere wo soffred
Ne what is hoet hungur þat hadde neuere defaut
who cowde kyndelich whit colour descreue
yf al þe world where / were whit · or swan whit alle thinges
yf no nyght ne were no man yleue / y leue
sholde wete weturly what day is to mene
Ne hadde god soffred of som othir þen him selue
he deddeT wist weturly wher deth wer sour or swete
For sholde neuere right rich man þat liueth in reste & hele
ywite what wo ys ne were þe deth of kynde
So god þat bigan al of his god wille
By-cam man of amayde / a mayde mankynde to saue
and soffred to be sold to see þe sorowe of deying
þe which vnknitteth alle care & comsing is of reste
For til moreyne mete with vs y may hit wel a-vowe
For-thi god of his godnesse þe fist / fi[r]st man Adam
sette him in solas firste & in souerayn myrthe
and sithe he soffred him to synne · sorowe to fele
To wite what wele was þerthorgh kyndlich to knowe
and aftir god auntred him selue & toek adames kinde
To wite what he hath soffred in thre sondri places
Bothe in heuene & in erthe · & now to helle he þenketh
To wite al whatT wo is · þat woet of al ioye
COmnia probate quod bonum est tenete
So hit shal fare by þis folk her foly & her synne
Shal lere hem what loue ys & liffe with-outon ende
For woet no wight what werre ys þere as pees regnethC
Ne what is weturlich wele til welawey him teche
þenne was þere awight / a wight · with two brode yes
Boek highte þat beupere abold / a bold man of speche
By godes body quod this boek y wol hereT witnesse
þo þis barn was bore þere blased a sterre
þat alle þe wyse of þe world · in oen wit acordid
þat such a barn was bore in bedlem þe citee
þat mannes soule sholde saue & synne destruye
þat he was god þat al wrought þe welkyn first shewed
Tho þat wern in heuene token stella comata
and tendon hit as a torche to reuerson / reuer[en]son his birthe
þe light folowed þe lord in-to low erthe
þe watur witnessith þat he was god · for he wente on him drye
Petur þe apostel perceyued his gate
and as he wente on þe watur wel him knew & saide
Cdomine Iube me venire ad te
and lo how þe sonne gan loke · her light in her-selue
when he say him soffre · þat sonne & see made
loo þe erthe for heuynes þat he wolde soffre
Quakid as a quyk thing & also to-quash þe roches
Lo helle myght not holde bot opened þo god þoled
CNon visurum se mortem & cetera .
and now shal lucifer leue hit · þogh him loth þinke
For Iesus as ageaunt / a geaunt with agyn / a gyn cometh ȝende
To breke & to bete adoun alle þat ben agaynesC him
and to haue out alle of hem þat him liketh
and ȝut y boek wol be brent · bot he arise to lyue
and counforte al his kyn & out of care bringe
and al þe iewene ioye vnioynon & vnlokon
and bote þei reuerence þis resurreccion · & þe rode honoure
and byleue on a newe lawe be y-lost lif & soule
soffre we saide truthe ych here & see bothe
a spirit speketh to helle · & bit vnspere þe ȝates
CAttollite portas & cetera ·
a voys loude in that light to lucifer saide
Princeps of þis place prest vndo þe ȝates
For here he cometh with croune þe king of alle gloryeC
þenne sighed satan & saide to helle
such a light aȝenes oure leue lazar hit fette
Care & combraunce ys come to vs alle
yf þis kyng come yn mankynde wol he fecche
and lede hit þere lazar ys & lightlich me byndeC
Patriarkes & prophetes han parled herof longe
ac a-rise vp ragamoffyn & rech me alle þe barres
þat belial þi belsire · bet with þi dame
and y shal lette þis lord & his light stoppe
ar we þorgh þorgh brightnes be blent go barre we þe ȝates
Cheke & cheine we & vch a chine stoppe
þat no light lepe yn · at louer ne at loupe
astaroet hoet out · & haue out oure knaues
Colting & al his kyn · the car to saue
Brimstoen boylaunt brennyng out cast hit
al hoet on her hedes þat entrith ny þe walles
Setteth bowes of brake & brasene gonnes
and shetith out shote y-now his sheltrom to blende
Lesteneth quod lucifer for y this lord knowe
Bothe þis lord & þis light ys longe goLX y knew him
May no deth þis lord dere ne deueles queyntise
and wher he wole ys his way · but war him of þe periles
yf he reue me of my right · he robbeth me of his maistrie
For bi right & bi resoun · þe renkes þat ben here
Body & soule beth myne bothe gode & ille
For him selue saide hit · þat sire ys of heuene
þat adam & Eue & al his issue
sholde deye with deel · &T here dwelle euere
yf þat þei touched atree / a tree or toek þerof an appelle
Thus þis lord of light · such a lawe made
and sithe he is so lele a lord y leue þat he wol not
Reuen vs of oure right sith resoun hem dampned
and sithon we han ben sesed seuen thowsand wyntur
and neuere was þere-aȝen & now wolde byginne
Þenne wer he vnwraist of his word þat witnes is of truthe
þat is soth saide satan bot y me sore doute
For þow gete hem with gile & his gradeyn / g[ar]deyn breke
aȝen his loue & his leue on his lond ȝedest
Not in fourme of a feend bot in fourme of an adder
and entisedest Eue to eton bi hir one · Ve soliT
and bihettist hir & him aftir to knowe
as two godes with god bothe good & ille
Thus with tresoun & treccherie · þou troiledest hem boþe
and so haddest hem out & hider at þe laste
Chit is not graithly ygete þere gile ys þe rote
and god wol not be bigiled quod goblyn ne be-iaped
we han no trewe title to hem for þi tresoun hit makeþLX
For-þi y drede me quod þe deuel · last truthe wol hem fecche
and as þow bigiledest godes ymages yn goyng of an adder
So hath god bigiled vs alle yn goyng of a weye
For god hath goo quod gobelyn · yn a gom liknes
þes thretty wyntur as y wene & wente aboute & prechid
y haue assailed him with synne & somtyme yasked / y asked
whethir he were god or godes sone he ȝaf short answer
and when y say hit was so y sotiled how ych myghte
lette hem þat louede him not · last þei him wolde martre
y wolde haue lengthid his lif · for yleued / y leued yf he dyede
þat if his soule hidor cam · hit sholde shende vs alle
For þe body whil hit on bones ȝede aboute was hit euere
To lere men to be lele & vch man to loue othir
The which lif & lawe be hit longe vsed
hit shal vndo vs deueles & down bringe vs alle
and now y see where his soule comeþ siling hederward
with glory & with gret light god hit is ych woet wel
y rede we flee quod þe feend · faste alle hennes
For vs were bettere not be þen abide in his sight
For lesinges lucifer we loston first oure ioye
and out of heuene hidor þi pride made vs falle
For we leued on thi lesingesT þat þow lowe til eue
weC han lost oure lordshipe a-lond & in helle
Missaide þus foule lucifer for his lesinges leue y noen oþer
But oure lord at þe laste lyares rebukeT
and wyte hem al þe wrecchidnes · þat wrought is her on ertheC
Beth ywar ȝe wise clerkes & ȝe witty of lawe
wyttnessith in his writinges · what is lyarT mede
COdisti omnes qui operantur iniquitatem perdes
omnes qui loquntur mendaciumT
a litel y ouerleep for lesinges sake
þat y ne seye as y say suynge my teme
For eft þat light bad vnloke
what lord art þow quod · lucifer · a vois a-loud saide
Dukes of þis dymme place anoen vndoth þes ȝates
þat crist may · come yn · þe kynges sone of heuene
and with þat breeth helle braek wiþ alle belials barres
For eny weye or warde wide opene þe ȝates
Patriarkes & prophetes populus in tenebris
songon with seint Iohan ecce Agnus dei
Lucifer loke ne myghte so light him ablente
and þo þat oure lord louede forth with þat light flowon
Lo me here quod oure lord lif & soule bothe
For alle synfelle soules to saue oure bothe right
Myne þei were & of me y may þe bet hem clayme
Al-þough resoun recordid & right of my selue
þat yf þei ete þe appelle alle sholdon deye
y by-highte hem not here helle for euere
For þe deedly synne þat þei dide þin disseit hit made
with gile þow hem gete ageynes alle resoun
For in my palays paradys yn persone of an adder
Falslich fettist þere · þat me biful to loke
aȝen my loue & my leue þe olde lawe techith
and who-so hit out a mannes ye or elles his forteeth
Or any manere membre maymeth othir hirtith
þe same sore shal he haue þat eny so smytith
Cdentem pro dente & oculum pro oculo
So lif shal lif lete · þere lif hath lif anyentid
So þat lif quyte lif þe olde lawe hit asketh
and al þat man mysdede · y man to amende hit
and þat deth fordide my deth to releue
and bothe quike & quyte þat queynt was þorgh synne
and gile bigiled þorgh grace at þe laste
CArs vt artem falleret & cetera
So leue hit not lucifer aȝen þe lawe y fecche
here any synful soule · souereynlich by maistrie
Bot þorgh right & þorgh resoun raunsome here my lege
CNon veni soluere legem set adimplere
so þat with gile was gete þorgh grace is now y-wonne
and as adam & alle þorgh a tree dyedeC
adam & alle þorgh a tree shal turne to lyue
and now biginneth þi gile · agayn on þe turne
and my grace to growe ay widdoreT & widdere
þe bitturnes þat þow hast browe now brouke hit þi-selue
þat art doctour of deth drink þat þow madest
For y am lord of lif loue ys my drinke
and for þat drinke to-day y deyed as hit semed
ac y wol drinke of no dish ne of deep clergise
Bot of comune coppes alle cristene soules
ac þi drinke worth deth & deep helle þi bolle
y faught so me furstith ȝit for mannes soule sake
Moiste me to þe folle ne my furst slecke
Til þe vendage falle in þe vale of iosephatC
and drinke right ripe most Resurreccio mortuorum
and thenne shal y come as akyng / a kyng with croune & with angels
and haue out of helle alle mennes soules
Fendes & Fendkines by-fore me shal stande
and be at my biddyng at blisse or at peyne
ac to be merciabel to man þenne my kynde asketh
For we be breþeren of oen blod ac not in baptisme alle
shal neuere in helle eft come be he ones owte
CTibi soli peccaui & malum coram te feci
hit is not vsed on erthe to hange any felounesC
oftir þen ones þough þei were traitoures
and yf þe kyng of þe kyngdom · come in þe tyme
þere a thef thole sholde deth othir iewise
lawe wolde he ȝaf him lif & he lokid on him
and y þat am king ouer kynges shal come such atyme / a tyme
þere þat doem to þe deeth dampneth alle wicked
and yf lawe wol lokeT on hem hit lith in my grace
whethir they die or die not dide þei neuere so ille
Be hit any thing abought þe boldnes of her synne
y may do mercy of my rightwisnes & alle my wordes trewe
For holi writ wole þat y be wroke of hem þat wrought ille
As nullum malum impunitum & nullum bonum irremuneratum
and so of alle wicked y wole here take vengeaunce
and ȝut my kynde in my kene ire shal constraine myC wille
Cdomine ne in furore tuo arguas me & cetera
To be merciable to manye of myne half breþeren
ac blod may not se blod · blede but him rewe
But my rightwisnes & right shal regnon in helle
and mercy & mankynde by-fore me in heuene
For y were vnkinde kyng bot y my kyn holpe
and namelich at such a nede þat nedes help asketh
CNon intres in iudicium cum seruo tuo
Thus bi lawe quod oure lord · lede y wol fro hennes
þo þat y loue & leued in my comyng
Bot for þe lesing þat þow lowe lucifer til eue
Thow shalt abie bittur quod god & bond him with cheynes
astarot & alle oþere hiddon hem in hernes
þei durste not loke on oure lord þe leste of hem alle
and leue whiche him liked
Many hondred of aungel / aungel[s] harpedon þo & songon
CCulpat caro purgat caro regnat deus dei caro
þenne pipede pees of poetes anote / a note
after sharpest shoures quod pees most shene is þe sonne
ys no wedor warmore · þen after watury cloudes
Ne no loue leuere · ne leuere frendes
þenne after werre & wrake when loue & pees ben maistres
was neuere werre in this world ne wickeddore enuye
þat loue & him luste to laughinge broughteT
and pees þorgh pacience alle periles stopped
Trewes quod truthe þow tellest vs soth by Iesus
Clyppe we in couienaunt & vch of vs kisse othir
and lat no pepel quod pees perceyue þat we chide
For impossible is no thing to him þat is almighti
þow saist soth saide rightwisnesse & reuerentlich hir kiste
Pees & pees here per secula seculorum
truthe trompede tho & song te deum laudamus
and þenne luted loue in a loud note
CEcce quam bonum & quam iocundum & cetera .
Til þe day dawede þis damyseles carolode
þat men rang to þe resurreccion & right with þat y waked
and kalde kitte my wif & calote my doughtur
arise & goo reuerense godes resurreccion
and crepe to þe cros on knees & kisse hit for a iewelC
and rightfollokest a relik noen richere on erthe
For godes blessed body · hit baer for oure bote
and hit affereth þe feend for such is þe myght
May no grisly gost glide þere hit shadoweth
the Authore
varieth some-
what from
þe worde of
god .
varieth some-
what from
þe worde of
god .
nota
heaune in
þe westeC
þe westeC
Mercye
truthe .
Mary the
virgine . C
virgine . C
nota
nota
nota ·
nota
Symonds sons
which
were in hell .
were in hell .
nota
not all ransomed
A sponge of
vinniger .
vinniger .
nota . A dombe speche of
deade bodies
deade bodies
nota þe maid
MaryC
MaryC
the venym of Scorpions
styngeth till deth . /
styngeth till deth . /
Rightwysenes .
peace . patyence
and love .
and love .
pees bringeth ·
plentie & pride
plentie & pride
The Bibill
Book · C
Book · C
nota a question where
Lazarus was . when
Abraham was in Inferno .
Lazarus was . when
Abraham was in Inferno .
ayenst lyers .
by þe frute of a tree dampned .
by þe death on tree Saued C
by þe death on tree Saued C
note this —
Idolatrye .