Passus tercius de dobet
{.}As a recheles renk þat recheth nat of sorwe
And ȝede forth y-like alorel / a lorel al my lyf-tyme
Til y waxe wery of the world / and wilnede eefte to slepe
And lened me to lenten / and long tyme y slepte
Of gurles and of gloria laus / greetliche me dremede
And how osanna by orgene oelde folke songe
¶ Oen semblable to þe samaritaen / and somdeel to Pers þe plouhman
Barfoet on an asse bake boetles cam prikynge
With-outen spores oþer spere / sprakeliche he lokede
As is þe kynde of aknyhte / a knyhte / þat cometh to be dobbet
To geten here gult spores / and galoches y-couped
As doth an heraud of Armes / when Auntres cometh to ioustes
Olde iewes of Ierusalem / for ioye they songen
¶ Benedictus qui venit in nomine domini
Thenne y afraynede at fayth / what al þat fare by-mente
And ho sholde iouste in Ierusalem ihesus he saide
And feche þat þe fende claymeth · pers fruyt þe plouhman C
Is Peres in this place quod y / and he printe on me
Liberum dei Arbitrium / for loue hath vndertake
That this ihesus of his gentrice / shal iouste in Pers Armes
In his helm and in his haberion / humana natura
That Crist be nat y-knowe / for consummtus / consumm[a]tus deus
¶ Who shal iouste with ihesus quod y iewes or scribz
Nay quod faith bote the fende / and fals doem to deye
That for al þat deth can do / with-ynne thre dayes to walke
And feche fro þe fende {Peres} fruyt þe {plouhman}
¶ O mors mors tua / ero morsus
Thenne cam Pilatus with moche peple sedens protribunali / pro tribunali
To se how dou{th}htyliche deth sholde do / and demen þere beyre rihte
The iewes and þe iustices / aȝeyns ihesus þey were
And alle þe Court cryede crucifige loude
¶ Thenne potte hym forth a pelour / bifore pilatus and saide
This ihesus of oure iewene temple / iaped and despised
To for-doen hit on a day / and in thre dayes aftur
Edefien hit eft newe / here he stant þat saide hit
And ȝut maken hit as moche in alle manere poyntes
Bothe as longe and as large / aloofte and o grounde
And as wyde as hit euere was / this we witnesseth alle
¶ Crucifige quod a cachepol / he can of wycche-crafte
Tolle tolle quod another / and toek of kene thornes
And bigan of grene thorn / a garlond to make
And sette hit sore on his heued / and sethe saide in Enuye
Aue raby quod þat ribaud / and redes shotte vp to his yes
And nayled hym with thre nayles / naked vpon a rode
And with a pole poysen potten vp to his lippes
And beden hym drynke his deth to lette and his dayes lenghe
And saiden yf he sotil be / hym-sulue now he wol helpe
And yf thow be Crist and Crist godes sone T
Come adoun of this rode / and thenne shal we leue
That lyf þe loueth / and wol nat late the deye
¶ Consummatum est quod Crist / and comsed for to swoene
Pitousliche and pale / as prisoun þat deyeth
The lord of lyf and of liht / tho leyde his eyes to-gederes
The daye for drede þer-of with-drouh and derke bicam þe sonne
The wal of the temple to-cleyef euene al to peces
The hard roch al to-roef / and riht derk nyht hit semede
The erthe to-quasche and quoek as hit quyk were
And dede men for þat dene / cam oute of de{.}pe graues
And tolde why þe tempest so longe tyme durede
For a bittur bataile þe ded body saide lyf & deth in this derkenesse T
Here oen fordoth her oþer / Ac shal no wyht wyte witturlich ho shal haue þe maistry
Ar a soneday aboute the sonne rysynge and sank with þat til erthe
Somme saide he was godes sone þat so fayre deyede
¶ Vere filius dei erat iste
And somme saide he can of soercerie / goed is þat we assaie
Wher he be ded or nat ded / down or {b}he be taken
Tho theues tho tholed deth þat tyme
Vppon cros bi-syde Crist so was þe comune lawe
And here {.}arme aftur of euereche of tho theues
Ac was no boie so bold · godes body to touche
For he was knyht and kynges sone / kynde forȝaf þat tyme
That hadde no boie hardynesse hym to touche in deynge
Ac þer cam forth a blynde knyhte / with a kene spere y-grounde
Hihte longies as þe lettre telleth / and longe hadde lore his sihte
Bifore pilatus and oþere peple / in þe place he houed
Maugre his mony teth / he was mad þat tyme
Iouste with ihesus / this blynde iewe longies
For alle were they vnhardy þat houed þer or stode
To touchen hym or to turnen hym or to taken hym down & grauen hym
Bote this blynde bacheler / that bar hym thorw the herte
The bloed sprang down by the spere / and vnspered the knyhte yes
Tho ful the knyhte vppon knees and criede ihesu mercy
Aȝeyn my will hit was quod he / þat y ȝow wounde made
And s{h}yhed and saide sore hit me forthenketh
Of þe dede þat y haue do / y do me in ȝoure grace
Bothe my lond and my licame at ȝoure likynge taketh hit
Thenne gan faith fouely þe false iewes to dispice
Calde hem Caytyues acorsed for euere
For þis was a vyl vilanye / vengeaunce ȝow bifall
That made þe blynde bete the dede / this was a boyes dede
Corsede Caytifues knythoed was hit neuere
To bete a body y-bounde / with eny briht wypene
The gre ȝut hath he geten / for al his grete woundes
For ȝoure chaumpioun Chiualer / chief knyht of ȝow alle
Ȝelde hym creaunt remyng riht at ihesu wille
For be this derkenesse y-do / deth worth y-venkused
And ȝe lordeyne haen lost / for lyf shal haue maistrie
And ȝoure franchise þat fre was / y-fallen is in-to thraldoem
And alle ȝoure childerne cherles / cheue shal neuere
Ne haue lordschipe in londe / ne no londe tulye
And as bareyne be / and by vsure libbe
The which is lif þat oure lord / in all lawes defendeth
Now ben ȝoure gode dayes y-doen / as daniel of ȝow telleth
When Crist thorw croos ouercam / ȝoure kyndoem sholde to-cleue
¶ Cum veniat sanctus sanctorum cessat & cetera
What for fere of this ferly / and of þe false iewes
Y with-drow in þat derkenesse to descendit ad inferna
And there y seyh sothly secundum scripturas
Out of þe west as hit were / a wenche as me thouhte
Cam walkynge in þe way / to hell-ward she lokede
Mercy hihte þat mayde / amylde / a mylde thynge with-alle
And a fol benyngne buy{d}rde / and buxum of speche
Here suster as hit semede / cam softly walkynge
Euene oute of þe eest / and westward she thouhte
A comely creature and a clene Treuthe she hihte
For þe vertue þat her folowede afered was she neuere
When this maydones metten / Mercy and treuthe
Ayþer asked oþer of this grete wonder
Of the dene and the derkenesse / and how þe day roued
And which a lihte and a leem / lay bifore helle
Y haue ferly of this fare in faith seide Treuthe
And am wendynge to wyte / what þis wonder meneth
Amayde / A mayde þat hoteth Marie / amoder / a moder with-outen velynge
Of eny kynde creature conceyued thorw speche
And grace of the holy gost / wax grete with childe
With-outen wommane wem / in-to this world brouhte hym
And þat my tale is trewe / y take god to witnesse
Sethe this barn was y-bore ben thritty wynter y-passed
deyede and deth tholede / this day aboute mydday
And þat is þe cause of this clips / þat ouercloseth now þe sonne
The while this lihte and this lowe shal lucifer ablende
For patriarkes and prophetes haen preched her-of ofte
That was tynt thorw tre / tre shal hit wynne
And þat deth down brouhte / deth shal releue
That thow tellest quod treuthe / is bote a tale of walterot
For Adam and Eue And abraham with oþere
Patriarkes aand prophetes / þat in peyne liggen
Leue hit neuere þat ȝone liht / hem alofte brynge
Ne haue hem out of helle / holde thy tonge mercy
Hit is bote truyfle þat thow tellest / y treuthe woet þe sothe
That thyng þat ones is in helle / out cometh hit neuere
Iop þe parfit patriarke / repreueth thy sawes
¶ Quia in inferno nulla est redempcio
Thenne mercy fol myldely / mouthed this wordes
Thorw experiense quod he / y hope they shal ben saued
For venym for-doth venym / þer feche y euydence
That Adam and Eue haue shullen bote
For of alle fretynge venymes / the vilest is the scorpioun
May no medecyne amende / the place there he styngeth
Til he ded · y-do þerto / and thenne he destruyeth
The verste venemouste / thorw vertu of hym-sulue
And so shal this deth for-do / y dar my lyf legge
All þat deth and þe deuel / dede formost to Eue
And riht as the gylour thorw gyle bigiled man formost
So shal grace þat bigan al · maken a goed ende
And bigile þe gilour · and þat is a goed sleythe
/ Y se as me thynketh
Out of þe nype of þe north / nat ful fer hennes
rihtwisnesse come rennynge / reste we the while
For he woet more then we / he was ar we bothe
That is soth saide mercy / and y se here bisouthe
Where cometh pees pleiynge / in pacience y-clothed
Loue hath coueyted here longe / leue y non oþere
Bote loue haue y sente her som lettre / what this liht bymeneth
That ouerhoueth helle thus / he vs shal telle
Whenne pees in pacience y-clothed / aproched her ayþer oþer
Rihtwisnesse reuerencced pees in here rich clothyng
And preyede pees {.}to tellen / to what place she sholde
And here gay garnementes · wham she gladie thouhte
My wil is to wende quod pees / and welcomen hem alle
That many day myhte y nat se / for merkenesse of synne
Adam and Eue and other mo in helle
Moises and many moo / Mercy shal synge
And y shal daunse þer-to / do thow so sustur
For ihesus ioustede wel / ioy bigynneth dawe
¶ Ad vesperum demorabitur fletus & ad matitinum / mat[u]tinum leticia
Loue þat is my lemman / such lettres he me sente
That mercy my sustur and y mankynde shal saue
And þat god hath forgyue / and graunted to alle mankynde
Mercy and me to maynprisen hem alle
And þat C{o}rist hath conuerted / the kynde of rihtwisnesse
In-to pees and pyte / of his puyr grace
Loo here þe patente quod pees / In pace in idipsum
And that this dede shal duyre dormiam & requiescam
Rauest thow quod rihtwisnesse / or thow art riht dronke
Leuest thow þat ȝone lihte / vnlouke myhte helle
And saue mannes soule suster wene hit neuere
At the bigynnynge of the world god gaf the doem hym-sulue
That Adam and Eue and al his issue
Yf that thei touchen þat tre / and of þe fruyt eten
Adam afturward aȝenes his defense
Freet of the fruyt / and forsoke as hit were
The loue of oure lord and his lore bothe
And folewede þat þe fend tauhte / and his flesch will
Aȝeynes resoun y rihtwysnesse recorde hit with treuthe
That her peyne is perpetuel no preyer may hem helpe
For-thy hem cheue as they chose and chyde we nat sustres
For hit is boteles bale the bite that they eten
And þat her wo in-to wele / moet wende at {.}þe laste
For hadde they wist of no wo · wele hadde thay nat knowen
For no wiht woet what wele is þat neuere wo soffrede
Ne what is hoet hunger þat hadde neuere defaute
Ho couthe kyndeliche whit colour descreue
Yf all þe world were whit or swan-whit all thynges
Yf no nyht ne were / no man y leue
Sholde y-wyte witterly / what day is to mene
Ne hadde god y-soffred / of som oþer then hym-sulue
He hadde nat wist witterly / where deth were sour or swete
For sholde neuere riȝt riche man / þat lyueth in rest and in hele
Y-wyte what wo is / ne were þe deth of kynde
So god þat bigan al / of his gode wille
Bycam man of amayde / a mayde mankynde to saue
And soffred to be sold / to se þe sorwe of deynge
The which vnkynytteth alle care / and comsyng is of reste
For til moreyne mete with vs / y may hit wel a-vowe
Ne woet no wyht as y were / what is y-now to mene
For-thy god of his goednesse þe furste man Adam
Sette hym in solace furste / and in souereyne merthe
And sethe he soffrede hym to synne{de} sorwe to fele
And aftur god auntred hym-sulue / and toek Adames kynde
To wyte what he hath soffred in thre sundry places
Bothe in heuene and in erthe / and now to helle he thenketh
To wyte what al wo is / þat woet of alle ioye
¶ Omnia probate quod bonum est tenete
So hit shal fare bi this folk here folye and here synne
Shal lere hem what loue is / and lisse with-outen ende
For woet no wiht what werre is / þer-as pees regneth
Ne what is witterliche wele / til welaway hym teche
Thenne waster / wa[s] ther a wihte · with two brode yes
Boek hihte þat beau pere / a bolde man of speche
Tho þat this barn was y-bore þat blased as a sterre
That alle þe wyse of the world / in o wit a-cordede
That such a barn was y-bore / in Bethleem þe Citee
That mannes soule sholde saue / and synne distruye
And all þe elementis quod the boek / here-of bereth witnesse
That he was god þat al wrouhte / the welkene furste shewede
Tho þat weren in heuene / token stella comata
And tenden hit as a torche / to reuerensen his burthe
The lihte folewede þe lord in-to þe lowe erthe
Peter þe Apostel / perseyued his gate
And as he wente on þe watur · wel hym knewe and saide
¶ domine iube me venire ad te
And {h}lo how þe sonne gan louke · here lihte in here-sulue
When he sye hym soffre / þat sonne and se made
Lo þe erthe for heuynesse / þat he wolde soffre
quakid as a quyk thyng and also to-quasch þe roches
Loo helle myhte nat holde / bote opened tho god tholede
And lette out symondes sones / to sen hym honge on rode
¶ Non visurum se mortem & cetera
For ihesus as a geaunt with a gyn cometh ȝende
To breke and to bete adoun / all þat ben agaynes hym
And to haue out alle of hem þat hym liketh
And ȝut y boek wol be brente / bote he aryse to lyue
And comforte alle his kyn / and out of care brynge
And alle þe iewene ioye vnioynen and vnlouken
And bote they reuerense this resurexioun / and þe rode honoure
And bilewe on a newe lawe be ylost lyf and soule
Soffre we sayde treuthe / y here and se bothe
A{nd} spirit speketh to helle / and bit to vnspere þe ȝates
Princepes / Princ[i]pes of this place / prest vndo this gates
Such alyht / a lyht aȝenes oure leue / lazar hit fette
Care and combraunce is come to vs all
{o}Yf this kyn{e}g come in / mankynde wol he fecche
And lede hit þer lazar is / and lihtliche me bynde
Patriarkes and prophetes / haen parled her-of longe
That such a lord and alihte / a lihte / shal lede hem alle hennes
Ac arise vp Ragamoffyn / and a-reche me alle þe barres
That Belial thy beel-syre / beet with thy dame
Ar we thorw brihtnesse be brente · go bare we þe ȝates
Cheke and cheyne we and vch a shine T stoppe
That no liht lepe in / at louer ne at loupe
Astarot hoet out / and haue out oure knaues
Coltyng and al his kyn · / the car to saue
Brumstoen boylaunt · brennyng out cast hit
Al hoet on here hedes þat entrith ney þe walles
Setteth bo{.}wes of brake and brasene gonnes
And sheteth out shot ynow / his sheltrom to blende
Set Mahond at þe mangrel / and mulle-stones throweth
And crokes and kalketrappes / and cloye we hem vchone
Lustneth quod lucifer / for y this lord knowe
Bothe this lord and this lihte / ys longe y-go y knewe hym
May no deth this lord dere / ne do deueles quentyse
And where he wol is his way / ac waer hym of þe perelles
Yf he reue me of my rihte / A LX robbeth me of his maistrie
For bi riht and by resoun · þ / þ[e] renkes þat ben here
Body and soule beth myne bothe gode and ille
For hym-sulue said hit / þat sire is of heuene
That Adam and Eue and all his issue
{..}Sholde deye with doel / and here dwelle euere
Yf they touched atre / a tre / or toek þer-of an appul
Thus this lord of liht such alawe / a lawe made
And sethe he is alele / a lele lord / y leue þat he wol nat
Reuen vs of oure riht / sethe resoun hem dampnede
And sethen we haen ben sesed · seuene thousand wynter
And neuere was þer-aȝeyne / and now wolde bigynne
Thenne were he vnwrast of his word þat witnesse is of treuthe
That is soeth saide satoun bote y me sore doute
For thow gete hem with gyle · and his gardyn broke
Aȝeyne his loue and his leue on his londe ȝedest
Not in fourme of afende / a fende / bote in fourme of anAddre / an Addre
And entisedest Eue to eten bi here one / ve soli
And {h}by-hihtest here and hym / aftur to knowe
As two godes with god bothe goed and ille
This with treson and tricherie · thow troyledest hem bothe
And dust hem breke here buxumnesse / thorw fals bihestes
And so haddest hem out / and hiddere at þe laste
Hit is nat graythly y-gete · ther gyle is þe rote
And god wolnat / wol nat be gyled / quod gobelyne no byiaped
We haen no trewe title to hem for thy tresoun hit maketh
For-thy y drede me quod þe deuel / laste treuthe wol hem fecche
And as thowe bigyledest godes ymages / in goynge of an addre
So hath god bigiled vs alle / in goynge of a weye
For god hath go quod gobelyne / in gome liknesse
This thritty wynter as y wene / and wente aboute and prechede
Where he were god or godes sone / he gaf me short answere
And when y seyh hit was so / y sotiled how y myhte
Lette hem þat louede hym {m}nat / laste they wolde hym martre
Y wolde haue lenghed his lyf / for y leued yf he deyede
That if his soule hider cam hit sholde shende vs all
For þe body whiles hit on bones ȝede / aboute was hit euere
To lere men to lele / and vch man to louye oþer
The which lyf and lawe / be hit longe y-vysed
Hit shal vndo vs deueles / and down bryngen vs all
And now y se where his soule cometh sylinge hidward
With glorie and with lihte / god hit is ich woet wel
Y rede we flee quod the fende / faste all hennes
For vs were bettere nat to be / then abyde in his sihte
For thy lesinges lucifer / we losten furst oure ioye
And out of heuene hidore / thy pryde made vs falle
For we leued on thy lesynges / þat thow lowe til Eue
¶ Nunc princeps huius mundi
Sethe þat satan myssaide thus foule
Lucifer for his lesynges / leue y noen oþer
Bote oure lord at þe laste / lyares here rebuke
And wyte hem al þe wrechednesse þat wrouhte is here T on erthe
Beth y-waer ȝe wyse clerkes · and ȝe witty men of lawe
That ȝe belyen nat this lewed men for at the laste dauid
Witnesseth in his writynges · what is lyares mede
¶ Odisti omnes qui operantur iniquitatem
Perdes omnes qui loquntur / loq[u]untur mendacium
A litel y ouerleep for lesynges sake
That y ne sygge nat as y syhe suynde my teme
For efte þat lihte bade vnlouke
What lord artow quod lucifer / a voys aloude saide
The lord of myhte and of mayne / þat made alle thynges
Dukes of this demme place · anoen vndoth this ȝates
That Crist may come in / the kynges sone of houene LX
And with þat breth helle braek · with alle belialles barres
For {eyy} eny wey or warde · wyde open þe ȝates
Patriarkes and profetes populus in tenebris
Songen with seynt Iohan / ecce agnus dei
Lucifer loke ne myhte / so liht hym ablende
And tho that oure lord louede forth with þat liht flowen
¶ C Lo me here quod oure lord lyf and soule bothe
For alle synfole soules to saue oure bothe rihte
Myne they were and of me · y may þe bet hem clayme
Al-thouh resoun recordede / and rihte of my-sulue
That if they ete þe appul alle sholde deye
Y bihihte hem nat here / helle for euere
For the dedly synne that they dede thi deseite hit made
With gyle thow hem gete / a-gaynes all resoun
For in my palays paradys / in persone of an addere
Falsliche fettest there / þat me biful to loke
Byglosedest hem and bigiledest hem / and my gardyne breke
Aȝeyne my loue and my leue / þe olde lawe techeth
That gylours bigiled / and here gyle falle
And ho-so hit out amannes / a mannes eye / or elles his foreteth
Or eny manere membre / maymeth oþer herteth
The same sore shal he haue / þat eny so sermyteth
dentem p / p[ro] dente / & oculum pro oculo
So lyf shal lyf lede / ther lyf hath lyf anended
So þat lyf quyte lyf þe olde lawe hit asketh
¶ Ergo soule shal soule quyte · and synne to synne wende
And al þat men mysdede / y man to amenden hit
And þat deth fordede my deth to releue
And bothe quykie and quyte · that queynte was thorw synne
And gyle bigyled · thorw grace at þe laste
So leue hit nat lucifer · aȝeyne þe lawe y feche
Here eny synfole soule / souereynliche by maistrie
Bot{he}e thorw riht and thorw resoun raunsome here my lege
Non veni soluere legem set a{n}dimplere
So þat with gyle was gete / thorw grace is now y-wonne
And as Adam and alle / thorwe a tre deyede
Adam and alle thorw atre / a tre shal turne to lyue
And now bygynneth thy gyle agayne on the to turne
And my grace to growe / ay wyddore and wyddore
The bitternesse þat thow hast browe now brouk hit thy-sulue
That art doctour of deth / drynke þat thow madest
For y þat am lord of lyf / loue is my drynke
And for þat drynke to-day / y deyede as hit semede
Ac y wol drynke of no dische / ne of deep clergyse
Bote of comune coppes alle cristene soules
Ac thy drynke worth deth · and depe helle thy bolle
Y fauht so me fursteth ȝut for mannes soule sake
Moiste me to þe fulle / ne my furste slokke
Til þe ventage valle / in þe vale of Iosophat
And thenne shal y come as kynge / with croune and with angeles
And haue out of helle alle mennes soules
¶ C fendes and fendekynes byfore me shal stande
And be at my biddynge at blisse or at payne
Ac to be merciable to man / thenne my kynde asketh
Ac alle þat beth myn hole brethene / breth[r]ene / in bloed and in baptisme
Shal neuere in helle eft come / be he ones oute
¶ Tibi soli peccaui · & malum coram te feci
Hit is nat vsed on erthe / to hangen eny felones
Oftur then ones thogh they were tretours
And yf þe kynge of þe kyngdoem come in þe tyme
Ther a thief tholie sholde / deth oþer iewyse
Lawe wolde he ȝoue hym lyf / and LX he loked on hym
And y þat am kynge ouer kynges / shal come such a tyme
Ther þat doem to þe deth dampneth alle wikkede
And if lawe wol y loke on hem / hit lith in my grace
Where they deye or dey nat dede they neuere so ille
C {As nullum malum inpunitum & nullum bonum irremuneratum}Be hit eny thyng abouhte the boldenesse of here synne
Or may do mercy of my rihtwysnesse / and alle myn wordes trewe
For holy writ wol þat y be wreke of hem þat wrouhte ille
¶ As nullum malum inpunitum / & nullum bonum irremuneratum
And so of alle wykkede / y wol here take veniaunce
And ȝut my kynde and my kene ire / shal constrayne my will
¶ Domine ne in furore tuo Arguas me & cetera
To be merciable to monye / of my halue-bretherne
For bloed may se bloed bothe afurst and a-cale
Ac bloed may nat se bloed · / blede bote hym rewe
¶ Audiui arcana verba que non lucet homini loqui
Ac my rihtwysnesse and rihte shal regnen in helle
And mercy and mankynde bifore me in heuene
¶ C For y were an vnkynde kyng / bote y my kyn helpe
And namliche at such a nede / þat nedes helpe asketh
¶ Non intres in iudicium cum seruo tuo
Thus by lawe quod oure lord / lede y wol fro hennes
Tho þat y louye / {l}and leued in my comynge
Ac for þe lesynge þat thow low lucife{l}r til eue
Astarot and alle oþere · hidden hem in hernes
They dorste nat loke on oure lord / the leste of hem alle
Bote leten hym lede forth / which hym luste / C and leue which hym likede
Many hundret of Angels harpeden tho and songen
¶ Culpat Caro purgat Caro regnat deus dei Caro
Thenne piped pees / of poetes a note
Clarior est solito & cetera post inimicicias / Clarior est & Amor
Aftur sharpest shoures quod pees / most shene is þe sonne
Is no wedore warmore / then aftur watri cloudes
Ne no loue leuore / ne no leuore frendes
Then aftur werre and wrake / when loue and pees ben maistres
Was neuere werre in this world / ne wikkedere enuye
And pees thorw pacience alle perelles stopede
Trewes quod treuthe / thow tellest vs soeth by ihesus
Cluppe we on couenaunt / and vch of vs kusse oþere
And lat no peple quod pees / perseyue þat we chydde
For inposible is no-thynge / to hym þat is almyhty
Thowe saiste soeth saide rihtwisnesse / and reuerentlich here custe
Pees and pees here per secula seculorum
¶ Misericordia & veritas obuiauerunt sibi Iusticia & pax osculate sunt
Treuth trompede tho / and song te deum laudamus
And thenne lutede loue in a loude note
¶ Ecce quam bonum & quam iocundum & cetera
Til þe day dawed thes damoyseles caroled
That men rang to þe resureccioun / and riht with þat y wakede
And calde kitte my wyf / and Calote my douhter
Arise and go reuerense godes resurecciom / resureccio[n]
And crep{t}e to þe croes on knees / and kusse hit for a iewel
And rihtfollokest Arelyk / A relyk / noon richore on erthe
For godes blessed body / hit baer for oure bote
And hit afereth th / th[e] fende for such is þe myhte
May no grisly goest glyde þer hit shaddeweth
fayth
de
passus
Longynus
de
passus
de
passus
pees
de
passus
corrigitur
¶ C Satan
lucefer
de
passus
corrigitur
de
passus
Crist C
de
passus
{..c} C
dobet
Ihesus
corrigitur
pilatus
· 3us ·
bote this blynde
do-bet
fayth reproued iewes
nota C
Daniel
Mercy
· 3us ·
truthe
Maria concipiet C
Iop
corrigitur
do-bet
Ryȝtwisnesse
pes clothed in pacienc[e] C
nota
——
—— C
—— C
· 3us ·
do-bet
boek
——
——
—— C
——
—— C
· 3us ·
dobet
notate bene
——
——
——
—— C
——
——
—— C
3us
do-bet
corrigitur
lord
nota
——
——
——
—— C
——
——
—— C
· 3us ·
dobet
nota hic bene
{p.us}primus
12