þat toke me a mandement vp-on þe mo{n}vt / mo[n]t off synay
to re{u}vle all realmes wyth y beyre þe wrytt here
nay he sayethe y seeke hym þat hathe þe seale to kepe
& þat ys cros & crystendome & cryst þeron to hange
& when ytt ys ensaeled so / I wote well þe sothe
þat lucyfers lordshyppe shall last no lengre
lett vs se þe letters quod I we myght þe lawe knowe
then pl{u}vcked he forthe a patent a pece off an harde roche
wheron were wryten two wordes on thys wyse glosed
dilige deum et proximum tuum et cetera
thys was þe texte trewly I tooke full goode ȝeme
the glose was gloryo{u}vsly wryten wyth a gylt penne
In hijs duobus mandatis tota lex pendet et prophete ://
who-so worchethe after þis wrytt I wyll vndretake
shall neuer de{u}vell hym deere ne dethe yn so{u}vle gre{u}ve
for thoghe y say ytt my-sel{u}ve y haue sa{u}ved wyth þis charme
off men & off women many score thowsandes
he sayethe sothe sayde þe hara{u}vde I haue fo{u}vnden ytt ofte
loo here yn my lappe þat le{u}ved on þat charme
Ios{u}ve & I{u}vdethe & I{u}vdas machabe{u}vs
ye & and / and syxtye thowsand bysyde forthe þat beene noght seene here
your wordes beene wondrefull quod y / wyche off you ys trewest
& leelest to lee{u}ve on for ly{u}ve & For so{u}vle
habraham sayethe þat he see holye the trynyte
thre persones yn percelles depertable from other
& all thre but on god thus abraham me taght
& hathe sa{u}ved þat bylee{u}ve so / & sorye for þer synnes
he can not segge þe some & some are yn hys lappe
what nedethe ytt þen / a new lawe to begynne
sythe þe furste suffysethe to sal{u}vatyon & to blysse
& now comethe spes & speykethe þat aspyed þe lawe
& tellethe noght off þe trynyte þat toke hym þes lettres
to byle{u}ve & lo{u}ve yn on lord allmyghtye
& sythe ryght as þi-sel{u}ve so lo{u}ve all poeple
the goome þat goethe wyth a staffe he semethe yn greater heale
then he þat goethe wyth two sta{u}ves to syght off vs all
and ryght so by þe roode reason me shewethe
ytt ys lyghter to lewde men a lessone to knowe
then for to teychen þem two & harde to lere þe lest
& wellaway wor{s}ce yet for to lo{u}ve a shrewe
then for to lo{u}ve & lee{n}ve aswell / as well lorelles as leales
go thy gate quod I spes so me god helpe
tho þat lernen þi lawe lytle wyle wsen ytt
& as we went þus by þ{.}e way {we} wordyng togeddres
then seghe we a samarytan syttyng on a m{u}vle
rydyng full rapely þe ryght way we yedene
comyng fro a contrey þat men called Ierico
to a I{u}vstyce yn Ierusalem he chased a-way faste
bothe þe hera{u}vde & hope & he mette at oon{es}ce
where a man was wo{u}vnded & wyth the{u}ves y-take
he myght nether steppe ne stand ne styrre foote ne handes
ne helpe hym-sel{u}ve sothely / for semyvyf / he semed
& as naked as a nedle & noon helpe abowte hym
feythe had furst seght off hym but he flygh on syde
& wold not nyghe hym by nyen landes lenghte
hoope came hyppyng after / & had so y-boosted
howe he wyth moyses mandement had many man yholpe
but when he had syght off þat segge asyde he gan drawe
dredfully by þis day as ducke doethe fro þe fawkon
but so sone so þe samarytane had syght off þis leede
he lyght downe off lyarde & lad hym yn hys hand
& to the way he went hys wo{u}vndes to beholde
& percey{u}ved by hys pouce / he was yn perell to dye
wyth wyne & wyth oyle hys wo{u}vndes he wasshed
enbalmed hym & bond hys heyde & yn hys lappe hym leyde
& lad hym so forthe to lyarde to lex cristi a gra{u}vnge
well syx myle or sey{u}ven fro þe new markett
harbored hym at an hostrye & to þe hosteler called
& seyde haue kepe þis man tyll I come fro þe I{u}vstece
& {.} loo here syluer he sayde for sal{u}ve to hys wo{u}vndes
& he toke hym too pence to ly{u}velode as ytt were
& sayde what he spendethe more I make þe goode hereafter
for y may not lett quod þat leede and l{..}yarde he bestroode
& raped hym to Ierusalem-warde þe ryght way to ryde
faythe folowed after fast and fo{u}vnded to mete hym
and spes spaklyche hym spedde / spede yff he myght
to ouer-take hym & talke to hym er þei to towne came
& when I seye þis / I soio{u}vrned nat / but shoope me to renne
and s{u}ved þat samarytan / þat was so full off pyte
but thy frende & felowe thowe fyndest me att nede
& y thanked hym tho & sythen he me tolde
howe þat feythe flede a-way and spes hys felowe bothe
for syght off þe sorowfull man / þat robbed was wyth the{u}ves
haue theym exc{u}vsed quod he / theyr helpe may lytle a{u}vayle
may no medycyne on molde / þe man to heale bryng
nether faythe ne fyne hoope / so festered beene hys wo{u}vndes
wyth-oute þe bloode off a barne borne off a meyde
& he be bathed yn þat bloode baptysed as ytt were
he sholde stande & steppe but stallworthe worthe he neuer
tyll he haue eyten all þe berne & hys bloode y-dronke
for went neuer wyȝe In þis {word} world thrugh þat wyldernes
that he ne was robbed or ryfelde / rode he þer or yede
sa{u}ve faythe & hys felow spes & y my-sel{u}ve
and thy-sel{u}ve nowe & s{u}oyche as s{u}vene our workes
for owtlawes yn þe woodde & vndre bancke lowtethe
& mowe eche man see & good marke take
who ys behynd & who ys before & who beene on horse
for he þat holdethe hym herdyer on hors þen he þat ys on foote
for he seythe me a samarytan sewe faythe & hys felowe
on my caple þat hette caro off mankynd I tooke ytt
he was vnhardye þat harlott & hydde hym in inferno :
but are thys day thre dayes I dare vndretake
þat he worthe fettered þat fellone fast wyth cheynes
& neuer efte gre{u}ve goome þat goethe by thys gate
& then shall faythe be forster here & yn þis frythe walke
and kenne comune men þat knowe not þe contrey
wyche ys þe way þat I went & wherforthe to Ierusalem
& hoope þe hostelers mane shalbe / shal be / þer þe man lyethe to heale
& all þat fyeble & faynte beene / þe faythe may not teyche
hoope shall leyde theym forthe wyth lo{u}ve / as hys letter tellethe
tyll y haue
sal{u}ve for
al syk & þen
I shall T re-
torneC
& come agayne by þis contrey & conforte all sycke
that cra{u}ven ytt or co{u}veyten ytt & cryen therafter
for þe barne was borne yn bethelemT on a cleane meyde
& folowen þe teychyng off hoope that ys hys feloweT
a swete syr seyde y tho where shall y byle{u}ve
and faythe & hys felow enfo{u}vrmethe me bothe
In thre persones depertables / þat perpet{u}vell were e{u}ver
& all thre but on god th{u}vs abraham me taght
& hoope afterwarde bad me to lo{u}ve
on god wyth all my good / & all my goomes after
lo{u}ve theym lyke my-sel{u}ve but our lorde abowe all
after abraham quod he þat hara{u}vde off armes
sett faste thye faythe & fyrme byle{u}ve
& as hoope hyght þe I hoote þat þou lo{u}ve
thyne e{u}vyncrysten euer-more e{u}ven forthe wyth thy-sel{u}ve
& yff conscyence carpe cherysshym / or kynd wytt other
or herytykes wyth arg{u}vmentes thyn hand þou hym showe
for god ys after an hand y-here nowe & knowe ytt
the fadre {f} was furst a fyst wyth on fynger foldyng
tyll hym lo{u}ved & lyst to vnlosen hys fynger
& profer forthe as wyth a pavme to what place yt sholde
the pavme ys p{u}verly þe hand & proferethe forthe þe fynger
to mynysteer & to make þat myght off hand knowethe
& betokenethe tre{u}vly tell who-so lykethe
the holy gost off hey{u}ven he ys as þe pavme
the fyngers þat fre beene to folde & to ser{u}ve
bytokenethe sothely þe sonne þat sent was to þe yerthe
þat towched & tasted all þe teychyng off þe pavmbe
seynt mary a meyde & mankynd kaght
qui conceptus est de spiritu sancto natus et cetera//
the fadre ys then as a fyst wyth fyngre to to{u}vche
quia omnia traham ad meipsum et cetera//
all þat þe pavme percey{u}vethe profytable to feele
th{u}vs are they all but on as ytt an hand were
& thre sondrye syghtes yn on shewyng
the pavme for he puttethe forthe fyngers & þe fyst bothe
ryght so redylye reason me shewethe
how he þat ys holy gost syre & sonne pro{u}vethe
& as þe hand holdeth hard & all thyng fast
thrugh four fyngers & a thombe forthe wyth the pavme
ryght so þe father & þe sonne & seynt spyryte þe thyrde
holdethe all þe wyde worlde wythe-ynne þem thre
bothe þe welkyn & þe wynd water & yerthe
hey{u}ven & hell & all þat þerynne ys
thysLX ytt nedethe no man trow non other
that thre thynges b{e}ylongen In our lorde off hey{u}ven
no more þen myne hand may move wyth-ovte my fyngers
and as my fyst ys full hand folden to-gedders
so ys þe fadre a full god fo{u}vrmore & shaper
tu fabricator omnium & cetera//
all þe myght wyth hym ys yn makyng off all thynges
the fyngers fo{u}vrmen a full hand to po{u}vrtrey or paynte
ker{u}vyng & compassyng as crafte off þe fyngers
ryght so ys þe sonne þe scyence off the fadre
& full god as ys þe fadre no febelre ne no better
the pavme ys purelyche þe hand hathe power by hym-sel{u}ve
otherwyse þen þe whrythen fyst or workmanshyppe off fyngers
for þe pavme hathe power to putt ovte all þe Ioyntes
& to vnfo{s}lden þe folden fyst as þe fyngers wyll
so ys þe holy gost god nether greater ne lasse
then ys þe syre & þe sonne & yn þe same myght
& all they are but on god as myne hand & my fyngers
vnfolden or folden my fyst & my pavme
for þe fyngers þat folde sholde & the fyst make
for payne off the pavme power them faylethe
to cl{u}vche or to clawe to clyppe or to holde
were þe myddell off myn hande ymaymed or perysshydde
but thogh my thombe & my fyngers bothe were to-sh{u}vllene
& þe mydle off myne hand wythe-oute male-easse
In many kynnes maner I myght my-sel{u}ve helpe
bothe moeue & amend / thogh all my fyngars oke
by thys skyll me thynkethe y see an e{u}vydence
that wo-so synnethe yn / sente spyryte / assoyled worthe he neuere
nether here ne elles-where as y herd tell
qui peccat in spiritu sancto et cetera//
for god þe fadre ys as þe fyste þe sonne as a fynger
the holye goste off hey{u}ven ys / as ytt were þe pa{u}vme
& wo synneth yn seynt spyryte ytt semethe þat he gre{u}vethe
god þat he grypethe wyth and wold hys grace q{u}venche
and to a torche or a taper þe trynyte he lykened
as waxe & a weyke were twyned to-geddres
& then a fyre flamyng forthe oute off bothe
and as waxe & weyke & wooteLG fyre to-geddres
so done þe syre & þe sonne & also spiritus sanctus:
fostren forthe {as leele} amonges folke lo{u}ve & leele byle{u}ve
that alkynnes crysten clenseth off synnes
& as þou seest some-tyme sodenlyche a torche
the blasse þeroff blowen owte yet brynnethe þe weyke
wyth-oute leye or lyght that þe smacche swelethe
so ys þe holy gost god and grace wyth-oute mercye
to all vnkynd creat{u}vres þat co{u}veten to dystroye
leele lo{u}ve other lyffe þat our lord gave
& as a glowyng gleede ne gladen þes workmen
that worchen & walken In wynters nyghtes
no more dothe syre ne sonne ne seynt spyryte to-geddres
gra{u}vnt no grace ne forgyvenes off synnes
tyll þe holy gost gynne to glowe & to blasse
so þat þe holy gost glowede but as a glede
tyll þat leele lo{u}ve lygge on hym & blowe
& then flamethe he as fyre on pater & on filius
& meltethe theyr myght to mercy as men may see yn wynter
yse-ykeles yn e{u}veysynges thrugh heate off þe sonne
meltethe yn a myn{u}vte whyle to myste & to water
so grace off þe holye goste / þe greate myght off þe trynyte
meltethe to mercye to marcyable & to non other
and as waxe wyth-oute more / on a warme gleede
wyll brenne & blasse be they to-geddres
& solacen þem þat may se þat sytten yn derknes
so wyll þe fadre forgyve / folke off mylde hertes
þat rufullyche repenten & resytutyon make
In as moche as þei mowen / amenden & payen
for yff ytt suffyce noght for a seght / þat yn s{u}oyche wyll dyethe
mercy for hys mekenes wyll make good þe remnant
& as þe weyke & fyre wyll make a warme flammbe
for to myrthe men wyth þat yn marke sytten
so wyll cryste off hys co{u}vrtysye yff men crye hym mercye
bothe forgy{u}ve / & forgett / & yett byd for vs
to þe fadre off hey{u}ven forgyvenes to haue
but hewe fyre att a flynt fo{u}vre hondrethe wynters
but þou haue towe to take ytt wyth / tyndre or broches
all þi labo{u}vr ys lost & all þi long tra{u}vayle
for may no fyre fla{u}vmbe make / fayle yt hys kynd
so ys þe holy gost god / & grace wyth-owte mercye
to all vnkynd creatures / cryste hym-sel{u}ve wyttnessythe
amen dico vobis / P nescio vos & cetera //
be vnkynd to {y} thyne e{u}ven-crystyen & all þat þou canst bydde
deylen or do pennance day & nyght e{u}ver
& p{u}vrchace all þe perdone off pampylyon & rome
and Indulgences y-nowe / & be ingratus to thy kynde
the holy gost herethe the noght / ne helpe may þe by reason
for vnkyndnes q{u}venchethe hym / þat he ne cane shyne
ne brenne ne blasse clere / for blowyng off vnkyndnes
paule þe apostle pro{u}vethe where y lye
si linguis hominum loquar & cetera
forthy beethe warre ye wyse men þat wyth þe worlde dealen
þat ryche beene & reason knowen / re{u}vlethe well your soule
beethe noght vnkynd I co{u}vnseale you to your e{u}vencrystyen
for many off you ryche men / by my so{u}vle men tellen
ye brenne but ye blase noght / that ys a blynd beyken
non omnis qui dicit domine domine & cetera//
diues dyed dampned for hys vnkyndnes
off hys meyte & off hys money to men þat ytt neded
& gy{u}vethe your good to þat god / þat grace off arysethe
for þei þat beene vnkynd to hys / hoope I non other
but þei shall dwell þer diues ys dayes wyth-owten ende
thus ys vnkyndnes þe con{r}trarye / þat q{u}venchethe as {.}ytt were
the grace off þe holye gost goddes owne kynde
for þat kynd doethe vnkynd fordoethe / as thes c{u}vrsed the{u}ves
sleyethe a man for hys moebles / wyth mo{u}vthe & wyth handes
for þat þe holy gost hathe to kepe / the harlottes destroyen
the wyche ys lyffe & lo{u}ve / þe lyght off mannes bodye
for euery maner good man / may be lykened to a torche
or elles to a taper / to re{u}verence þe trynyte
& wo-so morderethe a good man / me thynkethe by my wytte
he fordoethe þe le{u}vest lyght / þat our lorde lo{u}vethe
for yet yn many mo maners men offend þe holy goste
but þis ys þe worst wayes þat any wyght myght
synnen ageyne seynt spyryte / assenten to destroye
that wyllfullyche & wyckedlyche / wold mercy anyentyce
Innocence ys next god / and nyght & day ytt cryethe
Wengeance Wengeance / forgyve be ytt ne{u}ver
that shent vs & shedde our bloode forshapte vs as ytt were
C vindica sanguinem Iustorum & cetera ///
th{u}vs wengeance wengeance verray charyte askethe
& sythe holy cherche & charyte / chargethe thys so sore
le{u}ve y neuer þat our lorde wyll lo{u}ve / þat charyte {askethe} lakkethe
ne haue pyte for any preyer / there þat he pleynethe
I pose I had synned so / & shold {not} dye
& now am sory þat y so / þe seynt spyryte agylte
confesse me & crye hys grace / god þat all made
& my{d}ldelyche hys mercye aske / myght y not be sa{u}ved
thus sayde þe samarytan so well / þou myght repente
that ryghtyo{u}vsnes thrughe repentance to re{u}vthe myght torne
but ytt ys but seldome seene / þer sothenes beyrethe wyttenes
any creature þat ys c{u}vlpable afore a kynges I{u}vstece
be ra{u}vnsomed for hys repentance / þer all reason hym dampnethe
for þer þat partye p{u}vrs{u}vethe þe poeple ys so h{u}vge
that þe kyng may do no mercy to bothe men acorde
& ether haue eq{u}vyte as holy wrytte tellethe
nunquam dimittitur peccatum et cetera / /
th{u}vs ytt farethe by s{u}oche folke / þat falsly all þeir ly{u}ves
y{u}vell ly{u}ven & leete noght tyll lyfe theym forsake
noght off þe non-power off god / þat he ne ys myghtfull
to amend all þat amys ys / and hys mercy greater
then all our wycked werkes / as holy wrytte tellethe
misericordia eius super omnia opera eius & cetera / /
but er þis ryghtfulnes to re{u}vthe torne some restyt{u}vtyon beho{u}vethe
hys sorowe ys satysfacyton for hym þat may noght pay
thre thynges there beene / þat done a man by strenght
fleen hys owne ho{u}vse / as holye wrytte shewethe
that on ys a wycked wyffe þat wyll not be chastysed
hyr feere flyethe from hyr / for fere off hyr tong
he sekethe all abovte tyll he lygge drye
& when smoke or smodre / smytethe yn hys syght
ytt doethe hym wors þen hys wyffe / or wete to slepe
for smoke & smoldre smytetheT hys eyne
tyll he be bleyre-eyed or blynd / & hoos P yn þe throte
he coghethe & cursethe / þat cryst gyue hym sorowe
þat shold bryng yn better wode / or blowe tyll ytt brent
the wyffe ys our wyked flesshe / þat wyll not be chastysed
for kynd cle{u}vethe on hym euer / to contrarye þe so{u}vle
& thogh ytt fall ytt fyndethe skylles / þat freylte ys made
& þat ys lyghtlyche forgy{u}ven & forgeten bothe
to a man þat mercy askethe / and amend thynkethe
the reyne þat reynethe þer we rest sholde
been sycknes & sorowes þat we sufferen offte
as paule þe apostell to þe poeple taght
virtus in infirmitate perficitur et cetera //
& thogh þat men make moche dole yn theyre angre
and ympacyentz yn þer pennance pure reason knowethe
that they haue ca{u}vse to þe contrarye by kynd off þer syknes
& lyghtlyche our lorde att our ly{u}ves ende
hathe mercy on s{u}oyche men þat so y{u}vell may suffer
but þe smoke & þe smoldre þat smyte yn oure eyne
ys co{u}vetyse & vnkyndnes þat q{u}venchethe goddes mercy
for vnkyndnes ys þe contrarye / off alkynnes reason
for þer {y} nys sycke ne sory ne non so moche wreche
þat he ne may lo{u}ve & hym lyke / and le{n}ve off hys herte
good wyll & good worde bothe wysshen & wyllen
all maner men mercy & forgyvenes
and lo{u}vethe them lyke hym-sel{u}ve / & hys lyve amend
I may no lenger lett quod he & harde prycked
& went a-way as þe wynd & therwyth I waked
explicit tercius passus de doobetter
C