than drede went wyȝtly  and warned falsC

and badde hym fle for fere  and his felawes alle

whan fals for fere fleyȝe  to the freres

and gyle dothe hym to goo  a-gast for to deyȝe

ac marchauntz metten wyth hym  and maden hym abyde

and by-schutte hym in her schoppys  to schewen her ware

apparaylden hym as a prentys  the peple to serue

fuƚƚ lyȝtly lyere tho  lepe a-wey thanne

lurkyng thurowh lanes  lugged of many

he was nowhare welcome  for his many tales

oueral y-hunted  and y-hote trusse

tyl pardeners hadde pyte  and pulleden hym to house

thei wuschen hym and wypeden hym  and wonden hym in cloutys

and senten hym wyth sealys  on sundayes to cherches

and ȝaf pardoun for pans  pound-mele aboute

thanne loureden leches  and lettres thei sente

thanneT he schulde wonye wytħ hem  watres to loke

spycers spoken wyth hym  to aspyȝenT her ware

for he coude on her crafte  and knewe many gommes

ac menstrals and messagers  metten wyth hym ones

and helden hym an half ȝere  and enleuene dayes

freres wyth fayr speche  fecchid hym thennys

C{...?...?...}and for knowynge of comers  copeden hym as a frere

Ac he hath leue to lepen out  as ofte as hym lyketh

And ys welcome whan he wole  and woneth with hem ofte

alle fƚedden for fere  and flowen in to hernes

Saue mede the maiden  nomo durstenT abide

Ac trewely to telle  sche trembled for drede

And wepte and wronge  whan sche was a-tached