To take mede the maide  and make hire at ese

I schal a-saye hire my-silf  and sothely appose

What man vpon molde  that here were leuest

And yf sche werschewerche be wytt  and my wyl folwe

I wele for-ȝyue hire this gilt  so me {........}god helpe

Curtesly the clerk thanne  as the kyng highte

Tok mede by the Middel  and broughte hire in-to chambre

and ther was Mirthe and Minstralcie  mede to plese

They that wonen in westmynserewestmyns[t]ere  worschepeden hem alle

Ientileche with ioye  the Iustices some

Buskeden hem to the boure  ther the buyrde dwelled

To conforten hire kyndely  by clergyes leue

and seiden morne thou nought  ne make thou no sorwe

for we wil wisse the kyng  and thy wey schape

To be wedded at thy wille  and where the lef liketheP

For al concyence cast  or craft as y trowe

Mildeliche mede thanne  mercieT hem kryde

Of here gret goodnesse  and ȝaf hem echone

Coupes of clene gold  and cuppes of seluer

Rynges with rubies  and rychesses manye

The leste man of here meigne  a Motoun of gold

Thanne laughte thei leue  thes lordes at Mete

With that comen clerkes  and conforteden hire the same

And beden hire be blithe  for we ben thyn owne

For to werche thy wille  the while thy lyf lasteth

Hendely sche thanne  bihighte hem the same

To louen hem lely  and lordes to make

and in the constorie at court  do callen hire names

Schal no lewednesse lette  the lede that y louyeP

That he ne worth ferst auauntsed  for y am be-knowen

Ther kunynge clerkes  schulle clokke be-hynde

Thanne come ther a confessour  coped as a frere

To Mede the Maiden  he menedT thise wordes

and seide ful softely  in schryfte as yt were

Though lewed men and lered  hadde leyen by the b[othe]

and falsT hadde Fouled the  al thys fyfty wynter

I schal assoile the my-sylf  for a seem of whete

and be thi bedeman  and bere wel thy message

among knyghtes and klerkes  concyence to serue

Than Mede for hire mysdedes  to that man kneled

and schref hire of hire schrewednesse  schamelesse y [trowe]

Tolde hym a tale  and tok hym a noble

for to ben hire Bedeman  and hire brocours als

Thanne he soiled hire sone  and sethen he seiden / seide

we han a windowe in worchynge  wil sytte ...?...

Woldest thow glase that gable  and grauen ...?...T

Ful siker schulde thy soule be  heuene to haue

wiste i that quod that womman  y wolde nought spare

for to be ȝoure frend frere  and faile ȝow neuere

while ȝe louen lordes  that lecherye haunten

And lacken nought ladies  that louen wel the same

It is a frealte of fleisch  ȝe fyndeth it in bokes

A comyn cours of kynde  wherof we comyn alle

who may skapen that sclaundre  the skathe is sone amendid

It is a synne of that seuene  sonest relessed

God haue mercy quod mede  on men that yt haunten

And i schal kouere ȝoure cherche  and ȝoure cloistre make

And ȝoure wowes whiten  and wyndowes glasen

Do peynte and portraie  and paie for the makynge

That euery siegge schal seie  y am suster off ȝoure hous

And god to alle goode folk  such grauyng defendeth

To writen in wyndowes  of here wel dedis

Inaduenture / In aduenture pride be peynted there  and pompe of the world

For crist knoweth thi concyense  and thi kynde wille

And thi cost and thi couettise  and wo the catel aughte

For-thi i lere ȝow lordes  leueth such werkes

To writen in wyndowes  of ȝoure wel dedes

Or to greden after goddes men  whan ȝe delen doles

Inaduenture / In aduenture ȝe hauen ȝoure hire here  and ȝoure heuene als

¶ Nesciat sinistra manus  quid faciat dextra