Ra.2 – PPEA

Ra.2.4K.2.4Ra.2.8K.2.8Ra.2.12K.2.13Ra.2.16K.2.17Ra.2.20K.2.21Ra.2.24K.2.27Ra.2.28K.2.31Ra.2.32K.2.35Ra.2.36K.2.39Ra.2.40K.2.43Ra.2.44K.2.47Ra.2.48K.2.51Ra.2.52K.2.55Ra.2.56K.2.59Ra.2.60K.2.63Ra.2.64K.2.67Ra.2.68K.2.71Ra.2.72K.2.75Ra.2.76K.2.79Ra.2.80K.2.83Ra.2.84K.2.86aRa.2.88K.2.90Ra.2.92K.2.94Ra.2.96K.2.98Ra.2.100K.2.102Ra.2.104K.2.106Ra.2.108K.2.110Ra.2.112K.2.114Ra.2.116K.2.118Ra.2.120K.2.122Ra.2.124K.2.126Ra.2.128K.2.130Ra.2.132K.2.134Ra.2.136K.2.138Ra.2.140K.2.142Ra.2.144K.2.147Ra.2.148K.2.151Ra.2.152K.2.155Ra.2.156K.2.159Ra.2.160K.2.163Ra.2.164K.2.167Ra.2.168K.2.171Ra.2.172K.2.175-176Ra.2.176K.2.180Ra.2.180K.2.184Ra.2.184K.2.188Ra.2.188K.2.192Ra.2.192K.2.196

fol. 8r

Passus secundus de visione

Ȝut kneled I on my kneys . and souȝþe hure of grace

and sayde mercy madame . for marye loue of heuene 

þat bare þat blessede barne . þat bouȝþe vs on þe rode

ken me by soum crafte . to knowe þe falce .

Loke on þy lyfþe half . ⁊ / & loke where he standys

boþe fals and fauel . and his feres alle 

I loked on my lyfþe half . as þe lady me tauȝthe

and was war of a womman . wonderly y-cloþed .

y-purfyled with pellure . þe puryste on erþe

y-corouned in a coroune . þe kyng haþ no betere T

of þe puryste perreye . þat prince wered euere

in red scarlet robyd . rybaynyd a-boute with golde .

Ther is no quene queyntere . þat quyk is on lyue

what is þat womman quod I . so wonderly a-tyryd 

þat is mede þe mayde . þat haþ noyed me ful ofte

and lacked my lore . to lordys a-boute .

In þe popys paleys sche is .C preuy as my-selue

and so schulde sche not be . for wrong was hure syre 

out of wrong sche wexe . to wroþerhele manye

I auȝthe be hyere þan sche . for y come of betere .

To-morwe worþ þe maryage mad . of mede and of falce

fauel with fayre speche . haþ forged hem to-gedere  T

to-morwe worþ þe mariage . y-made as I telle

þer myȝþe þou wyte ȝif þou wolt . whych þei ben alle .

That longeþ to þat lordschep . þe lesse an þe more

know hem þer ȝif þou canst . and kep þe from hem alle 

ȝif þou þenkest to wone . with truþe in his blysse

I may no lenger lette . lord I þe by-teche .

And become a goud man . for eny couetyse I rede

al þe ryche retenaunce . þat ryneþ with falce 

were y-bede to þe bredale . on boþe two sydys

fol. 8v

syre symonye is of-sent . to sele þe chartres .

That fals oþer fauel . by ony fyn holdeþ

and feffe mede þerwith . in maryage for euere 

þer nas halle ne hous to herberwe þe peple

þat ech feld nas ful . of folke a-boute .

In myddes a mounteyne . at mydmorwe tyme

was pyȝþ vp a pauyloun . proud for þe nonys 

and ten þousand tentys . tyȝth þer by-sydes

of kyȝthys / k[n]yȝthysP of cortyeres . of comeres a-boute .

For sysores for somnerys . for selleres for byggeres

for leryd for lewyd . for laboreres for þrepis 

alle to witnesse wel . what þe wryt wolde

in what maner þat mede . in mariage was feffed .

To be fastnyd with fals . þe fyn is a-reryd

þanne fauel fettyþ hire forþ . and to fals takeþ 

in forward þat falshede . schal fynde hire for euere

and sche be buxoum at his bode . his biddyng to fulfylle .

At bedde and at bord . buxoum and hende

and at sire symonyes wille . to schewyn his heste 

symonye and syuyle . standes vp boþe

and vn-foldeþ þe vestyment T . þat fals haþ makyd .

Thus bygynneþ þis gome . and gretyþ wel eche

wyten and witnessen . þat woneþ vp-on erþe 

þat I fauel haue . falsnesse to mede

to be present in pryde . for pore or for ryche .

With þe erledome of enuye . euere to laste

with al þe worschep of lecherye . in lengþe and in brede 

with þe kyngdome of couetise . I crowne ȝou to-gedere

and alle þe vycys of vsures . and auaryce þe faste .

Glotonye and gret oþis . I gyf hem to-gedere

with alle þe lytes LX of lust . þe deuel for to serue 

in al þe seygnorye of scleuþe . I sese hem to-gedere

fol. 9r

þey to haue and holde . and here eyres after .

With al þe portunances of purgatorye . in-to þe pyne of helle

ȝeldyngeP for þis þing . at on ȝeres ende 

here soulis to sathanas . and synke in-to pyne

þer to wone with wrong . whilys god is in heuene .

In witnesse of which þing . wrong was þe fyrste

peres þe pardoner . paulyns douȝter 

and bette þe bydul . of bokyngham schyre

randolf þe reue . of rokelond sokne .

Mundy þe mylnere . ⁊̃ / & many mo oþer

in þe date of þe deuel . þis dede I a-sele 

by seyt of sire symonye . and sygnys of notories

þanne tenyde hym theologie . when he þis tale hurde  C

and sayde to syuyle . sorwe on þy bokys

such weddyng to worche . to werre with truþe .

And or þis weddyng be y-wrouȝþ . wo þe by-tyde

for mede is muliere . of frendis engendryt 

god graunteþ to gyue . mede to truþe

and þou hast ȝif hure . to a gyloure .

The tyxte telleþ not so . truþe wot þe soþe

Dignus est operarius mercede . C

worþi is þe werkman . mede to haue 

and þou hast fastned hure with fals . fy on þy lawes

for al by lesynges þou lyuest . ⁊̃ / & lecherouse werkes .

Symonye and þi-self . schendeþ holy cherche

ȝe and þe notoryes . noyȝen þe peple 

ȝe schul a-byȝe boþe . by god þat me made

wel ȝe wyte warnerdys . but ȝif ȝour wit fayle .

That fals is faytour . and fals of his werkes

and as bastard y-bore . of belsabuckes kynne 

and mede is muliere . a mayden of gode

sche myȝthe kysse þe kyng . for ȝif sche wolde .

Worcheþ by wysdoum . and by wit after

fol. 9v

ledyþ hure to londone . þer lawe is handlyd 

ȝif eny leute wil loke . þey lygge to-gedere

and Iustyse iugyn hure . to be Ioynyd with false .

ȜutP be war of þat weddyng . for witty is treuþe

for conciens is of his conseyl . ⁊̃ / & knoweþ ȝou echone 

and ȝif he fynde ȝou in þe faute . and with þe falce holdyn

hit schal be-set ȝour soulys . wel sore at þe laste .

Here-to asenteþ syuyle . ac symonye nolde

til he hadde syluer . for celys and sygnys 

þanne fette fauel forþ . floures y-nowe

and bad gile go gyue gold . anon al aboute .

And namlyche to þe notoryes . þat hem non faylede

⁊̃ / & feffe fals witnesse . with floures y-nowe 

for he may mede a-mastrye . and make at my wille

þo þis gold was y-gyue . gret was þe þankyng .

To fals and to fauel . for here grete ȝifthes

and come to comforte . fro care þe falce 

and certes sayde sece . schulle we neuere

tyl mede be þy wedded wyf . þorw wit of vs alle .

For we haue mede a-maystryid . with oure merye speche

þat graunteþ to go . with a good wylle 

to londone and loke . ȝif þat þe lawe wolde

Iugen ȝou ioyntlyche . in lawe for euere .

Thanne was falce fayn . and fauel as blyþe

and let somone alle þe seggis . in scheres a-boute

and alle beþ bon . beggeres and oþre

to wende with hem to westmynystre . to witnesse þis dede .

Thanne caryd þey for capelys . to caryyn hem þeder

þanne fette fauel folys . þer-of þe beste 

sette mede on a chyrreueC . y-schod al newe

and fals on a sysour . þat sofly / sof[t]lyP trotted .

And fauel vp a fayre speche . fetysly atyryd

fol. 10r

þo hadde notorijsP none  anoyȝed þey were 

and symonye and syuyle . schulde on here fet gange

þan seyde syuyle . and swore by þe rode .

That somnores schulde be sadlyd . and seruyn hem echone

and let hem parayle þe prouysoures . in palfray wyse 

sire symonye hym-self . schal syttyn on here backes

and alle þe denys and subdenys . as destreres hem dyȝthe .

For þei schulle bere þese bisschopys . and brynge hem at her reste

paulyus / pauly[n]us peple . for pleyntes in constorye 

schulle serue {..}mynC -self . þat seuyle hatte

and lat sadle þe comysarye . oure cart schal he drawe .

And fette in oure vytaylys . of fornicatoures

and makyn of here T a long cart . to lede al þis oþere 

as folys and faytoures . þat on here fet rennys T

and mede þe maydyn T . and al þe mayne after .

I haue no tyme to telle . þe tayl þat hem folwyd

of meny maner men . þat on þis molde lybbys 

ac gyle was foregoere . and gredde hem alle

soþnesse seþ hem wel . and seyþ but lytyl .

But prikede forþ on his palfray . and pasede hem alle

and cam to þe kynges curt . and conciense tolde 

and concyense to þe kyng . carpede after

by crist quod þe king . and I myȝthe chacche .

Fals oþer fauel .P oþer . eny of his ferys

I wolde be-wreke me of þo wrecchis . þat wrouȝthyn so ylle 

and don hem hange by þe hals . and alle þat hem manteynyþ

schal neuere man on þis molde . meynpryseP þe beste .

But ryȝþ as þe lawe lokeþ . lat falle on hem alle

and comandyþ a constable . he come at þe fyrste 

to take þe tyrauntes . for eny tresour y-hote

feteryþ falsnysse faste . for eny skynnysC ȝyftys .

And gaderyþ of gylis hed . lat hym go no ferþer

fol. 10v

and bryngeþ mede forþ . maugre hem alle 

symonye and seuyle . I sende hem to warde

þat holy chyrche for hem . worþ harmed for euere .

And ȝif ȝe lacche lyereC . lat hym nauȝth a-schape

ere he T put on þe pylory . for eny tresour I-hote 

drede at þe dore stant . and þat dome herde

and wyȝþlyche wente . to warne þe falce .

And bad hem T fle for fere . and his feres alle

þo falsnesse for fere . fley to þe freres 

and gyle doþ hym to go . a-gast for to deye

ac marchauntes mette with hym . and made hym a-byde .

Be-schette hym in here schoppes . þe pepleT to serue

lyȝþlyche lyere . lepte a-way þennys 

lurkande þorw lanys . to be logged of manye

he was nowher welcome . for his many talys .C

Ouer-al y-honted . and I-hote trusse

til pardoneres hadde pite . and pulled hym to house 

waschede hym and wyped hym . and wounde hym in cloþes .

and sente hym on sondayes . with selys to cherche .

And ȝaf pardoun for pens . pound-mele a-boute

þanne louredeC lechys . and letteres þo sente 

for to wone with hem . wateres to loke

spysourys spak with hem . to a-spye her ware .

For he coude on her crafte . and knoweþ many gummys

Menstralys and messageres . mette with hym onys 

and withheld hym half ȝerC . and enleue dayes .

freres with fayre speche . fetten hym þennys .

For of comeres . copyd hym as a frere

ac he haþ leue to lepe in and out . as ofte as hym lykyþ 

and ys wel-come when he wol . and woneþ with hem ofthe

alle fleddyn for fere . and flowyn in-to hernys .

fol. 11r

Saue mede þe mayden . no mo dorste a-byde

ac treuly for to telle . sche tremelyd for drede 

and eke wep and wrong . when sche was a-tached .

◂

⸫C

symony

☞

Rgh

lyereC

☞ ffallsnis ffly
eth to the ffrey
ers ⁊ / & gyll to
marchanttesC

lyeres fferd to
pardonares

S Saue me

▸

ffall(es) ffavell

mede

false

favel

þei to haue ⁊ / &

Theologye

syuyl

10.

11.

Ra.2.10: A following line, Kane's 2.11, is absent from RaU.↩

A pyramided three lobes: not visible in image.↩

Ra.2.17: The punctus is oddly located at this point.↩

Ra.2.22: Two Kane lines (2.24-25) which follow this are absent from RaU.↩

Ra.2.40: The <s> is superscript, and its form (?a compacted long-s) appears only here and at Ra.2.159: skynny(s). It is possibly a later addition.↩

Ra.2.52: vestyment is unique to Ra. This may suggest that feffement, the reading in other manuscripts, was in Ra's exemplar spelled with an initial <v> and the ff was interpreted as st.↩

Ra.2.62: lytes: this may be a variant (unrecorded in MED) of the plural of the noun lith, a form to which the MED gives four distinct meanings. The most relevant one, given seygnorye of Scleuthe in the next line, would be "An estate, landed property; a household, habitation." Slightly less attractive, but still possible, might be "A slope, hill." Cf. lytȝ at 3.191.↩

Ra.2.66: The suspension mark looks to be the same form as that for er in pardon(er) 4 lines below; but its appearance after final <g> seems regularly to stand for final <e>, as in lachynge above, Ra.1.100, and blessynge below, Ra.7.93. And cf. the usual form following final <r>.↩

The regular alternation of line-end punctuation is interrupted here: the expected . is replaced by  ↩

This Latin line regularly appears here in other manuscripts (except Wa, which omits it). Tilot inscribes it in red in the right margins, at the end of lines 2.83 and 2.85. The added line breaks between "est" and "operarius." This is a unique instance of this sort of addition/correction by Tilot.↩

Ra.2.100: The initial yogh is clearly a capital here.↩

Ra.2.126: The original chyrreue, or possibly thyrreue, is altered in a darker ink, by a later hand which overwrites a long <s> over <c> and <v> over <u>.↩

Ra.2.127: What may appear at first glance to be a superscript <t> is simply the overlapping strokes of the descender from <y> above and the ascender of <l> on this line. The missing <t> is not noted in Kane.↩

Ra.2.129: Both the <i> and <j> are dotted with a <v>-shaped mark.↩

Ra.2.138: myn appears to be over an erasure/scraping; note extra-wide blank following it.↩

Ra.2.141: here, unique to Ra, could easily have been misread from liere, the reading of other manuscripts. J, however, has hem.↩

Ra.2.142: Kane's following line (2.145) is not present in Ra.↩

Ra.2.143: maydyn is unique to Ra here, though it is commonly collocated with mede elsewhere. This is consistent with the omission of K.2.145, since there is no mention in Ra of Fals & fauel for Mede to be in þe myddis of.↩

Ra.2.152: Syntax (not always an infallible guide in this manuscript) suggests that this punctus is the proper one, even though it may appear to be an otiose continuation of the bottom stroke of <l>; the second punctus, after oþer, is incorrectly placed.↩

Ra.2.155: An <e> is inserted between <m> and <y> (and overwrites the third minim of the <m>); this makes the <m> appear like an <n> (as reported in Kane's variants).↩

The form of this superscript <s> is the same as that at Ra.2.40, above.↩

The last letter is blotted/erased.↩

Ra.2.164: There is a later underlining in black of lyere here, presumably by the supplier of the marginalia.↩

Ra.2.165: be is uniquely absent here in Ra: this could easily be the result of eyeskip because be and he look similar.↩

Ra.2.168: RaU have hem [hym elsewhere], taking falce as a collective noun, not an individual personification. Cf. þaim in E, which uniquely has felshed instead of þe false at the end of the previous line.↩

A pointing finger followed by four lines of secretary hand. There is a black line above the first line, continuing from the pointing finger; and the last line is underlined in black.↩

Ra.2.172: The faulty alliteration suggests that Ra may have collapsed two lines into one. Knott-Fowler (and Kane, with slight spelling variants) reads:
Besshette hym in here shoppis to shewen here ware,
Aparailide hym as a prentice the peple to serve.
The repeated to s probably occasioned an eye-skip.↩

Ra.2.175: There is a blank line following Ra.2.175. This is a unique occurrence in Ra.↩

Ra.2.181: The following three words are underlined in black by a later hand, most likely Hand 3, who is responsible for the underlined marginalia on this, and nearby, folios.↩

Ra.2.186: The upper extension of the <r> appears to have been scraped lightly, to remove a superscript <e>.↩